el trAsgU d´aRecEs

Con cada llingua nueva que s´aprende algámase una nueva alma.

Siéntome como si zucase´l llechi d´una muyer estraña, como si medrase al llau d´otra persona. Siéntome asina porque nun falo la mio llingua ma.

La perdida de les llingües ye una llacedia xustamente porque les llingües nun son camudables, xustamente porque representen la destilación del pensamientu y la comunicación d´un pueblu a lo llargo de tola so hestoria.

Yá qu´agora saltó a los medios de comunicación el problema del racismu y la xenofobia, esmolezme que más pol morbu d´unes imaxenes que por concienciar a la sociedá de que la diversidá de la mesma nun ye un problema, taría bien falar de como los mesmos medios son los primeros en diferenciar ente ciudadanos “normales” (españoles de ñacimientu, blancos y heterosexuales de clase media) y persones pertenecientes a otros grupos consideraos minoritarios dientro de la sociedá. Asina nun ye raru cuando hai un casu de violencia machista ver titulares nos periódicos onde se mos informa de que “un marroquí mata a la so muyer” cuando l´asesín ye una estranxeru, pero sicasí podemos lleer “muerre una muyer en Barcelona pola violencia machista” cuando l´asesín ye español de tola vida. El primer titular paez indicar que ser marroquí ye una cuestión “sine qua non” pa maltratar a la compañera sentimental mientres que´l segundu namás informa d´un problema que tien la sociedá y al que hai que da-y solución. Esto pue ampliase a cualesquier noticia y ver como la nacionalidá de la persona, nidiu ta que cuando nun ye un país del primer mundu, pue convertirse en motivu pa señalar a tou un coleutivu (Un dominicanu viola a una moza en Xixón), lo que nun fai más qu´afalar la xenofobia d´una sociedá que camienta que la recocencia de los drechos de les minories ye perdida de privilexos pa ellos mesmos. Los medios de comunicación nun puen suplir les carencies del sistema educativu nin ser los encargaos de formar a la sociedá, pero por mor del so poder de difusión tienen una nidia función de concienciación de realidaes que siempre tuvieron a espaldes de la sociedá, encerraos por necesidá nos sos guettos y qu´agora, en plenu sieglu XXI, nun van quedar de llau na construición d´una sociedá más igualitaria y meyor pa toos.

La sociedá, l´asturiana nesti casu, somos toos: blancos, islámicos, chinos, gais, llesbianes, marroquíes, católicos, asturianos, prietos, transexuales, mulatos, africanos, ecuatorianos, llatinos, andaluces... Porque con ellos somos más y vivir en sociedá, toos xuntos, ye lo que mos fai ser persones, habitantes d´esti nuesu planeta que compartimos. Yá ta bien de guettos, de marroquíes que trapicheen con drogues, de muyeres arguyoses de la so condición de floreros, de gais que namás que tienen pluma, de llatinoamericanos con cuchiellos nel bolsiellu y gorres de nicke... valió yá d´estereotipos caducos y aprendamos a vivir nuna sociedá con munchos collores y acentos, una sociedá igualitaria basada nel respetu, quiciabes dexando de llau estereotipos basaos nel mieu a lo diferente nun tengamos que ver más imaxes como les del nazi dando-y una patada a una neña menor d´edá.

Pa que veáis un exemplu de cómo con un simple titular pue señalase a tou un colectivu o nacionalidá póngovos esti exemplu espublizáu nel diariu “El Correo Gallego” fai dalgún tiempu:

hurto a lo grande
Un asturiano roba una valla publicitaria y un andamio en A Coruña

Los efectos fueron recuperados en una chatarrería que también estaba siendo investigada ·· Fueron valorados en más de 4.000 euros

A. ORGAZ • SANTIAGO
Un vecino de A Coruña pero natural de la localidad asturiana de Cangas de Narcea, A.M.R., de 42 años de edad, no se conformó con un robo cualquiera.

Y así, el pasado día 19 una empresa madrileña denunciaba que entre las cuatro y las seis de la tarde, en la rotonda existente a la salida del polígono de Matogrande en dirección al polígono de Pocomaco, en A Coruña, fue objeto del robo de un cartel de publicidad, de los denominados Box, valorados en 3.400 euros, así como de un andamio permanente de aluminio, valorado en otros 750 euros. (...)

El centru social A Gentalha do Pichel asitiáu na capital gallega ta entamando una campaña pa promocionar la llingua al traviés del sexu. La campaña ta empobinada pola estaya de llingua de la asociación y coleutivos LLGBT de Compostela y consiste na distribución de condones con mensaxes nel so envoltoriu col conseyu “Cuando fodas nun escaezas la llingua” amás de pallabres rellacionaes col actu sexual como llamber, besu, llingua, coñu, xorra, meruca....

