el trAsgU d´aRecEs

Equí un exemplu de les polítiques desendolcaes por dalgunos partíos políticos.

Los avilesinos yá tamos avezaos a ver tolos díes en “La Nueva España” denuncies d´esti partíu pantasma que nun fai política y se dedica a mandar comunicaos pero que tien perres a esgaya pa montar campañes inimaxinables pa otru partíu de les mesmes condiciones. Pa que vos faigáis una idea´l partíu tien un mínimu de cinco sedes na ciudá (polo menos cinco son les que yo conozo), una d´elles na mesma plaza´l Parche y otra ocupando les vieyes instalaciones de l´Axencia Tributaria, nun ye poco.

El diariu ex-falanxista yá mos tien acostumaos a titulares como “ASIA pidi más bancos nesti parque” o “ASIA pidi la igua de la farola esa que nun furrula”, ¿cuatro siyes na casa consistorial pa facer esto?, ¿d´onde saca tantes perres un partíu local pa facer tremenda campaña?, ¿por qué na seición de la edición avilesina nomada “la calle” (cuando la llees paez que tas lleendo un periódicu del sieglu XIX) el qu´escribaya eses llinies, Álvarez-Buylla, siempre pon a esti partíu poles ñubes ya inclús afala a votalos nes eleiciones locales?.

Increyíble la promoción que-y dan, la noticia “porreta” na páxina siete (impar, la más importante del periódicu) de la edición d´Avilés y ocupando cuasi´l 50% de la páxina. Dempués saldremos a la cai 20.000 persones pa pidir oficialidá, meterán la noticia en “Sociedad y Cultura” (de xuru que non la primera y en páxina par) y nun saldrá en portada, habrá un pequeñu partíu asturianista que denunciara los problemes pa la salú de la instalación d´una termica na nuesa comarca y pondrán la noticia en breves (si ye que la ponen), un programa n´asturianu consiguira unos records d´audiencia inimaxinables pa la TPA (30%) y nun dirán un res, prefieren falar del ésitu de “Asturias en 25” (10%), programa grabáu en Madrid nos estudios de LaSexta y producíu, a medies, pola nueva engaña.

ACTUALIZACIÓN;
Y güei dos noticies pa los asiaticos nes páxines avilesines(1 y 2), mientres informen de los premios de la música nun breve (nun pongo enllaz porque na edición dixital nin sal), cola mesma información que pue dar l´ABC o El País, que l´Academia de la música reconoza una categoría pa la nuesa llingua y qu´haya trés asturianos nominaos nun-yos importa (nin lo saben, nun vendría nel comunicáu que-yos mandaron y un periódicu asturianu -el más lleíu del país- nun va molestase n´informar en clave asturiana). ¿Sería normal qu´en El País informaren de la entrega de los Grammy falando del ésitu de Gloria Estefan o Shakira y nun dixeran un res de qu´Alejandro Sanz llevó trés o cuatro?

ACTUALIZACIÓN 2;
Vien xusto na edición de güei de La Nueva España-Avilés, por si nun vos quedara claro ehí va. Yá nin disimulen...

"Todos contra ASIA" de Gauzonia.info

La única solución escontra la homofobia ye la educación (tamién matar a los homófobos pero nun vamos ser igual qu´ellos y ser violentos colos que piensen diferente), pero paez que dende´l gobiernu rioxanu tan por tolo contariu y por afalar l´odiu haza lo diferente. Asina dellos centros d´enseñu de la comunidá autónoma rioxana tan recibiendo exemplares d´un llibru que lleva l´increible títulu de “Comprender y sanar la homosexualidá” de Richard Cohen. Na páxina web de la editorial d´esti llibru, Libros libres, pue lleese como la “obra” quier desplicar como pue pasase de ser gai a ser heterosexual, diz recoyer testimonios de persones que lo fixeron y diz querer “sanar munches vives” y “abrir un horizonte d´esperanza”.

L´executivu rioxana gastó nada más y nada menos que diez mil euros na distribución y compra d´obres espublizaes por esta editorial dientro d´una supuesta campaña de promoción de la llectura. Na mesma web de la editorial pues sumate a la campaña escontra Educación pa la ciudadanía o ver otres obres de la editorial sobre temes como la teoría de la conspiración del 11M, les bondaes del franquismu y les maldaes de la 2ª República o mesmamente un que refuga la posibilidá d´un cambeu climáticu. A vegaes la lliteratura tamién ye incultura.

La homofobia del PP
Nun ye la primer vez, paez que tampoco va ser la última, que dende´l PP se puen ver actitues como estes (¿quién pudo olvidar a la Botella coles peres y les mazanes?), pero lo más grave ye que fechos como estos queden siempre ensin castigu dientro del propiu partíu. Asina lo amuesa´l casu del alcalde de Pontons (Alt Penedès), Lluís Caldentey, que fai dos años y mediu dixo que los homosexuales “son persones lloques, deficientes, inmorales, deformes. Porque lo normal ye que les persones nazcan homes o muyeres, porque yo nun vi enxamás a dos perros machos faciendo l´amor”. La direición del PP dixo n´abril del 2005 que diba abrir espediente pa espulsar al alcalde, pero nes pasaes elleiciones Lluís Caldentey volvió presentase pol partiu conservador y ganó por mayoría.

Más reciente ye´l casu del conceyal del PP en Berga (Catalunya), Josep Saña, que-y unvió per correu elleutrónicu a un conceyal socialista un e-mail onde afitaba que nun pescanciaba como podía haber tantos homosexuales “col noxu que damos los homes peludos”. Saña tien un espediente abiertu, pero nesti casu por criticar la direición del PP catalán tres la marcha de Josep Piqué.

