L´audiencia diz sí a l´asturianu na TPA
Bones audiencies de los programes n´asturianu de la TPA esta selmana. El programa especial dende Sariegu de temática dafechu asturiana algama una audiencia de 17.000 espectadores (10,9% de share). Per un llau la misa n´asturianu tuvo una media de 9,1 % (13.000) y el deporte tradicional (cola tresmisión en castellán) de 13,3% (22.000). La media del día na TPA foi del 6,1 % d´espectadores.
Ye de reseñar l´ésitu que tovía tien "Camín de Cantares", que yá lu repitieron más de diez vegaes y algama un 7,7% de share, asitiándose como´l programa de más audiencia del sábadu na TPA. Demientres otres programes como “Pieces”, de conteníu cultural y nada dixerible pal gran públicu, quedo con 5.000 espectadores (6,4 %). Pel momentu nun tengo datos de “Nós”, presentáu por Prospero Morán, y que pola so curtia duración (15 minutos) nun apaez nes tables d´audiencies, pero ye de suponer que taría ente´l 6% y el 7% de los dos programes que lu acompangaben. La media del sábadu na TPA quedóse nún 5,2 %.
El que paez que nun ye a reblincar ye “Al Aldu”, el programa diariu de la TPA que cada día tien una temática estremada. Dende la so dixebra del magazín “Con 2 de Azucar” pocos díes llega al 1% d´audiencia. Esti programa yera una seición dientro del magazín de la TPA que davezu yera una de les partes más vistes del mesmu, pero debío a la poca audiencia del programa la TPA camudo´l so horariu convietiéndolu nún magazín mañaneru y asitiando “Al Aldu” delantre de “Con 2 de Azucar” como programa independiente. Al poco´l espaciu n´asturianu foi treslladáu a les nueve de la mañana por mor de la xubida d´audiencies del magazín y la murnia audiencia de “Al Aldu”, lo que facía que´l entama de “Con 2 de Azucar” heredara los malos resultaos del programa n´asturianu. Agora “Al Aldu” ye´l programa qu´abre les emisiones de la TPA y paez que la cadena va mantenelu a partires de setiembre nel mesmu horariu, el de menos audiencia de la TPA con medies que poques vegaes lleguen al 0,5% d´audiencia.
Esbilla
del.icio.us
18 d´ochobre:
¡¡¡TOOS CON DIXEBRA!!!
Nun m'estraña un res. Teniendo a I.G. como presentador lo raro ye que lo vea dalguién más qu'él y la familia. L'asturianu que manexa ye de a perrona, la pronunciación y vocalización nun esiste, el movimientu de les manes da la risa, y la cresta punki d'El Corte Inglés.
Vaya nivel, hailos que tienen la cara más dura que'l buxu.
curiosu | 21-08-2007 - 11:48:30 GMT 2 #
Oyi, ¿onde mires les audiencies? Taría bien saber l'audiencia de Terapia de Grupo que magar
que seya munches vegaes n'amestáu dafechu en castellán suel tener conteníos n'asturianu o
convidaos que lo falen.
Vity | 21-08-2007 - 12:29:17 GMT 2 #
Curisosamente ún de los espacios más vistos de "Al Aldu" ye "Xente de Casa", presentáu por Inaciu. Podrás dicir que nun te presta´l so xeitu de presentar o´l so corte de pelo, pero que digas qu´Inaciu fala mal asturianu ye de risa, yo nun lo veo asina. Pocos podrán dicir que son autores d´un diccionariu asturianu-inglés. Nun sé que tendrás contra elli pero comentarios asina meyor nos foros d´Asturies.com.
En formulatv.com tienes les audiencies de toles autonómiques tolos díes. Terapia de Grupu tien una audiencia medía d´unos 11.000 espectadores. Suel tar ente´l 4 y el 6%, anque a vegaes pue llegar a un 8% y otres nun pasar del 2%. Ayeri tuvo una audiencia del 5,8% y unos 18.000 espectadores. Pa la temporada que vien va convertise nún programa selmanal y pasar a los sábados pela nueche, cosa que veo perbien porque hai díes que ye la risión y otros díes que nun val un res. Asina de xuru que va meyorar a esgaya.
trasgu | 21-08-2007 - 13:59:51 GMT 2 #
MAYU
Lunes 14: La sección de deportes no supera el 1.5%. El programa hace un 1.4%
-Martes 15: Las recetas con cuento no llegan al 1%. Con 2 de Azúcar hace un 0.8%
-Miércoles 16: La Risión no llega al 1%. El magazine saca un 1.3%
-Jueves 17: Xente de Casa ronda el 0.5%. El programa hace un 1.9%
-Viernes 18: Axenda ronda el 0.5%. Con 2 de Azúcar llega al 1.7%
XUNETU
Llunes 9/07/2007
"Al Aldu" consiguió un 2,6%.
