el trAsgU d´aRecEs

El parlamentu turcu ta trabayando nuna llei pa fomentar y protexer la so llingua propia, ente toles medíes nes que trabaya la comisión encargada de desendolcar la llei rescampla una: la obligatoriedá de dir a Eurovisión con un cantar na llingua oficial del país.

Dende que debutó en 1975 nel festival, foron munches les ocasiones nes que Turquía participó n´Eurovisión con un cantar n´inglés. Nel añu 2003, la televisión pública turca unvió a Letonia´l cantar “Everyway that I can”, dafechu n´inglés. Enantes del festival hubo una fola de protestes en tol país, llegando inclús a falase del tema nel parlamentu. Pero ganaron.

Fracia n´inglés

Andorra n´ingles

AÑOS 70

AÑOS 80

2008 (EEXX)

Canaries vuelve participar como país independiente nel concursu Mr Gai Europa que se cellebra esti añu en Budapest, que nun sé que pinta un país africanu nun concursu européu, pero bono... Otres naciones ensin estáu como Gales o Irlanda del Norte tamién participen, ¿Asturies pa cuando?.

Participantes del concursu

La gala de Mr Gai Europa tuvo que treslladase tres que descerebraos atacaran la marcha del Arguyu LLGBT de Budapest

ESCONTRA´L FACISMU DENGÚN PASU ATRÁS
ESCONTRA LA HOMOFOBIA TOLOS PASOS SON POCOS

Dempués de poner esta illustración d´Iván Álvarez facía risión colo poco que desentonaba la hestoria de "Brokeback Mountain" protagonizada por vaqueiros. Pues esto, más o menos, van llevalo a la práutica los vascos. Asina, ta rodándose nel pueblu vizcaín d´Arratia la primer película de tema gai vasca y rodada n´euskara (puen contase colos deos d´una mano les películes rodaes en V.O. vasca dende la Transición), amás como la peli de Ang Lee tamién va desendolcase nuna sociedá rural moralmente homofóbica. La película va tar dirixida por Roberto Castón, direutor del Zinegoak de Bilbo, va entitulase “Ander” y va narrar la hestoria d´un cuarentón que vive cola so má nun caseriu de la Bizkaia profunda. Tres sofrir un accidente Ander nun pue facer les llabores de la casa y la so má y elli deciden contratar a daquién que-yos eche un gabitu. A pesiar de la refuga de la má a la fin contraten a un inmigrante peruanu. El mundu nel que viven los protagonistes camuda de sutrucu cuando Ander dase cuenta qu´entama a sentir daqué pol inmigrante y cuando la so má percibi que dalgo raru hai ente ellos dos. La película, financiada pol Gobiernu vascu, Diputación de Bizkaia y EITB, va estrenase na gala inagural del Zinegoak.

P.D: Gaites, culines, mayadores, monteres picones... La nuesa ideosincrasia tien muncho que dar a la industria del cine pornu gai.

Obama yá ye´l candidatu, ganó´l cambeu, la representación de la fin del conflictu racial nos Estaos Xuníos. El candidatu de la paz y el diálogu, el ZP americanu seique.

Pero tamién ganó´l candidatu ultrarelixosu, el que nun falta un domingu a misa acompangáu de tola so familia pa escuchar a un pastor que pidi l´esterminiu de los homosexuales, el que nun va mover un deu polos drechos sociales d´una minoría (que nun seya la de so).

(Bienllegáu, nun me molestes n´absolutu)

Taba l´otru día dando vueltes pela estación d´autobuses d´Uviéu enantes de garrar l´ALSA pa Bilbo (pero esto nun importa que namás ye una lleenda) cuando pudi ver como nuna de les coles pa garrar un autobús había una mozina d´unos venti años, vistida con vaqueros y con un velu verde claru na cabeza. Dos sitios más p´atrás otres dos muyeres, una d´unos trenta años y otra que yá pasaba los sesenta, tamién llevaben un velu gris, como tola so ropa, que namás dexaba ver el so rostru. Mientres, unes sayes muncho más p´abaxu de la rodiella permitíen ver unos tobiellos tapaos por medies. Yeren dos monxes.

