El míticu Merlín yera de Glasgow
El míticu magu Merlín paez que nin yera magu, nin rei d´Inglaterra y muncho menos de la mítica Camelot. Al paecer yera escocés y fízose famosu pola so llucha escontra los ingleses. Asina lo afita l´hestoriador aficináu Adam Ardrey, que ta acabantes d´asoleyar l´estudiu Finding Merlin: The Truth Behind The Legend (Descubriendo a Merlín: la verdá tres la lleenda).
Según los decubrimientos d´Ardrey Merlín yera un políticu ya intelectual que ñació en Hamilton, a venti quilómetros de Glasgow, nel añu 1540 y vivió en Partick, anguaño barriu de Glasgow, xunto cola so muyer, Gwendolin. Según Adam Ardrey, qu´atopo tolos datos por casualidá al buscar los raigaños del so apellíu, foron los escritores cristianos los que censuraron la hestoria real pa camudala y asitiala del so llau, lo que fizo qu´anguaño téngase la imaxe qu´aportó del cine hollywoodiense de Merlín coronáu como rei d´Inglaterra
Esbilla
del.icio.us
18 d´ochobre:
¡¡¡TOOS CON DIXEBRA!!!
Home, la noticia nun ye que paeza mui fiable. Paezme qu'esi Adam ye una especie de Gracia Noriega escocés y que barrió muncho pa casa. ¿Nun te paez?
Polo que tengo entendío la figura de Merlín ye mui vieya, los raigaños son del sieglu IV o V, o seya, contemporáneu d'Arturu. Dalgunos dicen que ta basao na figura de Myrddin, bardu y conseyeru del rei Gwenddolau, y otros dicen que ye un amestu de milenta figures.
De xuru nun se va saber nunca, pero presta a esgaya especular.
Ateyavana | 28-08-2007 - 22:56:18 GMT 2 #
Según la información que tengo tuvo trabayando 6 años na investigación. Al parecer el descubrimientu foi una coincidencia yá qu´elli taba investigando nel orixe del so apellíu na Biblioteca Nacional d´Escocia y atopó que´l so nome, Ardrey, taba emparentáu cola primera referencia a Merlín na Batalla d´Arddreyd. Pero too pue ser, caún interpreta la hestoria como quier o como-y convíen.
trasgu | 28-08-2007 - 23:22:42 GMT 2 #