Asoléyase´l primer diccionariu castellán-cántabru
Los cántabros que quieran deprender la so llingua yá lu van tener más fácil; ta presentándose per Cantabria´l "Primer diccionario castellano-cántabro", qu´asina ye como se noma´l primer pallabreru castellán cola so versión cántabra. L´autor ye l´investigador y músicu Marco A. Robles que yá foi profesor n´abondos cursos de cántabru per tola xeografía del país vecín. El llibru ye de la llibreria y editorial santanderina Tantín y tien un prólogu de Miguel Cobo Díaz, compañeru del autor del diccionariu nel grupu músical Atlántica. El llibru ufiértanos a traviés de les sos 255 páxines 8.500 pallabres cola so correspondiente versión en cántabru. Ye la primer vegada que s´asoleya una obra d´estes característiques yá qu´hasta´l momentu esistía dalgún pallabreru cántabru cola so torna castellana pero dengún como´l que sal agora asoleyáu. Una obra asina ye perimportante pa que la xente que desconoz esta fala pueda dir deprendiendo les pallabres de la llingua propia de Cantabria.El cantabru o montañés ye una variedá del asturllionés falada nel norte de Cantabria y en dalgunes fasteres del Valle del Pas y del Valle de Soba. Esta fala tien dos subdialeutos; l´occidental y l´oriental, faciendo los ríos Saja y Pas de dixebra natural ente estes dos variedaes. El pasiegu pertenez a la variedá oriental y ye´l meyor conserváu de toles fales de Cantabria.
Esbilla
del.icio.us
Quiero agradecerles por permitir que la diversidad cultural de la humanidad tenga posibilidades de resistir a la homogenización mundial que nuestra sociedad industrial -globalizada y ciberlógica- impone. Mírese desde la izquierda o la derecha; es un hecho incontrovertible que por todo el mundo se ha acelerado la desaparición de ancestrales expresiones culturales. Pues bien, para resguardo de las generaciones futuras y de la riqueza humana bienvenido sea todo lo que contribuya a detener ese proceso
Joel José Segovia | 10-10-2007 - 15:48:13 GMT 1 #
Con esa sida escribo ca pallabra d´esti blog, pa da-y vida a una llingua, a una cultura, a un país.
Gracies
trasgu | 11-10-2007 - 23:10:34 GMT 1 #
interesante análisis sobre el cántabro:
http://musgosu.wordpress.com/2007/10/11/los-salcis/
sapo | 13-06-2008 - 17:51:12 GMT 1 #