el trAsgU d´aRecEs

Y pensar que naide cantó meyor que tu´l "Negra Sombra". Esi poema de Rosalía de Castro, esa poetisa nuna llingua que nun ye la común, ésa qu´escribió "probe Galicia non debes, charmarte nunca española, que España de ti se olvida, cal si na infamia naceras, cando eres ¡ai! tan fermosa". Ésa que taba casada col hestoriador y políticu Manuel Murguía, ési que tovía anguaño llamen "O patriarca" dende´l nacionalismu gallegu.

Canaries vuelve participar como país independiente nel concursu Mr Gai Europa que se cellebra esti añu en Budapest, que nun sé que pinta un país africanu nun concursu européu, pero bono... Otres naciones ensin estáu como Gales o Irlanda del Norte tamién participen, ¿Asturies pa cuando?.

Participantes del concursu

La gala de Mr Gai Europa tuvo que treslladase tres que descerebraos atacaran la marcha del Arguyu LLGBT de Budapest

ESCONTRA´L FACISMU DENGÚN PASU ATRÁS
ESCONTRA LA HOMOFOBIA TOLOS PASOS SON POCOS

Un periodista tien que ser lo más imparcial y oxetivu posible pa ser un bon profesional, nun dexase llevar poles sos opiniones y la so ideoloxía y tener como valor cimeru la veracidá. Sicasí, na Facultá enséñannos que na llabor periodística ye imposible ser dafechu imparcial, que dende que decidimos que noticies van entrar y cuales van quedar pa prau, que noticia ye más importante qu´otra y cual tien d´ocupar un llugar más destacáu yá tamos opinando (como bien mos dixo una profesora esti añu “si queréis manipular, manipulái que táis nel vuesu drechu, pero que nun se vos note que queda mui mal”). Por eso ye ablucante ver como güei na portada del diariu del movimientu la noticia principal ye la llegada del Guah.e a Asturies y que ZP nun fala de crisis en llugar de la lliberación de Ingrid Betancourt. Y más ablucante ye qu´una noticia asina abra la seición de “Sociedá y Cultura” y seya la tercer noticia agora mesmo de la portada de la edición dixital. Ye qu´hai que ser veraz y como dixo don Gustavín s´entama falando bable y acabes pegando tiros, que como venga la oficialidá vamos acabar como nes Vascongaes, qu´esto de la llingua tien muncho detrás y que p´amuesa un botón.

P.D: Pero que nun vuelva pasar.

Como bien diz la futura Decana de la Faculta de Filoloxía d´Uviéu, Rosa Díez, ta la llingua española, única y verdadera, y dempués hai dialeutos o fales de segunda categoría colos que nun llegues a dengún llau. Pos lo mesmo pasa col "Chiki-Chiki", tal que mos xune a toos y hai que conocer por coyones, el que tienes que saber baillar anque lleves cuatro sidres, dos cacharros y trés cerveces en riba (si ye asina pue que lo bailles meyor), y dempués tán les copies que faen na periferia, afalaes nel odiu y la intolerancia y que namás tienen tres d´elles proyeutos dixebriegos y batasunos que quieren finar cola convivencia d´esta una, grande y llibre.

L´ESTACA-TXIKI (Catalunya)

EL TXIRIMIRI (Euskal Herria)

EL TINI-TINI (Asturies)

Dempués de poner esta illustración d´Iván Álvarez facía risión colo poco que desentonaba la hestoria de "Brokeback Mountain" protagonizada por vaqueiros. Pues esto, más o menos, van llevalo a la práutica los vascos. Asina, ta rodándose nel pueblu vizcaín d´Arratia la primer película de tema gai vasca y rodada n´euskara (puen contase colos deos d´una mano les películes rodaes en V.O. vasca dende la Transición), amás como la peli de Ang Lee tamién va desendolcase nuna sociedá rural moralmente homofóbica. La película va tar dirixida por Roberto Castón, direutor del Zinegoak de Bilbo, va entitulase “Ander” y va narrar la hestoria d´un cuarentón que vive cola so má nun caseriu de la Bizkaia profunda. Tres sofrir un accidente Ander nun pue facer les llabores de la casa y la so má y elli deciden contratar a daquién que-yos eche un gabitu. A pesiar de la refuga de la má a la fin contraten a un inmigrante peruanu. El mundu nel que viven los protagonistes camuda de sutrucu cuando Ander dase cuenta qu´entama a sentir daqué pol inmigrante y cuando la so má percibi que dalgo raru hai ente ellos dos. La película, financiada pol Gobiernu vascu, Diputación de Bizkaia y EITB, va estrenase na gala inagural del Zinegoak.

P.D: Gaites, culines, mayadores, monteres picones... La nuesa ideosincrasia tien muncho que dar a la industria del cine pornu gai.

Nada ye tan raru (marica) como la xente (dichu popular del norte d´Inglaterra)

Pa conmemorar el día del Arguyu Gai que se cellebra mañana, póngovos los enllaces (YouTube nun permite ponelos equí direutamente) del meyor capítulu d´una de les series más novedoses de los últimos años: Queer as folk, una serie que narra la vida de cinco homes gais y una pareya de llesbianes de Pittsburgh (Pensilvania).

SINOPSIS: Pittsburgh ta a poco de cellebrar eleiciones. El candicatu con más posibilidaes, gracies a la campaña del protagonista de la serie, Brian Kinney (un publicista que namás quier follar y col que toos quieren follar), ye´l republicanu y actual xefe de policia de la ciudá. Ésti basa la so campaña nel ataque a los drechos de los gais y, asina, entama a pesllar tolos bares d´ambiente y enllena l´avenida Liberty (la Chueca de la serie) de policies, too pa que "les families puean volver a pasear tranquiles pela ciudá". Pero los protagonistes de la serie saben que la guerra nun ta perdida y que tovía queda la última batalla.

P.D: Les imáxenes que vienen darreú peun firir la sensibilidá de católicos, cures, monxes, oyente de la COPE, votante populares y demás xente invertida.

Primera parte
Segunda parte
Tercera parte
Cuarta parteQuinta parte

LLORA LES DERROTES QUE SON MUNCHES, PERO CELLEBRA SIEMPRE LES VICTORIES PORQUE SERÁN POQUES

Fai poco más de cuarenta años un garapiellu d´estudiantes universitarios enzarróse na Soborna cola idea de camudar el mundu (anque too entamó porque los estudiantes nun podíen entrar nel cuartu d´una persona del otru sexu). Nun foron a ello, pero cuarenta años dempués, los estudiantes del 2008 deprenden nes universidaes los fechos qu´ellos protagonizaron. Y ye que cuando la Universidá ta enllena d´analfabetos, ye que llegó la hora de tomala.

Il est interdit d'interdire

Soyons réalistes, demandons l’impossible!

Ce n’est qu’un début, continuons le combat