el trAsgU d´aRecEs

AÑOS 70

AÑOS 80

2008 (EEXX)

Portugal 1998/ Alma Lusa "Se eu te pudesse abrazar" (puestu 12u)

Bélxica 2003/ Urban Trad "Sanomi" (puestu 2u)

P.D: Presta ver la nuesa bandera na páxina oficial del Liet Lavlut

El Chiki-Chiki nun foi´l primer friki eurovisivu unviáu polos catalanes al festival p´acabar cola dignidá d´esta grande y llibre. En 1998, yá´l programa de TV3 “Malalts de tele”, idea de la mesma factoría de Buenafuente (El Terrat), fizo una campaña satírica p´algamar la participación de Catalunya en "Eurovisió" y pa unviar un personaxe freak nomáu Josmar con un cantar en catalán. El cantar “És superfort” fízose perconocíu en toa Catalunya, pero TVE, a la fin, escoyó internamente a Mikel Herzog (16ª de 25). Quién-yos diba dicir al Terrat que cinco años dempués la llingua catalana diba entrar n´Eurovisión gracies a la participación Andorrana (y que diez años dempués diban mandar a Chikilicuatre representando al Estáu).

de Nuberu.com

La Productora de Programes del Principáu d´Asturies graba esti branu un documental dedicáu a la hestoria y significáu de Nuberu que s´emitirá na TPA nos prósimos meses. El trabayu recueye imáxenes del ampliu archivu documental de TVE n´Asturies, asina como otros documentos realizaos nos últimos años pola propia Productora, como ye el casu de la grabación en direutu de "Como tú yes" o reportaxes fechos va años nel Muséu la Minería.

Partiendo de esi valiosu soporte documental, la hestoria de Nuberu va a contase con muches voces y testimonios de xente lligada al grupu dende los setenta, que van dir contando la su vinculación con Nuberu a lo llargo de los años. Ente los testimonios ya recoyidos tan los de Manuel Asur, Pablo Manzano, Víctor Manuel, Alberto Toyos, Pepe Colubi y Xuan Cándano, ente un montón de nomes más.

P.D; ¿Serán capaces d´emitilo col castellán como llingua vehicular?. Nun sería raru, dende l´entamu de les emisiones de la RTPA la PPP nun fizo DENGÚN documental n´asturianu.

El proyeutu dixital Aruelu ye un sitiu onde queremos que la xente se xunte pa informar, aldericar, entretenese. Tamién ye baruyu, xaréu, nel sentíu de ser un proyeutu que quier servir pa dignificar la llingua.

Col enfotu n’enanchar la blogosfera asturiano, ñaz aruelu.com frutu del trabayu desinteresáu de dellos blogueros ya independientes y con enfotu en dái nuevos espacios de cobertura a la llingua asturiana.

Utilizar l’asturianu como mediu de comunicación ente la sociedá asturiano, dignificar el so usu y esparder el mensax de que la nuesa llingua esiste y depende de nós, l@s asturian@s, la so supervivencia.

Aruelu.com ye un proyeutu dixital que se proyeuta con una vertiente talamente asturiana y quier espeyar una realidá que nos xune como pueblu que somos, poro, la so llínea editorial tien presente estes consideraciones.

Ye un proyeutu qu’ufierta a tolos colectivos y/o persones que puxen por defender los intereses asturianos el so espaciu, siendo esti ún de los sos porgüeyos.

ARUELU.COM

Amás d´Ambas, la televisión n´asturianu tien otra nueva estrella ;) Dende la pasada selmana soi l´encargáu d´ellaborar l´axenda cultural de Televisión Local Xixón, un pequeñu espaciu n´asturianu que s´emite tolos díes dempués de los informativos (a les 14.55 y 20.25). De llunes a vienres ye la mio voz la que cuenta les actividaes culturales qu´hai na villa de Xovellanos y los fines de selmana, tamién dempués de los informativos, presento un espaciu d´unos cinco minutos onde faigo una esbilla de les actividaes culturales que pasen per Asturies (ye´l mesmu programa que se repite a lo llargo de tol fin de selmana). Tiembla Jesús Vázquez, yo seré´l prósimu presentador d´OT (Operación Tonada, ta nidiu)

Tal pior direutor d´una televisión nel mundu (buscar una, namás qu´una, televisión en tol planeta qu´en llugar de potenciar lo que-y da audiencia, quiera acabar con ello) estudiando la posibilidá d´entamar a emitir programes en llingua de signos o sotitulaos pa les persones sordes. Prestaríame saber si los programes n´asturianu, como “Camín de Cantares”, l´espaciu de más audiencia de la TPA, entren tamién nesi sacu de programes, si se va sotitular “Al Aldu” o, teniendo en cuenta que ye un programa infantil, “El cuentacuentos de Presta Asgaya”. Yá que nun emiten informativos n´asturianu nun podríen emitir un avance de noticies n´asturianu y en llingua de signos como faen la TVG y TV3.