La mocina llevaba´l velu como un símbolu de la so identidá, pero tamién como daqué consideráu estéticu dientro de la so cultura. Nun sé, a vegaes imaxino que mos prohibiesen por llei llevar triskeles, imaxino qué pasaría coles monxes que dan clases en munchísimos colexos si prohibimos el velu na muyer, qué pasaría coles muyeres que por folixa o por trabayu se ponen n´Asturies, y en otros munchos llugares d´Occidente, el traxe tradicional del so país. ¡Coño!, ye verdá qu´equí hasta fai poco les muyeres tamién diben con velu, bono pañu. ¿O ye que namás vamos prohibi-yos llevar el velu a les muyeres árabes?, ¿acusamos a Ana Cano d´islamista radical por pidir dende´l so cargu públicu que les muyeres vaigan cola cabeza tapada p´amosar el so compromisu cola cultura del país?.

Güei cúmplense 60 años de la Nakba, l´entamu del ésodu palestín. Por mor d´ello hai entamada una cibercampaña a nivel mundial pa que tolos blogueros del mundu s´alcuerden de Palestina. La iniciativa consiste en poner nel blogue una semeya, un testu en cualesquier llingua o un videu cola sida d´aumentar l´interés pol conflictu árabe-israelín y que los medios de comunicación fáiganse ecu de lo que ta aconteciendo del país d´Oriente Prósimu.

Güei fai 60 años la ONU creó l´Estáu israelín, l´únicu estáu xudéu del mundu. Yera l´entamu d´una nación artificial xebrada en milenta grupos étnicos llegaos de toles partes del mundu y con cultures y xeitos de ser perestremaos. Entós el poder dióse cuenta que la única manera d´unir a tolos israelinos yera col odiu haza un enemigu común: los palestinos. El problema ye que´l "enemigu" yera quien taba nesa tierra enantes de naide.

"Toi et moi, c'est comme tu sais / Comment mon coeur a succombé" (Tu y yo, como sabes/ Cómo´l mio coral traicionó).

Esta ye la única fras na llingua de Molière que va oyise demientres la participación francesa nel festival d´Eurovisión, asina Francia quier algamar un primer puestu que nun consigui dende 1977. El país galu sigui los pasos d´Andorra y va cantar n´inglés con una simbólica fras na so llingua propia ya igual que nel pequeño estáu pirenaicu la polémica ta na cai y nel Parlamentu. L´interprete francés, Sébastien Tellier, xustifica la decisión afitando que la mayor parte de ganadores del festival participaron con un cantar n´inglés, pero son munchos los franceses que nun son a pescanciar como Francia dexa de llau la defensa del so idioma delantre de 300 millones de televidentes. La polémica va a más cuando Sarkozy ta acabantes de dicir que quier promocionar la llingua francesa per tol mundu y cuando la so muyer, Carla Bruni, espublizó´l so caberu discu dafechu na llingua de Shakespeare. Inclús el diputáu conservador, François-Michel Gonnot, pidió desplicaciones nel Parlamentu a la ministra de cultura, Christine Albanel, sobre la eleición del representante. Nel Estáu español en 2002 la RAE yá diera a conocer públicamente la so refuga a que´l cantar que representaba a TVE llevara un títulu n´inglés: Europe´s living a celebration. Ye que nun pue entendese qu´haiga instituciones que nun tiren pola so llingua propia, ¿onde se vio?.

P.D; De lo que naide dixo nada yera de lo mala que ye la canción.

La Islla de Man a pesiar d´asitiase baxo alministración británica tien competencia n´asuntos de correos. Por mor d´ello la so alministración postal ta acabantes de sacar una edición especial de sellos dedicaos a les ocho naciones celtes (Asturies, Breitz, Galiza, Alba, Eire, Cymru y Kernow) coincidiendo cola cellebración del so festival de música atlántica. Xunto les banderes de les naciones inclúyese una fras na llingua de cada país, nel casu d´Asturies la lleenda ye "un país que desanicia la so llingua pierde l´alma". El sellu de Man lleva impresu´l llema "Gyn chengey, gyn cheer", n´asturianu: "Ensin llingua nun hai país".

Los sellos de les naciones puen mercase na páxina web del executivu manés.