Diccionariu de la llingua y otros organos sexuales

El míticu magu Merlín paez que nin yera magu, nin rei d´Inglaterra y muncho menos de la mítica Camelot. Al paecer yera escocés y fízose famosu pola so llucha escontra los ingleses. Asina lo afita l´hestoriador aficináu Adam Ardrey, que ta acabantes d´asoleyar l´estudiu Finding Merlin: The Truth Behind The Legend (Descubriendo a Merlín: la verdá tres la lleenda).

Según los decubrimientos d´Ardrey Merlín yera un políticu ya intelectual que ñació en Hamilton, a venti quilómetros de Glasgow, nel añu 1540 y vivió en Partick, anguaño barriu de Glasgow, xunto cola so muyer, Gwendolin. Según Adam Ardrey, qu´atopo tolos datos por casualidá al buscar los raigaños del so apellíu, foron los escritores cristianos los que censuraron la hestoria real pa camudala y asitiala del so llau, lo que fizo qu´anguaño téngase la imaxe qu´aportó del cine hollywoodiense de Merlín coronáu como rei d´Inglaterra

Entrevista a Sabino Fernández Campo nel diariu del movimientu-Avilés de güei:

-¿Vamos camino de un Estado federal o, quizá, de la partición del territorio?
-No me gustaría que ocurriera eso. El Estado de las autonomías no ha mejorado a la nación de España. Las cosas no van mejor así y da muchos problemas. Con todo el respeto a la Constitución y al presidente Adolfo Suárez, tengo que decir que las autonomías son el error de la Carta Magna. Aquello del café para todos lleva el peligro de una desmembración.
-Aquí también andamos a vueltas con la reforma del Estatuto. Hay políticos que nos quieren imponer el bable.
-Me parece un ridículo enorme. El bable, que lo estudie el que esté interesado o le guste. Imponerlo me parece absurdo.

P.D; Les declaraciones de Sabino Fernández Campo tovía tienen un pase, caún ye llibre d´opinar lo que quiera por munches babayaes qu´acabe diciendo como ye´l casu, pero lo de la periódista Mariola Riera nun tien nome. Eso nun ye una entruga ye una afirmación y una opinión, yera bono que-yos dieras un repás a los apuntes de la carrera fiyina.

Réplica a un asturianista

ESTEBAN GRECIET
En este alterado mes de agosto, la actualidad es tan hirviente y atípica como el tiempo atmosférico. Son muchas las informaciones que requerirían la atención del comentarista, casi todas conflictivas. Hagamos, pues, un alto en el camino para una especie de sorbete que nos alivie un poco de tensiones y tómese lo que sigue en la festiva clave en que está escrito.

Resumen de lo publicado: ironizaba el firmante el día 13 de julio último sobre el «bable batúa», la cooficialidad y las clases de llingua. Replicaba un lector, don Pablo Rodríguez, el 13 de agosto, en defensa de «les señes d'identidá» y en espera de mi respuesta. Es ésta:

Desque vi'n'el periódicu esti día / que escribe un de El Entregu, muy molestu / por coses que del bable yo dicía, / cavilo que en cuestión d'asturianía / saca los pies del tiestu. /

Nun di al casu una plizca d'emportancia / y dimpués olvidelu casimente, / pos la carta encontrela sinsustancia, / ¿y diré que tamién un poco rancia?... / Seralo guapamente. /

Pero el diañu burlón, que sabe historia, / disfrazáu de bablista y buen amigu, / refrescome a la oreya la memoria / y metiome dimpués, ¡me caso en Soria!, / pa dientro l'embeligu: /

Porque el mi sulfurosu replicante / nun tien por qué saber que esti veranu / ya llevo mediu siglu de pescante / de dar en los papeles pa endelante / sofitu al asturianu. /

Ta claro que un va siendo veteranu / y metíu en dalgún que otru enguedeyu. / Los años pasen pa to'l mundu, hermanu, / y ansina ha de admitilo esti paisanu / si quier llegar a vieyu. /

Pa terminar, parezme razonable / que la oficialidá ye enrevesosa: / los rapacinos probes tendrán bable; / y los ricos, inglés, ye impepinable. / ¡Dizlo el profesor Sosa!.
(LNE 26/8/2006)

P.D; ¿Por qué agora a los anti-oficialidá (odio y llerza a la llingua namás) da-yos por dicir que los ricos van estudiar inglés y los probes “bable?. dempués de lo de la falta de demanda, lo de la imposición ¿ye la nueva moda anti-bablista?. ¿Qué quier dicir lo de rapacinos probes y rapacinos ricos?, ¿los de colexu priváu y los de colexu públicu?. Paez que tamos nel sieglu XIX falando de la burguesía y de los proletarios, qu´agora toos somos de clase media ho, paez mentira que nun lu sepan, qu´incultos mamina. Nun ye la oficialidá que tol mundu pueda estudiar asturianu ensin denguna discriminación, ¿saben lo que ye la oficialidá?, ¿saben ellos falar inglés que tanto lo defienden?. ¿Por qué a estos puntos, tipu Gabino de Lorenzo, pa facer usu del asturianu escritu faenlu a la manera de fai dos sieglos?. ¿Lleeron dalgún llibru n´asturianu de cuarenta años p´acó?. Evolucionen un poco señores intolerantes, nun tamos nel sieglu XIX. Si nun tienen argumentos callen la boquina, pero dexen de dicir fataes.

