¡Qué mieu-yos da la llibertá d´espresión!
Abdelkarim Suleimán ye un blogueru exipciu de 22 años mui críticu coles instituciones del país y cola relixón musulmana, poro foi acusáu de propagar información perxudicial pa la orden pública, afalar l´odiu ente musulmanes ya insultar al presidente de la República. Cuatro años son los que pue pasar en prisión Suleimán, tres por atentar contra la relixón y ún por falar mal de Hosni Mubarak, presidente d´Exiptu. El Tribunal de Casación d´Alexandría va revisar la sentencia´l día 26, pero Suleimán yá foi deteníu en payares del añu pasáu por ocho entraes del so blog y los abogaos nun tienen muncho enfotu na so llibertá.
Y nun finen ehí los ataques a la llibertá d´espresión nos blog. Ensin dir más lloñe ta´l casu de Julio Alonso, un blogueru madrilanu que faló na so páxina d´una campaña de googlebombing (xeitu de rellacionar dos pallabres nel guetador) pa que cuando se guetara lladrones nel Google la primer web qu´apareciera fora la de la SGAE. Pero la entidá nun quedo silente; mando-y un fax a Alonso na que se-y "pidia" que retirara´l post en 24 hores o entamarien aiciones llegales escontra elli. Paez qu´a elli nun-y entró llerza y amás d´asoleyar el fax nel blog contrató al Bufet Almeida, que cunta con ún de los abogaos con más esperiencia de casos de llibertá d´espresión na rede. Pel momentu la web de la SGAE yá nun ta ente les primeres al guetar lladrones, agora apaez el bog d´Alonso.
Esbilla
del.icio.us
