The Times saca a la lluz les miseries de los Borbones
Anque la prensa del Estáu tiennos avezaos a lo contrariu nun too son afalagos a la familia real na prensa internacional. Na edición d´ayeri del prestixosu diariu británicu “The Times” espublizaron un artículu sobre los escándalos de la familia real española. Col titular de “la reina cuéstanos más pero polo menos nós sabemos en que lo gasta” el periódicu británicu entama l´artículu nel que´l secuestru de “El Jueves” ye una de les coses más criticaes. Según “The Times” el procesamientu de los dibuxantes volvióse escontra los reis y asitiolos nel debate públicu.
“Foi tratáu como un ídolu demientres 30 años, navegando en yates de lluxu, montando motocicletes y gozando d´un tratamientu reverencial col que la reina Isabel II namás puede suañar. A pesiar de too, hai síntomes de que´l rei Xuan Carlos d´España cuerri´l peligru de perder el favor de los sos súbditos”. La caza d´un osu enfiláu y la opacidá de les cuentes de la Casa Real son dalgunos de los exemplos p´afitar la cayida de popularidá de la monarquía española. El diariu llega a dexar nidiu que Xuan Carlos “foi coronáu siguiendo les ordes del xeneral Franco”.
Esbilla
del.icio.us
18 d´ochobre:
¡¡¡TOOS CON DIXEBRA!!!
Pamidea, tocar a la monarquía ye tocar a España, y ye por eso que nun la toquen. Agora, esa familia, eses infantes casaes de blanco y esi príncipe tan altu y con tan bona percha son les fantasíes-enxamás-realizaes de milenta ames de casa culturalmente probetayes...
Furrula igual qu'el cine, onde la xente diba a ver el lluxu y l'abundancia porque ye con esi lluxu y con esa abundancia cola que suañaben... naide quier acabar cola monarquía porque toos suañen con ser monarquía, y onde nun la tienen invéntenla: Nun hai más que mirar pa Francia y ver les movíes que se traen Ségolène y Hollande... En fin, que voi enunciar una llei matemática: L'índiz de popularidá de la monarquía ta en rellación col índiz d'audiencia del programa d'Ana Rosa y el de María Teresa Campos.
:-)
L\\\'embaxador | 01-09-2007 - 04:52:50 GMT 2 #
Non si ye nidiu que la xente ta d´alcuerdu cola monarquía, nel programa esi de “El español de la historia” el rei quedó´l primeru (tamién taba mui p´arriba la Pantoja). Pero quiciabes si los medios non mos metieran pola oreya lo “campechanos” que son, lo bien que lu faen y lo graciosinos que son los guah.es d´esa familia la cosa sería enforma diferente.
Un saludu
trasgu | 01-09-2007 - 10:28:22 GMT 2 #
que bono l'articulu esi de The Times
Cuanta verda a la cara.
Pur ciertu you vou tamien, fuera novedá, a la xinta de Unidá.
Salú.
Ah ya perbono tb el post de la l.liguna asturiana nel territoriu astur¡¡¡.
Muitas reflesiones peru fai falta actus concretus pa que nun muerra si non... acabouse.
Salú
Miguel+Anxel | 02-09-2007 - 17:15:46 GMT 2 #