Lingües magnetofóniques
Falábamos va poco equí de la hestoria de Manuel ya Isidro, los dos últimos falantes d´una llingua americana condergada a morrer porque los dos llevaben años ensin dirixise la pallabra por problemes personales. N´Escocia hai una hestoria asemeyada anque non tan llacediosa: Bobby Hogg de 87 años y el so hermanu Gordon, de 80, son los únicos falantes del dialeutu “Cromarty Fisher”, una fala que surdió de los pescadores del pueblu escocés de Cromarty al garrar pallabres de los soldaos ingleses que tuvieron pela rexón nel sieglu XVII.
Estos dos hermanos son fíos d´un pescador que-yos deprendió esti dialeutu cuando yeren unos neños. La xíriga destaca por adaptar pallabres del inglés antiguu y pola pronunciación y pue que seya´l xeitu de falar más amenazao de toa Europa. Poro los estudiosos van grabar a los dos hermanos mientres falen na vieya xíriga de los pescadores de Cromarty y qu´asina, a lo menos, quede una amuesa de la fala d´una comunidá pequeño cordergada al desaniciu. Quiciabes nun dexando cayer la perda nel escaezu podamos ser más conscientes de la importancia de protexer y da-y vida a cualesquier xeitu de falar, cualesquier llingua o xíriga, pa que nun haiga que tomar la midida de recoyeles nun magnetófonu.
Esbilla
del.icio.us
18 d´ochobre:
¡¡¡TOOS CON DIXEBRA!!!
Podremos decir que cuando muera uno de los 2 hermanos la lengua habrá desaparecido ya que ya no se podrá comunicar con nadie el que quede.
Yo atmbién he hablado de este tema
Un saludo.
David | 13-09-2007 - 22:05:24 GMT 2 #
Pues sí, polo menos la llingua nun tendrá esistencia como tal; nun valdrá de xeitu de comunicación ente persones d´una comunidá. Ye una de les coses más murnies d´esti mundu globalizáu y aculturizáu.
Murnia tamién la hestoria del caberu falante d´esa modalidá del euskera.
Un saludu
trasgu | 14-09-2007 - 00:02:29 GMT 2 #
Home, qu'esa xíriga sía la manera de falar más amenazada d'Europa nun sé si será una afirmación mui acertada...
Al rabu d'eso, y polo que toca a Asturies, hai unos cuatro o cinco años morrió'l postrer falante de bron en Miranda (Avilés) y la cosa pasó desapercibida. Anque dellos mirandinos conocen entá y usen dacuando dalgunes palabres en bron, Generoso yera'l postrer caldereru que lu usara nel so ámbitu profesional y que yera pa falalu dafechu y con fluidez.
En gloria tean Generoso y el bron.
(Y estos muertos son de casa)
Apatxiwâ | 27-09-2007 - 02:21:52 GMT 2 #
Gracies pola hestoria del bron, soi d´Avilés y conocía la so esistencia pero nun sé muncho d´eta xiriga. Nun sabía nada de que morriera fai pocos años el caberu falante, gracies pola información.
El motivu de falar de la xiriga escocesa y non de l´asturiana foi por topar información de la primera y pareceme prestosu contar la hestoria. Me paez que naide pue dicir que nun falo de lo que pasa n´Asturies, pero tamién habrá que falar de otros llaos que´l mundu ye mui grande y hai munches hestories.
Un saludu y gracies pol comentariu.
trasgu | 27-09-2007 - 18:54:19 GMT 2 #