-
Violencia na República Centro Africana: a lo llargo del 2006, la población civil volvió vivir otra onda de violencia, lo que yá ye vezu dende la independencia del país de Francia en 1960. Saqueos y quemas de cases, unes cien mil persones obligaes a abandonar les sos cases y fuxir pal Chad son la consecuencia. L´añu pasáu, MSF realizó más de 200 intervenciones quirúrxiques al mes. La mayoría de los neños paecen malaria, parásitos o infeiciones respiratories graves.
-
Tuberculosis: n´Occidente yá consideramos la tuberculosis como una enfermedá del pasáu, pero ta aumentando nos países en víes de desendolcu con alta presencia de VIH. A cada añu, la tuberculosis mata dos millones de persones, y cerca de nueve millones tienen la enfermedá. Los peores datos son d´África del Sur, onde´l 10% de los enfermos tien XDR TB, una variante de la tuberculosis resistente a los antibióticos. Con too, los medicamentos y el métodu usáu pa detectar la tuberculosis (el microscopiu sputum) nun son válidos del too, y menos pa persones infectaes pol VIH/SIDA. "El fechu de que la tuberculosis destruya millones de vides en tol mundu cada añu amuesa que l´abordaxe d´anguaño nun ta funcionando", afirma´l Dr. Tido von Schoen-Angerer, direutor de la Campaña d´Acesu a Medicamentos Esenciales de Médicos Ensin Fronteres.
-
Les consecuencies del conflictu en Chechenia: Doce años de guerra que dieron ún de los mayores grupos de refuxaos del mundu. Anguaño se tán a reconstruir la capital, Grozny,, pero tovía queda muncha xente ensin fogar. MSF sigui ufiertando asistencia médica e psicosocial a los chechenos nos centros d´acoyida y nes árees rurales probes, onde la infraestructura de salú ye cuasi inesistente.
-
Fueu cruzáu en Sri-Lanka: La población civil vive nel fueu cruzáu ente´l gobiernu y el grupu Lliberación de los Tigres del Tâmil Eelam (LTTE), especialmente nel este y nordeste del país. El bombardéu provoca l´éxodu de decenes de persones. La violencia escontra los civiles ye desmidida, y tovía morrieron 17 trabayadores d´Aición contra la Fame este pasáu mes d´agostu. Les muerganizaciones humanitaries tan nel puntu de mira del gobiernu, lo que lleenda la so posibilidá d´actuación.
-
Desnutrición: Más de 60 millones de neños amuesen señes de desnutrición aguda y cuerren el riesgu de morrer sinón reciben tratamientu especializáu. Les unidaes d´emerxencia nutricional actuen en zones de conflictu o desplazamientos de población, pero esiste desnutrición en países politicamente estables, más marcaos pola probitú. Nuevos productos terapéuticos y la invención d´una barra de lleche y ablanes que promueve la rápida recuperación de pesu. En Níxer, 200.000 neños foron trataos con ésitu. Dende MSF demanden una adaptación ya implementación d´estos sistemes pa que puean ser utilizaos.
-
Violencia na República Democrática del Congo: nel 2006 se fixeron les primeres eleiciones parlamentaries en décades, pero la violencia sigui. Nel este del país, rico en minerales, siguen grupos armaos, incluyendo al Exércitu Nacional, usando la fuercia escontra la población civil. Decenes de persones tuvieron que dir dende Mai Mai hasta Dubie, onde viven en superpoblación y condiciones de miseria, ensin disponer de campos de cultivu nin agua potable. Amás, la violencia escontra les muyeres ye alarmante en North Kivu, nel este del país. MSF combate brotes de meninxitis, malaria, cólera y sarampión en tol país.
-
Guerra en Somalia: Somalia presenta ún de los peores indicadores de salú del mundu: la esperanza de vida nel país ye de 47 años, y más d´un cuartu de los neños muerre enantes de facer los cinco años. Los españíos de violencia na capital, Mogadiscio, punxeron baxo´l poder d´una coalición comandada poles Cortes Islámiques, que tomó pola fuercia´l control de les milicies. Pero n´avientu´l Gobiernu Nacional de Transición, sofitáu por Etiopía y Occidente, eliminó les Cortes Islámiques de los territorios controlaos por ellos. Amás, les intenses lluvies de payares fixeron medrar los ríos Shebelle y Juba, dexando decenes de persones ensin fogar ya inundando los campos de cultivu. Amás, poques axencies humanitaries trabayen en Somalia por mor del clima de violencia. Ye necesaria asistencia urxente.
-
Vivir del mieu en Colombia: Cinco décades de conflictos que provocaron cientos de desplazaos. Masacres, execuciones, intimidación y mieu son la vida de los tres millones de persones que viven en Colombia. Ente´l narcotráficu, les fuercies militares del gobiernu, los grupos paramilitares, les guerrilles del ELN y les FARC, la violencia y el sufrimientu nun disminuyó: les zones reteníes en conflictu nun tienen condiciones de salú nin segures de vida. La salú física y mental siguen ensin tratamientu.
-
Violencia na capital haitiana: Port-au-Prince sufre la confrontación ente dellos grupos armaos, la Policía Nacional d'Haiti y la Misión d´Estabilización d'Haití de la ONU (MINUSTAH). Dende avientu del 2004, más de 7.000 persones foron trataes: 3.000 víctimes de tiroteos, o 2.600 de feries con arma blanca. Amás, son necesarios aumentos nel tratamientu obstétricu, y tratamientu de víctimes de violencia sexual, tanto psicolóxicu como médicu.
-
Conflictos na India central: Nel estáu Chhattisgarh, na India Central, los confrontamientos ente los insurxentes Maoístas, les fuercies de seguridá y les milicies anti-maoístas, Salwa Judum, provocan el desplazamientu de más de 50.000 civiles. MSF ufierta tratamientu médicu en zones nes que nun esiste dengún accesu a la protección sanitaria.
Esbilla
del.icio.us
18 d´ochobre:
¡¡¡TOOS CON DIXEBRA!!!
