Lo meyor y lo peor de la narrativa n´asturianu
Esti añu´l día de les lletres asturianes va valir d´homenax a la moderna narrativa n´asturianu. Dende qu´en 1982 Miguel Solís Santos asoleyara la primer novela de la nuesa lliteratura, "Les llamuergues doraes", munches noveles y llibros de cuentos tienen visto la lluz na nuesa llingua. A 15 díes de la cellebración de les nueses lletres propóngovos qu´ente toos escoyamos el peor y el meyor llibru que lleimos n´asturianu y como nun podría ser d´otru xeitu tócame entamar; pa meyor llibru ensin dulda "El cai nunca duerme" de Xosé Nel Riesgo, ye daqué sentimental porque foi la primer novela n´asturianu que lleí na mio vida, anque ye un llibru qu´ensin dulda merez un llugar acutao na hestoria de la lliteratura asturiana por ser la primer novela negra nel idioma del país, anque tamién podría dicir "Il grilo di ali blanche" d´Andrés Solar o mesmamente "Carretera ensin barru", el caberu llibru que lleí. Y como´l peor llibru quiciabes "Potestás" de Xulio Arbesú, ye un bon llibru pero les sos más de 500 páxines con lletra piquiñina nun ayuden muncho a la so llectura, dalgún día finare con elli... A ver si vos animáis y ente toos damos colo peor y lo meyor de la nuesa moderna narrativa, salú!!!
Esbilla
del.icio.us
18 d´ochobre:
¡¡¡TOOS CON DIXEBRA!!!
gomato.blogspot.com
Gracias.-
Isidro Rodriguez Gomato | 23-04-2007 - 16:29:00 GMT 1 #