Que yo tenga conocimientu namás hai un llibru en braille-asturianu: "La narrativa asturiana nel cantu'l mileniu" d´Ismael González Arias, que foi editáu cola sida de la selmana de les lletres y en collaboración cola ONCE en 2007. ¿Fizo daqué l´Academia pa los sordos asturianos?, ellos tamién son asturianos y tamién tienen drechos.

Un periodista tien que ser lo más imparcial y oxetivu posible pa ser un bon profesional, nun dexase llevar poles sos opiniones y la so ideoloxía y tener como valor cimeru la veracidá. Sicasí, na Facultá enséñannos que na llabor periodística ye imposible ser dafechu imparcial, que dende que decidimos que noticies van entrar y cuales van quedar pa prau, que noticia ye más importante qu´otra y cual tien d´ocupar un llugar más destacáu yá tamos opinando (como bien mos dixo una profesora esti añu “si queréis manipular, manipulái que táis nel vuesu drechu, pero que nun se vos note que queda mui mal”). Por eso ye ablucante ver como güei na portada del diariu del movimientu la noticia principal ye la llegada del Guah.e a Asturies y que ZP nun fala de crisis en llugar de la lliberación de Ingrid Betancourt. Y más ablucante ye qu´una noticia asina abra la seición de “Sociedá y Cultura” y seya la tercer noticia agora mesmo de la portada de la edición dixital. Ye qu´hai que ser veraz y como dixo don Gustavín s´entama falando bable y acabes pegando tiros, que como venga la oficialidá vamos acabar como nes Vascongaes, qu´esto de la llingua tien muncho detrás y que p´amuesa un botón.

Como bien diz la futura Decana de la Faculta de Filoloxía d´Uviéu, Rosa Díez, ta la llingua española, única y verdadera, y dempués hai dialeutos o fales de segunda categoría colos que nun llegues a dengún llau. Pos lo mesmo pasa col "Chiki-Chiki", tal que mos xune a toos y hai que conocer por coyones, el que tienes que saber baillar anque lleves cuatro sidres, dos cacharros y trés cerveces en riba (si ye asina pue que lo bailles meyor), y dempués tán les copies que faen na periferia, afalaes nel odiu y la intolerancia y que namás tienen tres d´elles proyeutos dixebriegos y batasunos que quieren finar cola convivencia d´esta una, grande y llibre.

L´ESTACA-TXIKI (Catalunya)

EL TXIRIMIRI (Euskal Herria)

EL TINI-TINI (Asturies)

¿Fizo dalguna vegada´l Principáu una campaña de promoción llingüística?. Namás que me vienen a la tiesta dos y yeren p´afalar l´usu de los nomes de persona propios del país y otra pa que la xente mercara llibros y discos n´asturianu, yá fai abondos años por ciertu. Enxamás dalguna campaña p´afalar l´usu del asturianu en toles estayes de la vida (sería de risión que los que t´impiden usalo dempués pidieran el so usu públicu).

Pixka bat ye´l virus del euskara y quier solucionar el gran problema de la política llingüística vasca: cada encuesta sociollingüística (El Gobiernu vascu failes cada cinco años) medra´l númberu de billingües, pero tamién baxa´l númberu de persones que tienen l´euskara como llingua d´usu habitual. Esta campaña va empobinada a toa aquella xente que sabe euskara pero nun s´anima a falalu, sobre too a la xente mozo..

El catalán ye una llingua minoritaria porque si nun tuviera unes instituciones que tiraran por ella podría correr el peligru de morrer. Pero les polítiques llingüístiques empobinaes dende la Transición pola Generalitat tuvieron el so efectu y puen permitise que güei les campañes de normalización tean dirixíes a los inmigrantes que vienen a Catalunya y, asina, animalos a deprender y falar catalán.
(Parodia de la campaña catalana)

En Galiza, sicasí, les polítiques llingüístiques desendolcaes na llarga dómina fraguista, lo que nomaron billingüísmu armónicu, nun acabaron cola diglosia. Anguaño, tovía los pas gallegofalantes siguin falando a los sos fíos en castellán, colo cual, les campañes van dirixíes a la población en xeneral.