La participación de Dixebra nel Liet-Lavlut traerá la primer participación de la nuesa llingua nun festival de la canción européu, pero nun será la primer participación d´un asturianu/a. Nel 2006 Asturies tuvo representada n´Eurovisión pola mierense Jenny, anque por Andorra y en catalán. L´asturiana namás que llevaba un añu n´Andorra y tuvo qu´deprender catalán apriesa y corriendo pa interpretar en Grecia “Sense tu”, una balada onde la cantante fala de que nun tien razón pa vivir ensin el so amor y diz que anguaño ta al final del camín.
Pero la primer participación asturiana n´Eurovisión entamó y acabó mal. Dende qu´entamara la participación andorrana en 2004, foi la primer vez que la televisión nacional andorrana escoyía´l so representante de forma interna, lo que-y valió critiques, sobre too porque nel xuráu d´Eurovisión-Andorra taba´l propiu compositor de “Sense tu”. Por riba, a la probe, na so actuación nel festival vistiéronla de llutu rodeada de baillarines en bragues, que nun pegaba muncho (y menos mal, porque nun entamu ella tamién diba salir en bragues). Total, de 23 países Jenny quedó la última con 8 puntos, la peor participación d´Andorra n´Eurovisión y la Jenny de Mieres volvió a poner copes y namás se supo d´ella. Y coses que tien Eurovisión, qu´al añu siguiente un cantar perasemeyáu (baladina de que mal toi ensin ti) va y gana, un país del esti, home caro.
LA BANDA YA TRABAJA EN EL PROXIMO DISCO. Dixebra participará en un festival en Laponia El certamen Liet Lavlut reúne a grupos europeos en lenguas minoritarias.
22/09/2008 CARLOS MIER
Asturianos en Laponia. Ese podría ser perfectamente el título del nuevo disco que el grupo Dixebra, --con el incombustible Xune a la cabeza-- va a comenzar a perfilar a su regreso de las tierras europeas más septentrionales. Y es que la banda en asturiano más internacional ha sido convidada por la Laponia sueca para participar en el prestigioso Liet Lavlut, un festival de la canción en lenguas minoritarias que se celebrará en Suecia el próximo 18 de octubre y que está promovido por organismos públicos como el Consejo Europeo.
Xune Elipe, vocalista y líder del grupo, se mostraba muy contento por la llamada al término del concierto que Dixebra ofreció en La Felguera el pasado sábado y que ponía punto y final a su gira veraniega. Elipe aseguró, asimismo, que a la vuelta, él y su grupo se "encerrarán en el local" para preparar un nuevo disco que esperan que vea la luz en la primavera de 2009.
La canción escogida para participar en el festival es Indios , un tema de su disco Dieron en duru y al que Elipe tiene especial cariño. Además, en su último concierto debutó el nuevo gaitero de la banda, Llorián García, un gijonés de 21 años que viene a sustituir a Fernando Rubio, un cambio que Xune Elipe ve positivo "por la importancia de ir incorporando savia nueva a la banda". Y es que ya son 21 los años que Dixebra lleva transitando por escenarios de toda Asturias, España e incluso, como en este ocasión, el mundo, sin perder ni un ápice de su energía e ímpetu iniciales.
LA VOZ DE ASTURIAS (22/9/2008)
Participar n´Eurovisión ye una, de les munchísimes y xustes, vindicaciones palestines. Hasta tienen una páxina n´inglés pa dar a conocer la campaña. Lo que pasa ye qu´Eurovisión ye too menos política (como bien sabéis) y nun permite participar a países que nun tean reconocíos pola ONX como tales.
Palestina tien una televisión pública a cargu de l´Autoridá Nacional Palestina, creada (col sofitu d´Europa) ya inaugurada en 1993 por Arafat. Los sos rivales llamábanla “Tele Arafat”. Anguaño, dende Gaza, controlada por Hamás, tamién emite Al Aksa TV, famosa por un ratón Mickey qu´afalaba l´odiu haza los xudeos nun programa infantil. Los dos principales grupos palestinos usen les sos cadenes p´atacar al enemigu internu, dende la tv de Ramala llama a los llíderes d´Hamás “golpistes y rehenes d´Irán”, mientres que dende Al Aksa TV, con conteníos más relixosos, falen d´Abu Mazen como “sociu del enemigu sionista”. Denguna de les dos ta na UER, requisitu pa participar nel festival.