Güei fai 70 años de la declaración d´Asturies como país soberanu al traviés d´un decretu del Conseyu d´Asturies y Llión. El fechu más importante de la nuesa hestoria nos caberos dos sieglos y dengún actu oficial va conmemoralu. El mesmu partíu que foi artífice d´aquella declaración güei gobierna Asturies col enfotu de desaniciar la so identidá y too lo de so. Un exemplu ye qu´anguaño los neños asturianos estudien na escuela la declaración del Estat catalá dientro de la II República española pero nun saben un res sobre qu´Asturies ye l´únicu país del Estáu español que nel sieglu XX declaró la so independencia ente l´aisallamientu que sofría´l país en plena Guerra Civil y coles tropes golpistes de Franco ensin que nadie-yos parara los pies atravesando Cantabria, daqué asemeyao a lo que fizo la Xunta Xeneral el 25 de mayu de 1808: si nun hai un gobiernu superior que remane en tol Estáu les instituciones asturianes tienen abondo capacidá ya identidá hestoria pa gobernar el país, foi una constante a lo llargo de la nuesa hestoria de lo que nun puen presumir otros países del Estáu güei nomaos “naciones hestóriques”.

Foi un 24 d´agostu de 1937 cuando diez de los quince ministros que formaben el Conseyu votaron a favor del decretu que proclamaba la soberanía de la institución. Un de los mesmos que voto a la escontra foi´l mesmu Rafael Fernández que cuarenta años dempués tornó del esiliu a Asturies pa presidir el gobiernu pre-autonómicu. A lo llargo de dos meses Asturies foi dafechu soberana gobernado´l so territoriu y ellaborando les sos propies normes llegales. Ye de reseñar qu´Asturies ye la única nación del mundu ensin estáu que foi quien a tener la so propia moneda y el so propiu sistema de correos, los únicos con valir d´aquella. Nun había en tol país nada que nun tuviera baxo´l poder del Conseyu, inclús mandóse una carta al Conseyu de Naciones (la ONU d´angualo) pa informar a los organismos internacionales la esistencia d´un nuevu país llibre nel mundu.

El presidente del Conseyu Soberanu d´Asturies y Llión, Belarmino Tomás, frañó dafechu cola República y destituyó a Glamir, xeneral español que taba al mandu de les fuercies asturianes que lluchaben escontra´l facismu, nomando´l so propiu xeneral: el coronel Prada. El propiu Azaña, presidente del gobiernu republicanu asitiáu yá en Valencia, llego a afitar que la declaración de soberanía yera una rebelión ya inclús mando llamar a Belarmino Tomás a Valencia pa presionalu y que desaniciara la declaración de soberania, quiciabes tamién pa retenelu. Pero elli unvía a dos ministros qu´afiten los puntos de la soberanía y que nun refugaron d´ella.

Dos meses dempués de la declaración del Conseyu d´Asturies y Llión como soberanu´l país perdió la so independencia ente un exercitu facista muncho más poderosu. Los miembros del Conseyu marcharon pal esiliu en Catalunya, ellí Belarmino nun se xuntó nin coles organizaciones polítiques catalanes nin coles españoles y funden l´Asociación Socialista de Refuxaos Asturianos pa dirixir la resistencia asturiana nel esterior, faen lo mesmu en Francia.

Belarmino Tomás morrió nel esiliu mexicanu´l 14 de setiembre de 1950. Anguaño los políticos españolistes que remanen Asturies escuenden la documentación que se fizo a lo llargo de los dos meses (anguaño en manes de la FSA y del PCE), la so tumba ta en condiciones vergoñentes y el so despachu ta en manes del exércitu español a mou de botín de guerra dende 1937. El gobiernu d´Asturies nun fixo un res pa solicitar formalmente la so devolución. Quiciabes, como puntu final, hai que remembrar les pallabres qu´al tornar del esiliu dixo la fía de Belarmino, Pura Tomas: “entos yeramos asturianos y eso yera abondo”.

Namás lleer la noticia en Fueya en Blancu corrí al quioscu. Yá ta nes mios manes, un númberu hestóricu gracies a esta restauración borbónica y a la falta de democracia propia de los tiempos del xeneral Pachu. ¡¡¡Llegue a pensar dempués de salir del quioscu que pasaría si me paraben los “grises” y me rexistraben teniendo nel mio poder una revista roxa y comunista!!!. Ablucante, la llibertá de prensa ye un de los pegoyos de les sociedaes democrátiques, ensin ella que nun mos falen de 30 años de democracia.

Como curiosidá dicir qu´ente les viñetes d´El Jueves podemos atopar una onde se fala sobre Cándido y Morala y la represión nel nuesu país.

¿Daste cuenta? Si quedes preñada, esto va ser lo más asemeyao a trabayar que fixi na mio vida.