A les 4 de la madrugada sacó: 17,5% y 3.000 espectadores.
Martes 10
Al Aldu: 0%
Miércoles 11/07/2007
'Al Aldu (Recetes con cuentu)': 1.000 y 1,3%
Xueves 12/07/2007
‘Al Aldu (Xente de casa)’: 0,7%
Vienres 13/07/2007
Llunes 16/07/2007
Martes 17/07/2007
‘Al Aldu (A galmiaes)’: 0.000 y 0%
Miércoles 18/07/2007
'Al Aldu (Recetes con cuentu)': 0.000 y 0%
Xueves 19/07/2007
'Al Aldu(Xente de casa)': 2.000 y 2,9%
Vienres 20/07/2007
Sábadu 21/07/2007
'Al Aldu': 6.000 y 7,8% (tercer programa más vistu del día)
Llunes 23/07/2007
‘Al Aldu (La risión)’: 3.000 y 8,1%
Martes 24/07/2007
‘Al Aldu (A galmiaes)’: 2.000 y 4%
Miércoles 25/07/2007
Xueves 26/07/2007
'Al Aldu(Xente de casa)': 2.000 y 5,7%
Vienres 27/07/2007
Sábadu 28/07/2007
Llunes 30/07/2007
‘Al Aldu (La risión)’: 0.000 y 0%
Martes 31/08/2007
AGOSTU
Miércoles 01/08/2007
Al Aldu (Recetes con cuentu): 2.000 y 4,7%
Xueves 02/08/2007
'Al Aldu(Xente de casa)': 0%
Vienres 03/08/2007
Sábadu 04/08/2007
'Al aldu': 3.000 y 4,7%
Sábadu 11/08/2007
'Al aldu': 0.000 y 0%
teneis más datos? | 22-08-2007 - 11:48:05 GMT 2 #
Ye a esgaya difícil atopar datos de "Al Aldu" yá qu´al durar namás 10 minutos nun cuenta como un programa yá que los datos paezme que se tomen ca media hora. Gracies polos datos, yo camiento qu´esos programes tendríen que dir por exemplu ente "Conexión Asturias" y TPA Noticias 2 o dempués de cualesquiera de les ediciones del informativu, de xuru qu´arramplarien cola audiencia de los otros programes y visibilización muncho más la llingua qu´a les 9 de la mañana
trasgu | 22-08-2007 - 14:37:41 GMT 2 #
Yo creo qu'esos datos amuesen que nun van tan mal los datos d'Al Aldu
UNU | 22-08-2007 - 15:08:17 GMT 2 #
La verdá que los sábados van abondo bien. Pero ensin dulda merecen un horariu más "visible" y que-yos dean más tiempu. Podríen poner "Xente de Casa" tolos díes y los demás ser de media hora. Por exemplu Milio´l del Nido nun pue namás que contar como se fai la receta ensin facela porque yá me diras tu en 10 minutos, si fora media hora. Y "La Risión" merez ser un magazín en prime-time, anda que nun tendría ésitu un programa de monólogos n´asturianu al estilu de los certamenes que ponen pieslle a l´Arribada.
trasgu | 23-08-2007 - 00:39:19 GMT 2 #
A ver ho, ye vergonzoso que un programa de 10 minutos nun-y dean sitiu nun horariu de más audiencia. Pónenlu a les 9 la mañana pa que nun lu vea naide ¿¿ quien ve la tele a les 9 la mañana en vacancies?? nin Cristu. Nun me joder, tanto-y cuesta a la TPA poner 10 minutinos a les 5, a les 7 o a les 9??? La rempuesta ye que nun hai ganes de facer nada pol asturianu.
unu | 24-08-2007 - 09:50:58 GMT 2 #