Los primeros Xuegos Olímpicos pa “países deportivos” podríen cellebrase en Catalunya nel 2010
El COI yá afitó que nun va poner escayos pa la organización d´estos xuegos pa naciones ensin estáu, amás el gobiernu de Catalunya pidió-y al COI que fora elli mesmu l´encargáu d´empobinar los xuegos, anque tovía nun respondieron. Nel documentu entregáu por Carod-Rovira a Jacques Rogge, presidente del COI, fálase de países deportivos en cuentes de naciones ensin estáu y nomen unos cuantos exemplos de posibles países participantes, anque a nivel del Estáu español namás que se cita a Euskadi y Catalunya. El nome de país deportivu surdió en 2003 nuna cimera internacional empobinada pola Generalitat na que los 23 países participantes alcordaron que "País deportivu ye cualesquier fastera xeográfica o hestoricamente llindada con homoxenidá social y cultural, coles sos propies instituciones polítiques, independientemente de cualesquiera reconocimientu políticu internacional. Esti territoriu tien el so propiu sistema deportivu coles sos organizaciones deportives promoviendolu, xestionándolu y regulándolu, y axuntando democraticamente la mayoría de federaciones, clubes, asociaciones y deportistes dientro del so territoriu".Pa facer la llista de posibles participantes tuvieron en cuenta aquelles naciones que tuvieren federaciones integraes dafechamente na federación internacional. Pa qu´Asturies pudiera participar tendría que recibir la invitación de la Generalitat o que´l Principáu solicitara la so participación, meyor espererar sentaos...
Esbilla
del.icio.us
18 d´ochobre:
¡¡¡TOOS CON DIXEBRA!!!
