A partir de güei les seiciones n´asturianu del magazín "Con 2 de azucar" van independizase dafechu y convertise en programes independientes, amás pasarán a emitise peles mañanes colo cualo podremos velos de llunes a vienres de 11.20 a 11.30. Los micro-programes englobaránse baxo´l nome común d´"Al Aldu" y van emitise del siguiente xeitu;
- Llunes; "La Risión", Lluis Antón González lleva a la modernidá´l tradicional xeneru de monólogu n´asturianu averándolu a programes como´l "Club de la Comedia".
- Martes; "A galmiaes", Carlos Suari presenta les noticies deportives del fin de selmana nel país, con especial procuru polos deportes autóctonos.
- Miercoles; "Recetes con Cuentu", Milio´l del Nido enséñanos a cocinar un platu típicu asturianu, pero esti nun ye un programa de cocina´l usu, lo importante son les hestories que´l presentador cuenta relacionaes col platu a preparar.
- Xueves; "Xente de Casa", Inaciu Galán fai un repás poles coses más curioses que pasen per esta nuesa casa, el planeta tierra.
- Vienres; "Axenda d´Asturies", Mercedes Menéndez tráenos ca vienres tolos estrenos de cine, teatru, amueses y toles folixes qu´hai per Asturies, amás d´un repás a la cartelera de la TPA.
Esperemos qu´esta "independencia" seya´l puntu d´arrinque pa qu´estos programes amplíen el so horariu (Milio´l del Nido namás que pue dicinos los ingredientes porque nun-y da tiempu a más) y pa que quiciabes dalgún puea convertise nún magazín de mayor formatu.
A partir de güei les seiciones n´asturianu del magazín "Con 2 de azucar" van independizase dafechu y convertise en programes independientes, amás pasarán a emitise peles mañanes colo cualo podremos velos de llunes a vienres de 11.20 a 11.30. Los micro-programes englobaránse baxo´l nome común d´"Al Aldu" y van emitise del siguiente xeitu;
Esbilla
del.icio.us
18 d´ochobre:
¡¡¡TOOS CON DIXEBRA!!!
23/07/2007
‘Al aldu’ cambia d’horariu y va poder vese tolos díes a les nueve la mañana na TPA
El programa emítese de llunes a vienres y aborda cada día un tema distintu
La selmana pasada entamare a emitise un nuevu programa n’asturianu na TPA ‘Al aldu’, que ñació de la ‘independización’ de los espacios en llingua asturiana que veníen emitiéndose dientro del programa ‘Con dos de azucar’. Col cambiu d’horariu ‘Al aldu’ abre la programación diaria de la televisión autonómica asturiana.
Los llunes ye’l momentu pal humor y ‘Al aldu’ dedica’l so tiempu a ‘La risión’, una sección coordinada por Lluis Antón González y onde apaecen dalgunos de los meyores monologuistes modernos del país. Los martes Begoña Quirós ta al frente de la sección deportiva ‘A galmiaes’, que percorre l’actualidá deportiva d’Asturies.
Milio’l del Nido lleva a los espectadores les sos ‘Recetes con cuentu’ los miércoles, mientres los xueves ye Inaciu Galán l’encargáu d’acercanos l’actualidá internacional más entretenida con ‘Xente de casa’. ‘Al aldu’ termina la so selmana los vienres con Mercedes Menéndez y la so ‘Axenda d’Asturies’, con actividaes pa la fin de selmana.
‘Al aldu’, una producción d’Ediciones Trabe, repite los sábados a les doce la mañana dalgunu de los espacios de la selmana, entantes de l’habitual emisión de ‘Nós’, el programa dirixíu y presentáu pol director d’Asturnews.com, Próspero Morán, ‘Pieces’ y ‘Camín de Cantares’.
Programación selmanal d’Al aldu
-Llunes: La risión, coordinada por Lluis Antón González a les 09:00 h.
-Martes: A galamiaes, con Begoña Quirós a les 09:00 h.
-Miércoles: Recetes con cuentu, con Milio’l del Nido a les 09:00 h.
-Xueves: Xente de casa, con Inaciu Galán y González a les 09:00 h.
-Vienres: Axenda d’Asturies, con Begoña Quirós a les 09:00 h.
-Sábadu: Repetición de dellos espacios a les 12:00 h.
Asturnews
trasgu | 23-07-2007 - 11:56:51 GMT 1 #
Pedis que la tele de todos los asturianos ,es decir TPA,emita en asturiano pa que la veais cuatro y la pagen todos los asturianos que no sabemos bable.Estais flipados,con un poco todos los dias teneis que daros por contentos.LENGUA OFICIAL EL ESPAÑOL y vos lo esta diciendo un asturiano que vive en España (cataluña) y no se puede estar mas marginado en tu pais .Por cierto respeto y defiendo el bable pero como cultura asturiana y no como arma pa reclamar una independencia inutil y sin sentido
PUXIA ASTURIAS Y VIVA ESPAÑA | 13-09-2007 - 23:00:35 GMT 1 #
ehhhh????
Por qué tengo q pagar yo una tele que nun emite na mio llingua, entós???
Naide ta diciendo qu´emita al 100% nenín, si ye de toos qu´emita nes dos llingües d´Asturies. Faime mucha gracia l´argumentu de que lo falen cuatro, qu´amás ye mentira amuesa les vueses intenciones, vamos dexalo ehí y nun potencialo haber si mañana nun fala naide yá y mos dexen de quemar les oreyes al oyir un "ye".
La llingua oficial, pel momentu única, si ye l´español pero ta l´estatutu y la llei d´usu, amás de la propia llei de creación del ente diz que tien que potenciase la llingua nos medios públicos, cosa que pel momentu nun se fai.
Lo de la llingua y la independencia, nun se que tien que ver una cosa cola otra, una llingua ye cultura, pallabres, lliteratura, sentimientos, cantares, llugares... l´independentismu ye un pensamientu políticu, si los partíos independentistes asturianos tan a favor de la llingua paezme perbien. Será que hai muncha xente analfabeta enllena d´odiu haza Asturies que quier mecer una cosa cola otra, la llingua ye de tolos asturianos y el que ta arreyando la política cola llingua yes tu manín.
Ta llueu
ah, escaecíaseme, PUXA ASTURIES DIXEBRÁ!!!
trasgu | 13-09-2007 - 23:20:36 GMT 1 #