el trAsgU d´aRecEs

Gracies al nuevu presupuestu presentáu pol executivu de Bush más de la cuarta parte de les perres de los estao-xunidenses van dir pa l´actividá militar que desendolca´l gobiernu americanu en Afganistán ya Iraq. En total 570.000.000 d´euros. Pa poder gastar toes estes perres en invadir países van recortase los gastos sociales en sanidá, vivienda o enseñu. El nomáu Plan Bush tien tovía que pasar el preste del Congresu, los demócratas yá dixeron que´l presidente de los EEXX ta "desconectáu de la realidá".

Y ye que nun falten perres n´America pa desendolcar ataques escontra´l mundu. Preba d´ello son los 10.000 dolares qu´ufierta´l Américan Enterprise Institute (una comisión investigadora fundada por una compañía petrolera relacionada cola campaña ellectoral de G. W. Bush) a tou aquel científicu o economista que refuge l´informe sobre´l camudamientu climáticu presentáu en París la selmana pasada. Según el periódicu inglés The Guardian l´AEI unvió cartes a espertos de tol mundu onde se-yos ufierta perres y gastos de viaxes a too aquel qu´espeye defectos del informe.