el trAsgU d´aRecEs

Hai una páxina de cotilleos que lleva una ex-concursante de Gran Hermanu, nun sé nin como se llama la tia, nin en qu´edición participó, podría buscalo, ¿pero merez la pena?. Resulta que la pava, amás d´analfabeta y escománadamente homófoba (y un poquitín gilipolles), ye asturfóbica. Na so páxina puen lleese babayaes como estes:

Jesús de Manuel es un don nadie que salió en la cuarta edición del concurso musical ‘Operación Triunfo’, y que ahora con la crisis, ha debido de mandar a su novia a Interviú para que enseñe las tetas –o ‘les tetes’, como dirían los catetos de Asturias- y puedan llevarse una cucharada de potaje a la boca.

Hoy, 19 de septiembre, nos ha dejado más boquiabiertos con su pechonalidad que si nos hubiese informado de una calcinación en vida de un grupo de sudamericanos en alguna carroza del desfile del Día de América en la provinciana ciudad de Oviedo, quemados por error al confundir la celebración asturiana con la festividad de las fallas de Valencia.

Las referencias más reseñables de este chico es que es muy amigo de Enrique y Julio José Iglesias y que le encantan los pimientos rojos rellenos de fabada asturiana, un cateto plato muy típico en Asturias con el que la gente expulsa muchos gases que agujerean la capa de ozono.

Melendi, el cantante procedente de un barrio bajo de la rural Asturias, vuelve a asomarse por la prensa social después de haber provocado hace siete meses un altercado en un vuelo de la compañía Iberia.

En Gran Hermano entra lo mejor de cada casa, y de Asturias sale lo más representativo de España. Si ayer hablábamos de Sandra Castro, hoy es el turno del “cantante” Melendi.

Sandra Crespo, la asturiana que entró a la sexta edición de Gran Hermano haciendo el cateto de una manera un tanto artificial, ha sido elegida por los lectores de la revista Interviú como la “gran hermana” más sexy de las quince que han posado hasta el momento para la revista.

Pa entender que ye Galicia Bilingüe (los Sensatos y Pensantes gallegos pa resumir)

Trés militantes d´AMI tendrán que declaran el día 29 nel xulgáu de Vigo como imputaos de dos presuntos delitos, un "contra llibertaes fundamentales" y otro de "amenaces y coacciones", por esti curtiu de dibuxos animaos. La citación responde a una denuncia del grupu españolista "Galicia Bilingüe". Los trés implicaos podrán enfrentase a una pena d´hasta cinco años.

Galicia Bilingüe

Val, últimamente nun faigo más que poner vidios del youtube, pero que quies, toi d´esámenes, estudiando “Historia de los movimientos sociales” que ye´l que me queda. Podía ponevos equí un artículu de dos fueyes sobre como Gandhi propunxo una llucha non violenta al traviés de la desobediencia civil, dexando de mercar ropa inglesa por exemplu, como les sos acciones pacífiques contestaes con violencia polos ingleses diban lexitimando la so llucha y faciendo que cada día más indios se sumaran a la llucha pola independecia. Pero como nun tengo tiempu pa ello y el traxe del país ye abondo caru y dibamos asar toos col calor que fai estos díes, quedáis cola versión india de Superman que topé nel youtube. 100% friki.

Ensin repetir dengún d´Escucando estrelles sigo col Meme

Fueya un blancu, amás de ser collaciu ye´l (meyor) cronista de la contra-información dixebriega.

O chemeco d´as parolas, por que gracies a elli sé tolo que-y pasa a una llingua machacada como la nuesa.

Made in Galiza, por que ye un blogue prestosísimu, d´un gran escritor y cola meyor “retranca” gallega.

L´Asturies lliberal, el meyor blogue d´humor de la blogosfera ástur, ¿qué faería ensin elli esos domingos de resaca nos que nun t´apetez salir de casa?

O cado de lo marica, l´Antonio Gala de l´aragonés seique… Nun lleí enxamás a Gala, entós nun pueo opinar, pero esti blogue préstame muncho.

