Asociación PuntuAst;
¿Qué ye l'Asociación pol puntu ast y como surdió?
La "Asociación PuntuAst" ye una plataforma abierta de ciudadanos pola obtención d'un dominiu d'internet .ast pa toles páxines en llingua asturiana o con conteníu cultural asturianu de la rede.
La campaña surdió de mena casual y por iniciativa propia cola fechura d'un llogotipu (el de "Naguamos por un .ast") y d'ehí pasamos a proponelo ente persones y coleutivos venceyaos al movimientu de reivindicación llingïuística, pa ver l'acoyida que tenía, y darréu en mui poco tiempu decidimos facer un blog nel qu'atropar tolos sofitos que díbemos recoyendo al traviés del unviu d'e-mails a estremaos coleutivos que nós creíamos que podíen sofitanos. Y por ciertu, la primer páxina que punxo'l llogotipu de la campaña foi esti blog.
Hasta'l momentu la mayoría de blogs n'asturianu, músicos, asociaciones culturales, entidaes deportives, empreses... sumáronse a la iniciativa ¿Tais contentos cola respuesta?
Claro que sí. Cuando entamamos nun mos esperabamos tan bona acoyida, los dos primeros meses desbordonos la bayura sofitos, pero entá asina hebo xente de la qu'esperabemos una rempuesta que nun se produxo y tamién queda muncha xente a la que nun se-y unvió un e-mail cola que nun mos punximos en contautu porque somos pocos y como yá dixi desbordónos el trabayu.
Sicasí los medios de comunicación asturianos poco dixeron sobre'l tema.
Sí, tristemente ye asina. Namái Asturnews.com ya Infoasturies.com ficiéronse ecu de les nueses noticies y namás el segundu y Glayíu punxeron el llogotipu de sofitu al puntu ast. De toles formes esperamos que col estrenu de la web tengamos más repercusión.
En Llión tamién hai una asociación que pidi'l .lli, ¿nun complica más les coses que se pidan dos dominios pa una mesma comunidá llingüística?
Sí, complícalo muncho, dende la "Asociación PuntuAst" dexamos nidio que queremos el dominiu propiu pa la comunidá llingüistica del asturianu, pa tol dominiu llingüísticu astur, esta nun ye una marca pa unes llendes polítiques, sinón culturales. Buscamos axuntar esfuercios alredor de la llingua común de miles de persones que viven en llugares con alministraciones polítiques estremaes.
N’otros llugares, por exemplu en Galicia onde'l propiu presidente de la comunidá dixo tar d'alcuerdu col puntu gal, les instituciones propies sofiten les iniciatives pol dominiu propiu, ¿creéis que n'Asturies el Principáu va dar dalgún día'l so sofitu al puntu ast?
Eso sedría lo ideal pero por desgracia n'Asturies carecemos una clase política que mira mui poco pa la cultura asturiana y pel momentu ye abegosu, pero intentaremos que seya asina.
¿Tien pensáu l'Asociación xuntase cola Academia de la llingua, la Xunta pola Defensa de la Llingua o la Oficina de Política Llingüística pa que sofiten publicamente la iniciativa?
Sí por supuestu, de fechu cola XPDLLA yá tenemos entamáu contautu y estableceráse col restu de les instituciones según vaiga avanzando esti procesu de reivindicación, que va pasu ente pasu pero avanzando.
¿Cómo va la páxina web que tais faciendo y que va sustituir al blog col que furrulabais hasta'l momentu?
Pues la páxina va con retrasu, esperábamos estrenala va tiempu yá pero bono va tener una sospresa que pagará la pena'l tiempu esperáu. Esti tipu de reivindicaciones nun pueden improvisase, tenemos de dir faciendo les coses con seguranza.
¿Qué otros proyeutos hai pa que l'ICANN faiga realidá'l .ast?. Les otres asociaciones, por exemplu, tan pañando firmes.
Pa que l'ICANN aceute'l nuesu proyeutu hai qu'amosar que-yos va resultar rentable la puesta en marcha del dominiu, asina que se necesiten tolos sofitos posibles de toles estayes de la sociedá y claro ta de l'alministración. Pero nun futuru nós tamién pañaremos firmes como sofitos personales y nun se descarta entamar otru tipu d’iniciatives que sirvan pa esparder la campaña pol puntuAST.
Son munches les comunidaes llingüístiques que puxan pol dominiu propiu; Bretaña (.bhz), Galicia (.gal), Gales (.cym)... Asturies paez que se queda pequeña cuando nun tien nin reconocidá la so llingua, ¿tenémoslo más difícil que los demás?
El que la nuesa nun seya una llingua oficial ta claro que xuega a la nuesa contra, pero nun hai que ser pesimistes yá que tenemos una bona actividá n'internet y la demanda del dominiu propiu yá lleva unos añinos entamando pol usu del .as (de les Islles Samoa Americanes) asina que nun ye imposible. Ye una reivindicación na que necesitamos la implicación de tolos asturianos y nesi sen trabayaremos pa facelo posible.
