¿Nel 2007 tendremos una RTPA billingüe dafechu?
Como yá anunciara Ornia fai poco, a finales d´esti mes o en febreru van entamar programes n´asturianu na TPA, primera vez dempués d´un añu de la inauguración de les emisiones en prebes y de cuasi dos años dende la creación de los compañía pública na que´l direutor del ente refirióse a la presencia de la llingua nos medios públicos. Tuvi guetando per dellos foros y hai xente vinculada´l ente qu´apurrió dellos datos sobre como va ser la programación n´asturianu de Tele Tini. Según una persona que diz trabayar na RTPA la programación n´asturianu va consistir nuna tertulia sobre temes d´actualidá dientro del programa “Con dos de azucar”. El programa podía convertise nún programa independiente nel futuru. El restu seríen dos o tres programes sobre cultura asturiana encargaos a productores del país. Nestos foros pue vese qu´hasta la xente más a la escontra de la normalización llingüística sorpréndense pola nula presencia del idioma del país y a muncha xente prestaría-y poder ver series estranxeres tornaes a la nuesa llingua. Tamién ye de reseñar l´odiu haza Alfredo Díaz, presentador madrilanu de “Mañana Usted Madruga” que fai risión de tolo asturianu.
Ye de reseñar que según los datos oficiales de Sofres los programes de más audiencia son aquellos de temática dafechu asturiana. Asina los documentales de la Productora del Principáu algamen un 13% y son lel programa más visto de Tele Tini, tanto Mirasturias (documentales de fai años que s´emiten peles mañanes) y Documentos TPA (fechos especialmente pal ente y emitios los vienres en prime time). Del otru llau tán los programes con menos audiencia que curiosamente son aquellos producios por Zebrastur.com, productora madrilana que lleva la mayor parte de la programación y tolos programes d´entretenimientu. Asina “Con dos de azucar”, “Transeuntes”, “Y sin embargo...” y “Mañana usted madruga” nun son a pasar, y suerte si lleguen, el 2% d´audiencia. “Conexión Asturias” con un 6% d´audiencia ye l´únicu programa fecho por Zabrastur.com que llogra una media aceptable pal canal. Los programes culturales diarios (“Cañas y Aparejos”, “Viajame”...) y la primer edición del TPA Noticies ronden ente un 6 % y un 8% d´espectadores. El restu de la programación (“El gusto es mío”, “Presta Asgaya”, el cine y les series) asítiense per baxu del 4% de l´audiencia. La media de TPA ye d´un 2.5% d´audiencia.
Güei mesmu en “Les Noticies” vien una entrevista a Dolfu Camilo Díaz, miembru del Conseyu d´alministración de la RTPA onde expón dellos datos esperanzadores sobre la presencia del idioma nos medios públicos. Esbillo delles declaraciones;
“Na radio, de mano, y porque formalmente ye más cenciello poles propies característiques del mediu y porque nel planu del asturianismu hai más experiencia, consiguióse que´l 70% de la programación naciere n´asturianu. Y, pa enriba, ta saliendo bien”.“A traviés de la radio ta demostrándose la posibilidá real de que puede haber soportes públicos especializaos exclusivamente en llingua asturiana, como se fai n´otres comunidaes”.
“Conseguimos llegar a un alcuerdu pa xenerar cursos de formación pa los profesionales del Ente, pa que polo menos tengan la ferramienta que permita l´usu del públicu del idioma. D´esos cursos pa redactores va encargase l´ALLA, mientres que la OPLL va desendolcar los cursos de llingua oral dirixíos a los presentadores”.
“La dirección del ente avanzó que va haber una presencia visible de la llingua nel periódicu dixital.Nél va facese un portal específicu pa tolo que tenga que ver cola llingua y onde van poder volcar téxtos tanto les axencies que funcionen n´asturianu como l´Academia o la OPLL. Parte de les noticies tamién va dir poniéndose n´asturianu, y les cabeceres van ser billingües”.
“Nel tarrén de la televisión tan ciarrándose alcuerdos con delles productores como Ámbitu, Trabe o Próspero Morán qu´empecipien a especializar la so producción. Que nadie piense que n´Asturies puedan nacer como setes productores pa facer tele n´asturianu, y tampocu se puede plantear facer cualquier cosa n´asturianu porque eso ye foder la llingua”.
“El compromisu por parte de la dirección de la TPA ye qu´en xineru o febreru empecipiarán a emitise programes nos que va haber un porcentaxe aceptable de presencia de la llingua”
Esbilla
del.icio.us
18 d´ochobre:
¡¡¡TOOS CON DIXEBRA!!!
Presta'l blog, pero voi facete una pequeña crítica. El diseñu ye guapu pero la lletra negra sobre fondu azul escuro lléese mal, de xuru que si camudares la lletra a blancu diba molestar menos a los güeyos.
Saludos
Ricardo | 06-01-2007 - 03:36:00 GMT 1 #
Ía simpático la pouca visión d'eiquí ya ignarancia que tien d'Asturias. A min esi tipu de puru fato faime hasta della gracia.
Home, claro, ríse d'eso, cumo cuando un guah.e pequenu fai'l mongolín. Esti lu miesmo. ía un bufón.
Outra cousa ía'l sounormal del Goyo ¿González? colo de chiscar. Que tipu más intelixente, que visión abierta d'Asturias, de las culturas del mundiu, de la tolerancia, de la riqueza economica que naz del ciernu la tradición... en fin, pilarin, que tenemos lo que nos merecemos.
Una televisión mediocre (tea en castallán ou n'Asturianu) ya que numái sirve pa sonsañar lo asturiano.
Diestru | 06-01-2007 - 03:36:00 GMT 1 #