Salú ya Dixebra
La música asturiana ta nuna de les sos meyores domines, a lo menos eso camienta ún pol númberu y calidá de les ediciones. El branu entamó col nuevu discu de Skama la Rede, siguio col d´Anabel Santiago y ta a puntu d´espublizase “Clashasturies”, lo primeru de Soncai System que va traer nuevos aires y nuevos estilos a la música fecha na llingua del país. Pues güei llevantéme con otra nueva nuncia na música asturiana de la que nos informa “La Voz de Asturias”: venti bandes van homenaxear a Dixebra nun discu de versiones.
L´álbum pue que tea na cai pa payares col nome de “Salú ya dixebra, 20 años en 20 canciones” y va tener cantares de tolos discos de Dixebra versionaes por grupos que van dende´l hip-hop al folk, pasando pela ellectrónica y pel cantar d´autor. Los grupos que van formar parte de la obra son: Skama la rede, Skanda, La col.l.a Propinde, Fe de Ratas, Desakato, Mala reputación, Escuela de odio, Ciquitrinos, Skontra, Desorden, La Tarrancha, Dulcamara, Dj Stilo, Dark la eMe, La Bandina, K Nalón, Toli Morilla, y Arma X. Clásicos dixebriegos como “Rapaza Nacionaliega” sonará enforma distintos na voz de Los Ciquitrinos o esi gran himnu de la vindicación llingüística que ye “La Danza” nes manes de La Bandina. Los temes versionaos van face-y un repás a tolos discos de Dixebra, asina Dark la eMe llevará al so estilu “El vieyu combatiente” como Chalaneru Sound System faerá lo mesmo col “Esto ye Asturies”, yera hora de recuperar esti últimu cantar. Per otru llau Toli Morilla encargaráse del tema qu´elli mesmu compuso “El Mineru”. La que yá se sabe que nun tará, por que dengún de los grupos la pidió, será´l “Merucu Xusticieru”.
Ún que dixebriegu a más nun poder y que-y debe muncho a Dixebra (¿si un día de fai munchos años nun me grabaren una cinta col “Asturies o trabayes” taría metíu nesti mundín asturianista y lluchando por una llingua “que nun fala naide”?) nun puede tar más gayoleru pola nueva. Dixebra merezlu, de xuru que si un día de reis de fai venti años un garapiellu de mozos nun se xuntaran pa facer rock n´asturianu la hestoria músical asturiana sería enforma distinta. Los sos cantares yá foren parte de la memoria colectiva del país y podíen dir poniendo banda sonora a los últimos venti años d´hestoria d´Asturies. Por venti años más furando na sensibilidá colectiva de los asturianos.
Esbilla
del.icio.us
18 d´ochobre:
¡¡¡TOOS CON DIXEBRA!!!
Mui bones, Trasgu, prestóme abondo lleer esta noticia.
Tien mui bona pinta’l discu, ye de los de mercar en cuantes salga.
Nes versiones siempre me gusta muncho cuando un grupu garra una versión d’un estilu estremáu a lo que faen y lu lleva al so tarrén. A ver qué faen dalgún d’ellos, va prestame sobre too ver qué faen Dulcamara o Arma-X…
¿Sabes quién garró “Vieyos”? .
Un saludu.
Ateyavana | 27-08-2007 - 21:32:41 GMT 2 #
¿Sabes quién garró "Indios"? quixi dicir (ye lo que tien escribir a la trágala).
Haxa salú.
Ateyavana | 27-08-2007 - 21:55:11 GMT 2 #
Nun tengo nin idea, namás que tengo la información que salió asoleyada na Voz. Tengo ganes de saber el cantar que va facer Skama, Burilo si pases pequí apúrrenos información. Voi tener que tar un mes ensin salir pa poder garrar tolos discos que quiero!!!
trasgu | 28-08-2007 - 00:01:49 GMT 2 #
Según sal asoleyáu na páxina web de Skama ellos van grabar "Da-yos caña". Amás el so discu ta escosáu y van facer una segunda edición con 500 copies. Felicidaes pol ésitu!!!
trasgu | 31-08-2007 - 01:02:34 GMT 2 #
Músicos de todos los estilos se unen para rendir tributo a «Dixebra»
«Dixebra», después de dos décadas de acción, puede celebrar todavía una salud de hierro cada vez más fortalecida. Tras «N'acción», su primer disco en directo -grabado en la plaza de España de Avilés, el año pasado- los fastos de sus primeros veinte años en la escena, no han concluido. L'Aguañaz, la editora de «Dixebra» desde hace tiempo, prepara un nuevo disco donde músicos asturianos de todos los estilos homenajearán a una de las formaciones avilesinas más imperecederas.
El tributo musical todavía no ha tomado la forma definitiva, pero lo hará bajo el título «Salú ya dixebra», que es como la formación comienza todos sus conciertos.
La propuesta es llevar los temas de «Dixebra» -de cualquiera de sus nueve discos publicados hasta la fecha- a todas las formas musicales, a todos los estilos, desde el punk a la canción de autor; desde el folk más tradicional al ska más reconocible.
En noviembre
La lista de los grupos que se han sumado al baile propuesto por L'Aguañaz se abre con «Skama Na Rede» que interpretará «Dayos caña». «Mala Reputación» se hará con «Queda la rabia»; «Escuela de Odio» cantará «Nun llores»; «Scontra» hará suya «Pallabres vieyes» y Dark la eMe interpretará «Vieyu combatiente». El tema más emblemático de «Dixebra» -«La rapaza nacionaliega»- cambiará de aspecto gracias a «Los Ciquitrinos».
«Dulkamara» hará la versión de «Indios»; «La Bandina», de «La danza», y Toli Morilla, de «El mineru». «La lista de participantes no está cerrada del todo. Barajamos hacer un disco con unos veinte temas», comentaron desde la compañía editora.
El disco «Salú ya dixebra» está previsto que salga al mercado en la segunda quincena del próximo mes de noviembre.
LNE.ES
trasgu | 04-09-2007 - 19:14:41 GMT 2 #
Vi tarde'l tema y veo que sabes que vamos facer "Da-yos caña".
Del restu de cantares sé, qu'aparte de lo que trai la prensa, Fe de Ratas va facer "Mañana fría" y creo que K-Nalón diba facer "Wilma Loule"
Burilo | 06-09-2007 - 17:00:37 GMT 2 #
Que ganes d´escuchalu, a ver como facéis pa da-y un soníu made in Skama. Tengo ganes d´escuchar la d´Indios a les guapes voces de Dulcámara.
Un saludu.
trasgu | 08-09-2007 - 20:09:42 GMT 2 #