Blog day

Mira que pasen noticies nel mundu y los medios de comunicación dando siempre les mesmes. Por suerte tenemos ferramientes como Esbilla.net onde los usuarios son los que deciden qué noticies van formar parte de l´actualidá del día y son los llectores los encargaos de da-y importancia a les mesmes al travíes d´una votación. En Galiza tamién tienen el so esbilla. Ellí llámase chuza y cada día hai varies páxines de noticies nueves pa esbillar. Lóxicu porque son “chuzadas” la mayoría de noticies de los diarios eleutrónicos gallegos. Equí non, da igual que´l Conseyu de la Mocedá sofite la oficialidá o que´l CAO presente la so propuesta d´articulu cuatro, nadie lo esbilla. ¿Tanto trabayu ye que cada persona que llee esbilla ponga una noticia?, cualesquiera d´Asturies.com, Asturnews, Lesnoticies.com o Europa Press, esa noticia de la edición local de LNE que pienses que la xente tien que saber, esi articulín que lleisti nun blogue y prestóte o esa babayada que visti pela rede y fízote gracia. ¿Pa daqué que tenemos por qué vamos dexalo morrer?

Como bien diz la futura Decana de la Faculta de Filoloxía d´Uviéu, Rosa Díez, ta la llingua española, única y verdadera, y dempués hai dialeutos o fales de segunda categoría colos que nun llegues a dengún llau. Pos lo mesmo pasa col "Chiki-Chiki", tal que mos xune a toos y hai que conocer por coyones, el que tienes que saber baillar anque lleves cuatro sidres, dos cacharros y trés cerveces en riba (si ye asina pue que lo bailles meyor), y dempués tán les copies que faen na periferia, afalaes nel odiu y la intolerancia y que namás tienen tres d´elles proyeutos dixebriegos y batasunos que quieren finar cola convivencia d´esta una, grande y llibre.

L´ESTACA-TXIKI (Catalunya)

EL TXIRIMIRI (Euskal Herria)

EL TINI-TINI (Asturies)

Ésti ye´l videu asturianu más votáu na llista que cada selmana fai La Nueva Engaña. Dempués d´ésti tán les "versiones asturianes" de Rambo y L´Exorcista de Terapia de Grupo. De cuartu´l míticu Will Smith enfiléu y dempués Melendis y goles del Sporting. Los cuatro primeros tienen como llingua vehicular l´asturianu y el primeru ye una promoción de la campaña "Doi la cara pola oficialidá", obra de los xeniales "González y González" (anque a min préstame más l´Imagine). Si ta´l primeru será por dalgo...

Ye una de les wikipedies solicitaes nel Incubator y nesta páxina alderiquen sobre´l tema.

"Güiquipeya es una enciclupeya libri en estremeñu sostribá ena tenulohia güiqui (wiki). Güiquipeya s'escrebi de mó i maea colabutativa pol mé voluntárius, premitiendu que la huerça los endirguis seyan moificaus pol cualisquiel presona con acesu através dun escrucaol web. La mayol palti los endirguis de Güiquipeya son traucionis la Wikipedia, enciclupeya e continius libris. Nesta web se trata e dal a conocel Estremaura pol mé las sus luengas, tomandu cumu basi la Güiquipeya en artuestremeñu".

L´asociación qu´empobina la Wikipedia, Wikimedia, ta acabantes d´aprobar la versión n´estremeñu de la enciclopedia en llínia. La Güiquipeya, qu´asina se noma, ñaz con 12.547 artículos (la mayoría tornes de la versión española) y entamóse como proyeutu en xineru de 2007. Esti dialeutu del tueru asturllionés tien perpocos falantes llindaos nes comarques estremeñes de Sierra de Gata, Las H.urdes, Guijo de Santa Bárbara, Valle del Alagón, Riberos del Tajo-Alagón, Riberos del Tajo-Almonte, poblaciones del Valle del Jerte y de les Villuercas-Guadalupe. Sicasí según la güiquipeya l´estremeñu tien ente 200.000 y 500.000 falantes, anque podría ser utilizáu por 1.000.000 de persones. Na enciclopedia destaquen la obra lliteraria de José de José María Gabriel y Galán y la de Luis Chamizo Trigueros, amás de la torna de “El Principín” d´Antoine de Saint-Exupèry, como exemplos de lliteratura nesta fala.