Y digo yo, si n´Eurovisión too dios vota al vecín; ¿votará Israel a Palestina y viceversa?. L´añu pasáu vimos como Armenia daba-y 12 puntos a Turquía (aquellos que mataron a un millón d´armenios) y los croates, bosnios o albanos foron los encargaos de llevar a Serbia al trunfu. Esti añu toles exrepúbliques soviétiques votaron a Rusia. Eurovisión ye otru mundu, un mundu de paz y collorines.
El parlamentu turcu ta trabayando nuna llei pa fomentar y protexer la so llingua propia, ente toles medíes nes que trabaya la comisión encargada de desendolcar la llei rescampla una: la obligatoriedá de dir a Eurovisión con un cantar na llingua oficial del país.
Dende que debutó en 1975 nel festival, foron munches les ocasiones nes que Turquía participó n´Eurovisión con un cantar n´inglés. Nel añu 2003, la televisión pública turca unvió a Letonia´l cantar “Everyway that I can”, dafechu n´inglés. Enantes del festival hubo una fola de protestes en tol país, llegando inclús a falase del tema nel parlamentu. Pero ganaron.
Marruecos namás participó una vegada n´Eurovisión, en 1980 cuando Israel nun lo fizo. Pero la so representante, Samira Said, acabó nel 18u llugar con namás 7 puntos d´Italia. Y eso a Hassan II cafió-y tanto que dixo qu´enxamás. La televisión pública marroquina trasmite tolos años el festival, pero non dafechu. Y ye que la TVM censura les actuaciones nes que s´amuesa demasiáu o aquelles onde hai lletres contraries al Islam, y pa poder participar la televisión estatal tien qu´emitir el festival del entamu a la fin ensin cortes.
P.D: La primera y última representante de Marruecos n´Eurovisión anguaño ye una superestrella nel mundu árabe.
Mira que´l Liet Lavlut ye un festival de naciones ensin estáu, con llingües, munches d´elles, ensin drechos pa los sos falantes (que vos voi cuntar) y nada politizáu oyi. Non como Eurovisión. Mamina, como ta la cosa. Resulta que la Ministra de Cultura d´Estonia, Laine Janes, solicitó un boicot de les televisiones del continente pa que nun participaran na prósima edición del festival pol conflictu ente Rusia y Xeorxa, el festival va celebrase en Moscú tres qu´esti añu ganara Dima Bilan col cantar "Believe" .
Inclús, la directora del canal públicu polacu, Dorota Macieja, ta estudiando facer boicot y nun unviar a nadie a Eurovisión. Asina, la tv polaca manifestaría el so sofitu a Xeorxia, cuya tv yá anunció la so refuga a participar nun festival celebráu en Moscú. Les televisiones d´Estonia, Letonia y Lituania paezen que van siguir el camín de la Polaca y asina, manifestar el so sofitu a Xeorxa.
Por mor de les presiones de les grandes cadenes europees (BBC, TVE, France 2 y ARD) too paez indicar que na prósima edición del festival d´Eurovisión va volver a camudar el sistema de votación. Ye más que probable que na prósima edición los votos se repartan ente´l votu telefónicu del públicu, sistema d´anguaño, y el d´un xuráu d´espertos, sistema que furrulaba n´Eurovisión hasta finales de los 90 y que tovía conserven dalgunos países con problemes nel sistema telefónicu. Y ye que col votu telefónicu y popular, a pesiar de ser lo más democráticu, les votaciones son d´aquella manera. Y si non por qué diba dar Andorra los 12 puntos al Chiki-Chiki...
Val, últimamente nun faigo más que poner vidios del youtube, pero que quies, toi d´esámenes, estudiando “Historia de los movimientos sociales” que ye´l que me queda. Podía ponevos equí un artículu de dos fueyes sobre como Gandhi propunxo una llucha non violenta al traviés de la desobediencia civil, dexando de mercar ropa inglesa por exemplu, como les sos acciones pacífiques contestaes con violencia polos ingleses diban lexitimando la so llucha y faciendo que cada día más indios se sumaran a la llucha pola independecia. Pero como nun tengo tiempu pa ello y el traxe del país ye abondo caru y dibamos asar toos col calor que fai estos díes, quedáis cola versión india de Superman que topé nel youtube. 100% friki.
