el trAsgU d´aRecEs

Había una vez nún barriu´l pueblu una casa na que vivían duas harmanas viechas ya resulta que tolos días venía un trasgu ya metíase na sua cama ya poníase-l.lys na cama encima d´el.las.
Comu´l trasgu nun dexaba de venire ya tolas nueites faíal.lys la mesma visita, pensanon que lo mechor yera marchare pa outra casa ya asina podría perdelu de vista.
Cambianon entoncias pa la outra punta´l pueblu. Pero´l mesmu día que cambianon de vivienda, namás acabare de metere las últimas cousas na nueva casa, vienon entrare pola puerta al trasgu con una maleta na manu. Perguntánon-l.ly entoncias:
-¿Usté qué fai aiquí?
Ya contestóu-l.lys él:
-L.lóu, ¿nun andamos de casa mudada?