L´ICANN va abrir la convocatoria de dominios enantes de que fine l´añu
L´ICANN, organismu non gubernamental que regula los dominios d´interné, quier abrir una nueva convocatoria de propuestes oficiales enantes de finar esti añu. Esta foi una de les conclusiones que s´algamaron na conferencia del ICANN que finara mañana vienres en Lisboa. Un de los temes claves de la mesma foi la de la obtención de los dominios a comunidaes culturales y los requisitos que tendrán que superar los candidatos, preba d´ello ye que l´organismu lleva trabayando 15 meses na redacción de la convocatoria. Sicasí l´ICANN quixo afitar que nun diba irguir denguna muria escontra los dominios culturales y allabó l´ésitu del .cat con 20.000 dominios rexistraos nún añu.
Pa esta prósima convocatoria espérase una gran presencia de candidatures ente les que ye d´esperar que tea la del PuntuAst. Na cita de Lisboa, por exemplu, tuvieron presentes coleutivos que quieren identificadores webs pa la comunidá de fala gaélica, la ciudá de Berlín o mesmo pa les families. Sicasí una de les candicatures más polémiques ye la del .xxx pa los contenios pornográficos na rede, anque paez que va ser difícil la obtención del dominiu yá qu´esti yá fora ñegao nel añu 2005 pol furrulamientu del ICANN qu´afita que nun puen presentase nomes que vaigan escontra la moralidá.
Esbilla
del.icio.us
18 d´ochobre:
¡¡¡TOOS CON DIXEBRA!!!
