Galiza ataca y Asturies calla
Si esta selmana los medios de comunicación del país daben nuncía de que la Xunta de Galiza premiara un estudiu onde se calificaba la nuesa llingua de modalidá llingüística, s´arremetia escontra l´ALLA y onde s´aseguraba que nel Navia-Eo fálase gallegu, amás de pidir un estatutu especial pa la comarca y la oficialidá del gallegu nel estatutu asturianu, ayeri "La Nueva España" facíase ecu d´una nueva intromisión na (inesistente) política llingüística asturiana. Too bien d´una campaña entamada pola Secretaria Xeral de Política Lingüística de la Xunta (dependiente de la Conseyería de Presidencia que ta en manes del PSG) pa normalizar la llingua gallega ente la mocedá baxu´l nome de "En galego tes todo por dicir". Na páxina web de la campaña pue lleese que "se fala gallegu en Galicia y nos conceyos llindantes de les fasteres d´Asturies, Llión, Zamora y en tres conceyos estremeños. Nestes fasteres de la comunidá de Castiella y Llión ta presente nel sistema educativu". Y el principal causante de que pasen estes coses, el gobiernu asturianu, como siempre nun gorgutió pallabra y de xuru que nun lu tien pensáu facer na prósimu cimera Astur-galaica que va cellébrase n´Uviéu d´equí a pocos díes.
Esbilla
del.icio.us