“El mundu perdíu”, martes 16 de setiembre a les 19.00 hores
TÍTULU ORIXINAL The Lost World AÑU 1925 DURACIÓN 64 min. PAÍS EEXX DIRECTOR Harry O. Hoyt GUIÓN Marion Fairfax (Novela: Arthur Conan Doyle) REPARTU Bessie Love, Lewis Stone, Wallace Beery, Lloyd Hughes, Alma Bennett, Arthur Hoyt, Margaret McWade, Bull Montana, Finch Smiles, Jules Cowles XÉNERU Fantásticu. Ciencia-Ficción. Aventures.
(Cine mudu)
SINOPSIS: Una espedición científica británica viaxa a una alloñada meseta de la selva brasileña. Ellí alcuentren homes prehistóricos y toa clase de dinosaurios. Adaptación de la famosa novela de Sir Arthur Conan Doyle. Los efeutos especiales corrieron de la mano de Willis H. O´Brien, un pioneru de l´animación nel cine que desendolcó la téunica de simular l´animación per mediu de figures de goma con estructures metáliques que se movíen unos milímetros pa cada fotograma.
“Frankenstein” y “Nosferatu, una sintonía del espantu”, vienres 19 de setiembre a les 19.30 hores
TÍTULU ORIXINAL Frankenstein AÑU 1910 DURACIÓN 16 min. PAÍS EEXX DIRECTOR J. Searle Dawley GUIÓN J. Searle Dawley (novela de Mary W. Shelley) REPARTU Charles Ogle, Augustus Phillips, Mary Fuller XÉNERU Fantásticu. Ciencia-Ficción. Terror
(Cine mudu)
SINOPSIS: Victor Frankenstein ye un xoven estudiante de 35 años d´edá, que trata de crear la creatura perfeuta. Sicasí, los sos esperimentos llevanlu a crear un terrible monstruu deforme que constantemente ataca. Pero aquella creatura desaparez al mirase nun espeyu. Primer versión de la famosísima novela de Mary Shelley (editada n´asturianu por Trabe, torna de Cesáreo García) que demientres munchos años pensóse que taba perdida.
TÍTULU ORIXINAL Nosferatu, eine Symphonie des Grauens AÑU 1922 DURACIÓN 94 min. PAÍS Alemania DIRECTOR F.W. Murnau GUIÓN F. W. Murnau (novela de Bram Stoker) REPARTU Max Schreck, Alexander Granach, Gustav von Wangenheim, Greta Schröder, Georg H. Schnell, Ruth Landshoff XÉNERU Fantásticu. Terror.
(Cine mudu)
SINOPSIS: L´axente inmobiliariu Jonathan Harker visita al conde Orlock nel so castiellu de Transilvania cola sida de zarrar un tratu sobre la venta d´unes tierres. Demientres la visita al siniestru llugar, el conde güeya una semeya de la muyer d´ésti y piensa que ye la reencarnación de la so amada. Dexando secuestráu a Harker marcha pa Bremen onde asoceden una serie de fechos estraños. Primer versión de la novela de Bram Stoker, anque Murnau camudó los nomes de los personaxes y dalgo de la historia yá que la vilba del escritor nun dexó que la novela fora llevada al cine (daquella un arte menor).
"Los Meyores del Mundu: Lleendes de Batman y Supermán", sábadu 20 de setiembre a les 10.45 hores
Batman, ensin salida
TÍTULU ORIXINAL Batman Dead End AÑU 2003 DURACIÓN 8 min. PAÍS EEXX DIRECTOR Sandy Collora GUIÓN Bob Kane (personaxes). Sandy Collora (guión). REPARTU Clark Bartram, Andrew Koenig, Kurt Carley, Jake McKinnon, Dragon Dronet, Patrick Magee. XÉNERU Fantásticu.
SINOPSIS: Batman va a la gueta de Joker, que ta acabantes d´escapar de prisión. Pero cuando lo alcuentra tamién aparecen Aliens y Predeitors y entama la llucha. Primer fan film (película realizada por un fanáticu del personaxe) de Batman realizada pol director publicitariu Sandy Collora, quien gastó 30.000 dolares del so bolsiellu na ellaboración del curtiu.
Y falando de Batman y coses rares, podía animase la TPA y doblar al asturianu aquella versión pa tv de Batman y Robin de los 60, pero cola normativa d´entamos de los 80, l´andechés d´anguaño vamos. Qué pena que nun hai en youtube dengún vidiu del doblaxe gallegu, que yera tamién a la so manera.
Esbilla
del.icio.us
18 d´ochobre:
¡¡¡TOOS CON DIXEBRA!!!