La "Asociación PuntuAst" ye una plataforma abierta de ciudadanos pola obtención d'un dominiu d'internet .ast pa toles páxines en llingua asturiana o con conteníu cultural asturianu de la rede.
La campaña surdió de mena casual y por iniciativa propia cola fechura d'un llogotipu (el de "Naguamos por un .ast") y d'ehí pasamos a proponelo ente persones y coleutivos venceyaos al movimientu de reivindicación llingïuística, pa ver l'acoyida que tenía, y darréu en mui poco tiempu decidimos facer un blog nel qu'atropar tolos sofitos que díbemos recoyendo al traviés del unviu d'e-mails a estremaos coleutivos que nós creíamos que podíen sofitanos. Y por ciertu, la primer páxina que punxo'l llogotipu de la campaña foi esti blog.
Hasta'l momentu la mayoría de blogs n'asturianu, músicos, asociaciones culturales, entidaes deportives, empreses... sumáronse a la iniciativa ¿Tais contentos cola respuesta?
Claro que sí. Cuando entamamos nun mos esperabamos tan bona acoyida, los dos primeros meses desbordonos la bayura sofitos, pero entá asina hebo xente de la qu'esperabemos una rempuesta que nun se produxo y tamién queda muncha xente a la que nun se-y unvió un e-mail cola que nun mos punximos en contautu porque somos pocos y como yá dixi desbordónos el trabayu.
Sicasí los medios de comunicación asturianos poco dixeron sobre'l tema.
Sí, tristemente ye asina. Namái Asturnews.com ya Infoasturies.com ficiéronse ecu de les nueses noticies y namás el segundu y Glayíu punxeron el llogotipu de sofitu al puntu ast. De toles formes esperamos que col estrenu de la web tengamos más repercusión.
En Llión tamién hai una asociación que pidi'l .lli, ¿nun complica más les coses que se pidan dos dominios pa una mesma comunidá llingüística?
Sí, complícalo muncho, dende la "Asociación PuntuAst" dexamos nidio que queremos el dominiu propiu pa la comunidá llingüistica del asturianu, pa tol dominiu llingüísticu astur, esta nun ye una marca pa unes llendes polítiques, sinón culturales. Buscamos axuntar esfuercios alredor de la llingua común de miles de persones que viven en llugares con alministraciones polítiques estremaes.
N’otros llugares, por exemplu en Galicia onde'l propiu presidente de la comunidá dixo tar d'alcuerdu col puntu gal, les instituciones propies sofiten les iniciatives pol dominiu propiu, ¿creéis que n'Asturies el Principáu va dar dalgún día'l so sofitu al puntu ast?
Eso sedría lo ideal pero por desgracia n'Asturies carecemos una clase política que mira mui poco pa la cultura asturiana y pel momentu ye abegosu, pero intentaremos que seya asina.
¿Tien pensáu l'Asociación xuntase cola Academia de la llingua, la Xunta pola Defensa de la Llingua o la Oficina de Política Llingüística pa que sofiten publicamente la iniciativa?
Sí por supuestu, de fechu cola XPDLLA yá tenemos entamáu contautu y estableceráse col restu de les instituciones según vaiga avanzando esti procesu de reivindicación, que va pasu ente pasu pero avanzando.
¿Cómo va la páxina web que tais faciendo y que va sustituir al blog col que furrulabais hasta'l momentu?
Pues la páxina va con retrasu, esperábamos estrenala va tiempu yá pero bono va tener una sospresa que pagará la pena'l tiempu esperáu. Esti tipu de reivindicaciones nun pueden improvisase, tenemos de dir faciendo les coses con seguranza.
¿Qué otros proyeutos hai pa que l'ICANN faiga realidá'l .ast?. Les otres asociaciones, por exemplu, tan pañando firmes.
Pa que l'ICANN aceute'l nuesu proyeutu hai qu'amosar que-yos va resultar rentable la puesta en marcha del dominiu, asina que se necesiten tolos sofitos posibles de toles estayes de la sociedá y claro ta de l'alministración. Pero nun futuru nós tamién pañaremos firmes como sofitos personales y nun se descarta entamar otru tipu d’iniciatives que sirvan pa esparder la campaña pol puntuAST.
Son munches les comunidaes llingüístiques que puxan pol dominiu propiu; Bretaña (.bhz), Galicia (.gal), Gales (.cym)... Asturies paez que se queda pequeña cuando nun tien nin reconocidá la so llingua, ¿tenémoslo más difícil que los demás?
El que la nuesa nun seya una llingua oficial ta claro que xuega a la nuesa contra, pero nun hai que ser pesimistes yá que tenemos una bona actividá n'internet y la demanda del dominiu propiu yá lleva unos añinos entamando pol usu del .as (de les Islles Samoa Americanes) asina que nun ye imposible. Ye una reivindicación na que necesitamos la implicación de tolos asturianos y nesi sen trabayaremos pa facelo posible.
Esbilla
del.icio.us
