Preséntase´l primer film sotituláu n´asturianu
El pasáu xueves presentóse en Xixón cola sida del festival CinegailesAST el primer film de la hestoria sotituláu´l asturianu. La película ye´l mediometraxe noruegu O´blig hos meg (Habita conmigo) dirixíu pela direutora Anette Ostro en 2002. Los sotítulos foron igüaos por Mely Fernández y Xavi Vilareyo. Coses como esta nun quedarien nun casu aislláu si la TPA tuviera un enfotu nidiu pola llingua del país. Hai munches formules; podríen emitir dalguna película a la selmana en versión orixinal con sotítulos n´asturianu y inclús una vez al mes una tornada´l asturianu. Nun tamos pidiendo ver tol cine de la TPA na nuesa llingua (cosa que si pasa nes otres comunidaes con llingua propia), namás que queremos ver daqué. Tovía nun soi a camentar como nun hai denguna serie de dibuxoa animaos n´asturianu na televisión pública.
Argumentu d´Habita Conmigo;
Sara vive y trabaya colos sos padres nún hotel ultracristianu de la costa noruega. Quieren qu'ella se case con David, un predicador cristianu. Eva ye pintora y llega a la casa pa pintar el retablu principal de la ilesia del hotel. Eva va camudar la vida de Sara dafechu revelándo-y el misteriu sagráu del puru amor. El títulu alude a un conocíu salmu cristianu
Esbilla
del.icio.us
18 d´ochobre:
¡¡¡TOOS CON DIXEBRA!!!
Hola Damián,
Al marxe de la perbona noticia, escríbote pa dicite que me paez que tas mal informáu.
Estos dos caberos años tuvieron diendo a Ibias xente de Catalunya, Andalucía, Castiella-La Mancha, etc... Paezme que pue pagase por xiru postal. Asina que mira a ver, que te queremos perhí otra vegada.
Por ciertu, has de saber que sí que tuviesti ellí n'espíritu, porque los Xandros garraron les preguntes del to test d'asturianía pa un programa de Radio Sele que ficieron dende ellí.
¿Nun t'enterasti? Ellos nun sabíen que'l Trasgu d'Areces yeres tu pero díxe-yoslo yo y alcordábense de ti ("¡el rapaz aquel que se paecía a Fernando Alonso!")
Un saludu candial dende los recuerdos compartíos.
Laura | 12-08-2007 - 20:20:47 GMT 2 #
Nun sé fía, llame l´añu pasáu pa ver si podía apuntame por teléfonu (dende Bilbo) y dixéronme que non. Nun sabía lo de Radio Sele, préstame a esgaya, gracies pola información.
Güei vi les semeyes n´Arturnews y cuasi lloro pola señaldá que m´entró (por ciertu tas en cuasi toes h.e h.e), l´añu que vien voi llamar bien enantes y yá teneis a Fernando Alonso otru añu más ellí (dempués de 3 años tovía hai xente que nun sabe o nun s´alcuerda como me llamo pero ehí quedo lo de Fernando, yá y garre ciñu al nome y too).
trasgu | 14-08-2007 - 01:31:24 GMT 2 #
La páxina oficial del Festival de Cine Gai y Lésbicu d'Asturies ye la siguiente:
http://www.quediario.com/blogs/2517/
Saludos
Xavi Vilareyo
Director
CinegailesAST.
CinegailesAST | 22-08-2007 - 19:56:50 GMT 2 #
Gracies, ye que nun l´atopará y punxe esta de Xega col programa, yá ta iguáu. Felicidaes pol bon trabayu, nun pudi dir a ver la película (pa entamar enteréme dempués del estrenu), a ver si podéis movela y llega a otres partes d´Asturies - a Avilés por exemplu que ye d´onde soi-. Una vergoña que los medios de comunicación (inclús los que son n´asturianu) nun dixeran un res sobre esti pequeñu fechu hestóricu pa la nuesa llingua.
trasgu | 23-08-2007 - 00:01:19 GMT 2 #