Alministra'l to Blog

¡Crea'l to Blog yá! Fácil y de baldre

el trAsgU d´aRecEs

Estaya: Cosadielles

31/01/2007 GMT 1

Un aliendu al planeta

damian @ 17:38

L´un de febreru de 19.55h a 20.00 cada persona apagara les lluces de la so casa pa dái un aliendu al planeta. Si la respuesta ye masiva l´aforru enerxéticu pue ser brutal. Sí, yá sé que taremos 5 minutos a escures, pero qué son 5 minutos, si pues dái un aliendu al planeta... Alcuerda, interné da una cobertura asgaya, pasa la noticia... ye a traviés d´estes iniciatives como demostramos que tamién tenemos fuercia.

30/01/2007 GMT 1

Ultraxes a Ejjpañá

damian @ 14:52


Vidiu de les polémiques declaraciones

El 20 de xineru del 2006 en TV3 l´actor Pepe Rubianes fizo unes polémiques declaraciones sobre les persones que taben desendolcando una campaña escontra Catalunya y la so reforma d´estatutu. Les pallabres de Rubianes sentaron permal a munches persones, tanto que la so obra "Lorca eran todos" foi censurada en dellos conceyos baxo alministración popular. Pero la cosa nun fina ehí; El xulgáu númberu 5 de Sant Feliú del Llobregat formuló una acusación formal contra elli, según la fiscalía estes pallabres suponen un ultraxe a España d´alcuerdu col artículu 543 del Códigu Penal y soliciten una multa de sesenta euros diarios demientres un añu. La Fundación para la Defensa de la Nación Española foi quien actuó como acusación.

23/01/2007 GMT 1

La SGAE, será por perres...

damian @ 14:22


Recaudación de la SGAE en tol mundu por drechos d´autor; 24.600.000 euros (19,5 más qu´en 2005)
La SGAE nun sólo xestiona los drechos d´autor de compositores y productores españoles, tamién de países llatinoamericanos. En dalgunos países como Holanda y Dinamarca algamaron en 2006 drechos d´autor correspondientes a exercicios anteriores. La SGAE quier fomentar víes pa tener más recursos pa los sos asociaos (too pol bien de la música, enxamás pa enllenar la cartera).
Principales mercaos internacionales;
EEUU; 4.031.000
Francia; 3.075.000
Italia; 2.016.000
Arxentina; 2.011.000
México; 2.005.000

31/12/2006 GMT 1

Añu nuevu, blog nuevu

damian @ 19:41

Dempués d´un añu y dos meses déxame murniu tener que dexar el vieyu blog, amás de dar un poquitín de llerza entamar una nueva páxina dende 0 dempués de tantes llinies asoleyaes, pero como en tol 2006 Bitacoras.com nun pudo furrular peor, que meyor qu´encarar un nuevu añu con una nueva direición que me permita a min trabayar meyor y a vosotros poder dexar los mensaxes que vos pruyan. Aquellos que nes vueses páxines punxisteis un enllaz a esti blog encamentaríavos qu´enllazarais dende la nueva direición. Entamamos nuevu añu y nuevu blog, esperemos que los dos vengan enllenos de bones noticies y de pasos p´alantre na llucha d´esti pueblu polos sos drechos. Quiciabes, si toos xuntos puxamos por ello, el 2007 seya l´añu en que tolos asturianos algamemos los mesmos drechos llingüísticos. Dende equí prestariamos muncho llegar a 2008 teniendo un blog nuna llingua oficial ensin necesidá de camudar l´idioma en qu´escribayo estes llinies.

¡¡¡Prestosu 2007!!!

Archivu | ¡Crea'l to Blog yá! Fácil y de baldre