'Una televisión autonómica qu´emita en castellán ye tirar les perres'
Ana Cano, de l'Academia de la Llingua Asturiana, visita Palma
ANTONI MATEU.Palma.
Que´l Principáu d'Asturies, la provincia de Llión y la de Zamora tienen una llingua propia, diferenciada del castellán, nun lu saben tolos habitantes d'esti Estáu español. L'ástur, asturianu o bable tien un vínculu especial con Mallorca. Esta yera la llingua qu´usaba Gaspar Melchor de Xovellanos pa escribir la correspondencia particular dende´l so presidiu nel castiellu de Bellver. Ana Cano, presidenta de l'Academia de la Llingua Asturiana, vino ayeri a Palma pa participar nel ciclu «La Romània conflictiva», empobináu pola UIB y por Sa Nostra.
-¿Puede ser que «bable» seya una denominación peyorativa de la vuesa llingua?
-¿Puede ser que «bable» seya una denominación peyorativa de la vuesa llingua?
–Non. Tas equivocáu. De fechu, esta ye la primer denominación qu´escoyeron los eruditos del XIX pa contraponer la llingua autóctona´l castellán y pa diferenciala. Anguaño´l términu que más s'emprega ye «ástur», qu´inclúi les variantes dialeutales falaes en Llión, Zamora y Miranda, una rexón del norte de Portugal.
-¿L'Academia que preside fai aiciones fuera del Principáu d'Asturies?
-¿L'Academia que preside fai aiciones fuera del Principáu d'Asturies?
-El nuesu ámbitu d'actuación ye´l Principáu. Munches vegaes algamamos convenios con instituciones de los otros territorios. A vegaes, los contrarios a la normalización llingüística usen estos argumentos pa lluchar escontra la xunidá de la llingua.
-¿Se puede vivir dafechu n´ástur?
-¿Se puede vivir dafechu n´ástur?
-Una tercera parte de la población fala de xeitu habitual. Pero les persones que lu entienden son el 50% y un 70% de la población declárase partidaria de la oficialidá.
-¿Y nun lu ye?
-¿Y nun lu ye?
-Non. La Llei de Normalitación Llingüística qu´aprobó´l Gobiernu ye una farsa. Si la llingua nun ye oficial, nun hai nada que normalizar.
-¿Y los medios de comunicación?
-¿Y los medios de comunicación?
-Namás hai un selmanariu en llingua asturiana, Les Noticies. Dalgunos diarios tienen seiciones dafechu na llingua propia. La televisión autonómica, la TPA, entamó a emitir fai pocos meses. Fai dalgunes coses, perpoques, n´asturianu. La so llingua vehicular ye´l castellán. Dende l'Academia camentamos que tener una televisión autonómica pa qu´emita n´español, y pa que seya como Canal Sur, nun tien razón de ser. Ye una tirada impresionante de perres.
-¿Quién gobierna nel Principáu d'Asturies?
-¿Quién gobierna nel Principáu d'Asturies?
-El PSOE en coalición con IU. Con esti pactu elleitoral IU traiciona´l so programa, yá que los esquierdistes prometieran que l'asturianu sería llingua oficial nel Estatutu. Nesta llexislatura, los partios nacionalistes, minoritarios, namás tienen representación municipal.
Diari de Balears (28/2/2007)
Esbilla
del.icio.us
18 d´ochobre:
¡¡¡TOOS CON DIXEBRA!!!
