Yo soi del 0,2
Esta selmana por mor d´un estudiu de National Geographic más de la metá de tolos periódicos del mundu espublizaban la noticia de que más de 7.000 llingües del mundo corríen peligru de desaniciase y que´l 80 % de la población del mundu fala 83 llingües mientres qu´hai otres 300.000 que namás son falaes pol 0,2 % de la población mundial. Ente otres coses l´estudiu dicía qu´había que recuperales al traviés de gramátiques y diccionarios pa tremiti-yles a les xeneraciones más nueves y qu´esto yera un trabayu de los llingüístes, qu´al perder cualesquier lingua´l mundu pierde sabiduría, que la metá de les llingües del mundu nun tienen lliteratura escrita o qu´a pesiar de que quede un falante esa llingua ta viva tovía y pue recuperase. Una voz d´alarma que saltó a los medios de mediu mundu, podéis facer la prueba y poner nel google “7.000 lenguas mundo peligro desaparecer” y ver la bayura de periódicos n´español de tol mundu que falen del tema.
Paez que tien que venir National Geographic pa dicir daqué que dende Asturies llevamos glayando dende fai 30 años anque dende los medios de comunicación sovencionaos pol poder siempre quixeren facer ver como que son vindicaciones minoritaries y que la perdida de la nuesa llingua nun tien muncha importancia, daqué ensin igua dientro de la modernidá. Pos paez que pa los medios de comunicación asturianos lo de protexer les llingües y potenciales enxamás va ser noticia a pesiar de lo que diga la mesma National Geographic, premiu Principe d´Asturies y anguaño con una esposición de portaes de la so revista en Xixón, DENGÚN mediu asturianu dixo un res sobre´l tema. Tolos periódicos del mundu falando del estudiu y n´Asturies con una llingua en peligru pero tovía con posibilidaes de futuru nada.
La prensa ye llibre, nun hai manipulación.
Esbilla
del.icio.us
Ye lo que tenemos, Trasgu, nun podemos facer otra cosa que protestar y nun mercar los periódicos, a ver si somos munchos y van dándose cuenta.
Gracies pola visita. Delles vegaes pienso que yes l´únicu qu'entra a lleeme.
Salú.
Ateyavana | 23-09-2007 - 11:15:16 GMT 2 #
Tamos nun mundiu globalizáu (ye bien triste pero ye asina)nel que la información ye "patrimoniu universal". Los periódicos,
la tele, el cine...son responsables direutos de la nuesa situación. La xenti tien fe nos medios de comunicación en sin pensar
que l´oxetividá ye un bien difícil nestos tiempos...si dicin que la nuesa llingua nun tien sentiu anguañu...la mitá la xenti
(ensin desarrollu d´una conciencia crítica) va dalo por fecho.
Na Trasgu hai que tirar palantre, comu siempres, cola tele y los periodicos na contra.
leticina | 23-09-2007 - 13:46:53 GMT 2 #
Gracies a les dos polos mensaxes.
Ateyabana nun sé cuanta xente entrara nel to blog pero pa min yes de visita diaria. Quiciabes un de los problemes de la bloguesfera asturiana ye que la xente nun suel dexar munchos mensaxes y el fin últimu d´un post ye que la xente opine y poder entamar un alderique.
Asturies ye dempués de Navarra la comunidá d´España onde más prensa diaria se llee, colos periódicos tan "bonos" que tenemos nesti país que la xente quiera "informase" nun sé si ye una bona noticia...
trasgu | 23-09-2007 - 19:17:09 GMT 2 #