La riqueza del mundu nes manes del 2%
Según un estudiu asoleyáu fai poco pol WIDER de la Universidá de les Naciones Xuníes en Helsinki la metá de la riqueza del mundu ta nes manes del 2% del planeta. Demientres, cientos de millones de persones sobreviven con menos d´un dólar al día, y la metá de la población mundial, con dos. Hai 2.800 millones de probes en tol mundu, 1.300 millones na miseria y nun ye daqué esclusivu de los países del Sur: n´Alemania, un de los países más ricos, el númberu de probes algama´l 13,5 % de la población.El 90 % de la riqueza mundial ta concentráu nos Estaos Xuníos, Europa y na rexón pacífico-asiática ( Xapón y Australia). EEXX, col 6 % de la población adulta del mundu, dispón d´un terciu del ingresu mundial; la India, col 15% de la población del mundu, apenas un 1%. Pero tamién nel Norte hai diferencies: nun ye lo mesmu l´ingresu n´Irlanda qu´en Suiza o nos EEXX. Los ricos más ricos tienen una fortuna superior a los 500.000 dólares (falamos de 37 millones de persones adultes), y esa cifra tien yá medráu dende´l 2000. En total el 85% de la riqueza ta nes manes del 10% de la población mundial.
Esbilla
del.icio.us
18 d´ochobre:
¡¡¡TOOS CON DIXEBRA!!!