De Lorenzo exixe un Estatutu coles mesmas competencias y recursos que Catalunya (LNE 21/8/2007)

Artículu 6 del Estatut

1. La llingua propia de Cataluña ye´l catalán. Asina, el catalán ye la llingua d´usu normal y preferente de les alministraciones públiques y de los medios de comunicación públicos de Catalunya, y ye tamién la llingua utilizada davezu como vehicular y de aprendizax nel enseñu.

2. El catalán ye la llingua oficial de Catalunya. Tamién lu ye´l castellán, que ye la llingua oficial del Estáu español. Toles persones tienen drechu a emplegar les dos llingües oficiales y los ciudadanos de Catalunya´l drechu y el deber de conoceles. Los poderes públicos de Catalunya tienen de tomar les midies necesaries pa facilitar l´exerciciu d´estos drechos y el cumplimientu d´esti deber.

3. La Generalitat y l´Estáu tienen d´entamar les aiciones afayaizes pal reconocimientu de la oficialidá del catalán na Xunión Europea y pa la presencia y l´usu del catalán nos organismos internacionales y nos trataos internacionales de conteníu cultural o llingüísticu.

4. La Generalitat tien de promover la comunicación y la cooperación coles demás comunidaes y los demás territorios que comparten patrimoniu llingüísticu con Catalunya. A talos efeutos, la Generalitat y l´Estáu, según proceda, puen soscribir convenios, trataos y otros mecanismos de collaboración pa la promoción y la difusión esterior del catalán.

5. La llingua occitana, nomada aranés n´Arán, ye la llingua propia d´esti territoriu y ye oficial en Catalunya, d´alcuerdu colo establecio pol presente Estatutu y les leyes de normalización llingüística.

“Nun ye que nun deba atendese esi debate, sinón que la oficialidá debe refugase de plenu y nun introducir un problema dafechu artificial. L´artículu 4 debe quedar tal y como ta. De lo contrariu, la cooficialidá finaría cola imposición de la llingua asturiana nos colexos, y les perxudicaes seríen les clases más desfavorecies. Los guah.es probes a estudiar bable; los ricos, a deprender inglés y alemán, que ye lo qu´estudíen los fíos de tolos políticos catalanes”.

Francisco Sosa Wagner en La Nueva Ejjpaña de güei.
Caderalgu de Drechu Alministrativu de la Universidá de Llión y un de los pas del Estatutu.

P.D; El diariu fundáu polos falanxistes inclúi estes declaraciones nel únicu sumariu de la entrevista.

Gobierno que no Gobiernu

Las consejerías de Bienestar y Justicia pierden los rótulos en asturiano.

Una de las primeras medidas de las consejerías de Bienestar y Justicia, en esto se han dado prisa, ha sido sustituir el asturiano por el castellano en los rótulos de sus salas de prensa. Ambos departamentos de la Administración autonómica, hasta ahora en manos de Izquierda Unida, habían recurrido al bilingüismo para designar a ambas consejerías. A partir de ahora, el español será el único nombre que aparezca en la rotulación. Fuentes del Gobierno asturiano justificaron ayer los cambios. Indicaron que la medida parte de ambas consejerías y no de la presidencia del Principado y obedece fundamentalmente a que el asturiano no es oficial en Asturias.

La Voz de Asturias

Ye que nun dexa de sorprendenos el nuesu bien queríu presidente. Camentábamos qu´esta llexislatura que ta a un tris d´entamar diba ser dura pa l´asturianismu y tolos movimientos sociales al marxe del pensamientu únicu de la FSA, pero ye qu´ún nun fai namás que ver amueses d´amor ente sociates y dase cuenta de qu´ellos tamién tienen el so "corasonsito". Esta imaxe de Santiago Rodríguez Vega, yá ex-alcalde d´Avilés, y Tinín nel homenax al primeru supera a la d´Areces cola ministra, si paez que Santiaguín y va llantar un besu en tolos morros. Namás-y falta a Tinín entamar col cantar "Adiós con tol corazón, que col alma yá nun puedo, al dispidime de ti, al dispidime yo muerro...". Si resulta qu´hasta teníen unos mariachis tocando nel homenax, nun se pue entender que nun echaran un baille los dos xuntos.

Y ehí detrás Pilar Varela, nueva alcaldesa d´Avilés, que güei ufiértanos unes declaraciones perinteresantes nuna entrevista en "La Voz de Asturias"; "la cultura y el desendolcu ye too menos llocalismu", mui bien Pilarina, yá sabes, a puxar pola cultura, esperemos que la d´equí.

Y esi Santiaguín, que falaba col "ye" en cualesquier llugar menos nos plenos y nes declaraciones pa la prensa, del que llevo cuatro años esperando rempuesta pa que me diga a que hora y que día pue concedeme una entrevista pa un reportax. Nun sé por qué dempués de recibir una llamada del conceyu pa entrugame pol tema de la entrevista y desplica-yos que yera la llingua asturiana yá nun recibí rempuesta cuando enantes de saber el tema l´alcalde en persona amosóme tola so disposición. Pero ye que veslos a los dos ehí tan xuntos, tan amorosiegos y perdónaslo too.

¡¡¡Va por ti Santiaguín, que yes más grande tovía que´l mesmu Tinín!!!

( 27-6-2007)

Valledor afirma que ye inconcebible un nuevu pautu ente PSOE y IX ensin oficialidá nel estatutu (Asturies.com)

Too val pa pañar votos. Fai un tris recibí una llamada´l móvil d´una muyer que falaba en nome d´un partíu políticu llocal avilesín con un representante nel conceyu. Al paecer fai cuatro años ficiéronme una encuesta y alcordáronse agora de que podíen dame un "detalle" si m´averaba a la so sede...