Violentes cargues policiales en Compostela
Na nueche del martes al miércoles, día nacional de Galiza, violentes cargues policiales dexaron dellos feríos, tovía nun se sabe´l númberu, na ciudá de Compostela. Los afectaos yeren miembros de l´Asambleia da Mocidade Independentista que taben faciendo pintaes nes cascu vieyu –inclús en edificios hestoricos- de la capital gallega. Los policies dispararon bales de goma al debalu, frañaron material informáticu y requisaron cartelos y les perres qu´algamaren nún de los puestos que taben nel llugar.
Gracies a la intervención policial prodúxose una batalla nes cais compostelanes, col resultáu d´escaparates frañaos (les sucursales de Caixa Galicia y Caixanova) y mobiliariu urbanu y contenedores quemaos. Ayeri pela tarde los bomberos entamaron a retirar les pancartes con llemes independentistes escolingaes en dellos edificos hestóricos de Compostela.
Esbilla
del.icio.us
-el tRasgU d´aRecEs
Cuando diba al institutu, recuerdo qu'un día dixo un profesor que había una normativa tala nel instituto que dicía que si un rapaz-y daba una patá a una papelera, el profesor podía espulsalu. Entós tolos estudiantes sintiéronse ofendíos, "¿cómo va ser eso!", "¡abusu d'autoridá!", "güelga¡¡"... y toes eses coses. Pero yo, calláu, entrugábame "ye lóxico pega-y una patá a una papelera", "tien dalgún xacíu eso?", ye dicir, que la xente que se quexaba del castigu, ¿qué ye,que piensen da-y dalguna vegada una patá a una papelera???, con qué motivu y embaxo qué criteriu??? esa violencia gratuita ha de cortase.
Eso paezme dalgo paecío. Ye normal facer pintaes nun edificiu hestóricu??? les idees hai que les defender, pero nun val facer cualquier cosa por elles. Un edificiu históricu pue sofrir daños gravísimos.
ún | 27-07-2007 - 15:21:52 GMT 2 #
Dafechu d´alcuerdu contigo sobre que ye una animalada pintar nún edificiu hestóricu, pero muncho más animalada ye lo de la policia, como pue vese na semeya. Los medios non galleguistes prauticamente nun dicen nada de la violenta actuación policial falando namás de lo de esborriar sobre piedres milenaries. Intente facer una síntesis coles dos versiones, les dos coses son refugables, pero na semeya vese a TRÉS policies dando-y hosties a ÚN home tiráu nel suelu.
trasgu | 27-07-2007 - 20:55:11 GMT 2 #
Yía lo de siempre. Los d'AMI son unos babayos por chenar la ciudá de pintadas (acéptase en muros de carretera, carteles cola toponimia mal, etc. pero non n'edificios hestóricos ou que, por dicilo d'una manera, nun tengan culpa de nada) ya los policías por aproveitar la situación pa pasase trés pueblos. Ya pa qué falar de la prensa, el gobiernu,... zarrando la bouca, muitos verían una bona oportunidá d'apalear un pouco a los independentistas. Nestos casos yía más fácil dar un avisu ya poner una multa a l'asociación, que sedría lo normal.
Ayandés | 01-08-2007 - 20:02:44 GMT 2 #