El gobiernu valencianu contra TV3
Yá faláramos equí de la griesca montada nel País Valencià pola emisión de TV3 (l´autonómica catalana) nesta comunidá. Mientres la Generalitat Valenciana quier finar coles emisiones que dende fai dos décades lleguen a tol dominiu llingüísticu catalán la sociedá valenciana llucha por manteneles. Según el Gobiernu de Valencia les emisiones de TV3 son illegales al nun haber dengún alcuerdu cola comunidá vecina pa la recepción de la emisión de Televisió de Catalunya en Valencia, como hai ente Catalunya y Balears onde puen vese les autonómiques de les dos comunidaes. Pero la Generalitat valenciana enfréntase na so particular llucha contra TV3 con una bona parte de la sociedá y sobremanera colos grupos de defensa de la llingua catalana/valenciana que nun quieren perder la emisión d´una televisión dafechu na so llingua y con calidá abondo.
Mientres TV3 suel distinguise pola imparcialidá na información, la calidá de les sos emisiones y un usu n´esclusivu de la llingua catalana Canal 9, la autonómica valenciana, destaca por dar una información al pueblu abondo favoratible al PP, por una programación onde´l corazón y la tele-basoria lleven les mayores hores d´emisión y por un usu de la llingua catalana que convive col castellán, anque esti últimu ye cuasi esclusivu nel prime-time, nes películes y series foriates, amás de distinguise de la catalana por una pronunciación de la llingua con una fonética dafechu castellana. Poro ye comprensible que los valencianistes nun quieran perder una importante ferramienta de normalización llingüística y un pegoyu más de la llibertá informativa.
El Gobiernu valencianu, encabezáu pol PP, paez que nun quier perder la so llucha contra TV3 y asina mantien bloquiaes les negociaciones ente les dos Generalitaes p´algamar una recepción recíproca ente TV3 y Canal 9, según afitó´l Conseyeru de Cultura catalán, Joan Manuel Tresserras, que s´amosó inclús pesimista pa llograr un alcuerdu col gobiernu valencianu. Pero nun queden ehí les salies de tonu de los conservadores col casu TV3, asina fai díes el vicepresidente valencianu, Vicent Rambla, contestaba con insultos a les preguntes de la oposición sobre l´intentu de pesllar TV3 en Valencia. Pa Rambla los que defienden les emisiones de TV3 o la unidá de la llingua son perturbaos mentales. Poco más se pue dicir sobre la actitú del PP valencianu.
Esbilla
del.icio.us
Dous llugares que lluchaban polo mesmu...ya baxu la mesma bandera...valencianos a palos colos catalanes (que falan la mesma llingua)(ya vien siendo dende que-ys punxieron a los valencianos esa rayina azul na bandera)Valencia ta enllena de cartelos “No mos fareu catalans” (dicin) (Vieyas colos rulos na cabeza glayando pela cai) Esi gobiernu foi populista ya "paeyeru" siempre.
Un llibru perimportante, al casu: "Nosaltres els valencians" de Joan Fuster
leticia | 16-10-2007 - 13:34:47 GMT 2 #
Namás qu'un apunte, nun ye una critica sinón un tema p'abrir l'alderique. ¿Decataisvos de lo solidarios que somos dellos blogues asturianos o pa colos catalanes y que pocos blogues catalanes pa colos asturianos? (esta entruga ye la mesma con o ensin la pallabra "blogue"). Ye que ta cafiandome ultimamente eso, quiciás tiramos munchu espaciu defendiendo los sos porgüeyos cuando ellos nun miren pa nós.
Un saludu.
Vity | 16-10-2007 - 19:37:50 GMT 2 #
Home, you viví un tiempu con dous valencianos ya con una moza euskaldun. El casu ía qu´esta xenti nin conocía los nuesos problemas llinguísticos, nin tinia un conocimientu so la situación na que tamos eiqui. Un día díxome una de las mios collacias vascas, que "n´Asturies nun tiníamos güevos" (pa morrer del ascu) Entos dime cuenta qu´ente ellos (nacionalistas, independentistas catalanes ya eskaldunes) había una rellación cumo de "fraternidá" o entendimientu, (que nun tinían conmigu) Dime cuonta entós del egocentrismu que tinian (igual namás foi esti casu en particular) pero a min
parezme que´l miou sentimientu pa con Asturias yera tan grande cumo´l que pudian tener ellos. Eiquí inda tamos au tamos, pero trabayamos pa dir palantre. El casu ía que sentime marxinada ya infravalorada por esta xenti. Anque de xuru esti foi un casu concretu, hai xenti mui compometío cola nuesa causa, valencianos, catalanes...nun se tien que xeneralizar tampouco.
(perdón polas faltas)
leticia | 17-10-2007 - 11:27:31 GMT 2 #
Paezme que Vity tien razón. Tamos solos. Yo nun se vosotros, pero yo nun espero nengún sofitu d'otres comunidaes.
En fin, habrá qu'andalo.
Salú.
Ateyavana | 17-10-2007 - 22:38:41 GMT 2 #
Vity ties tola razón del mundu, les "nacionalidaes hestóriques" asina reconocies tán mui contentes col llamáu Galeusca y nun miren un res pa nós, quiciabes nun quieren qu´haya más pa repartir el "pastel". Per un llau tán los políticos de partíos nacionalistes que nel Congresu Español nun faen nada pola nuesa llingua, CIU y PNV pasen, col BNG tal conflictu del occidente y como dicen que mos negamos a reconocer los drechos de los falantes de "gallegu" n´Asturies ellos nun faen nada pol asturianu. Dempués ta ERC que si sí amosó cierta sensibilidá cola nuesa llingua (más que munchos políticos del país) fízonos la putada de la llei de llingües (nomábase asina??) que podía declarar oficial el gallegu n´Asturies mientres que nun dicía res de l´asturianu. Quiciabes el problema ta en que nun podemos esperar nada de los políticos d´otres zones del Estáu (imaxinando que tienen que tener más sensibilidá pa coles cultures minoritaries) cuando los d´equí nun faen nada. ¿Tien voz Asturies nel Congresu de Madrid?. NON, los nuesos representantes ellí son PP y PSOE, ye dicir qu´Asturies nun tien voz propia en Madrid.
Dempués ta la xente de la cai, pa entamar saben que n´Asturies tenemos una llingua???. Los medios de comunicación españoles nun dicen que 15.000 persones salen a la cai n´Asturies (1.000.000 habitantes) pa esixir los sos drechos llingüísticos y falen selmanes y selmanes de 100.000 persones en Madrid (cuasi 10 millones paezme) que llegaron de toa España n´autobuses pagaos polos Obispos, la Falange y el PP pa protestar por que toles persones tengan los mesmos drechos y dos persones del mesmu sexu puean vivir la so vidá del mesmu mou que cualesquier otru ciudadanu.
El problema ta en que pa los independentistes-nacionalistes del Estáu, tanto políticos como xente de la cai, los asturianos somos españoles y ellos son gallegos, catalanes o vascos. Si un partíu asturianista tuviera representación en Madrid otra gallu cantaría...
También ye verdá que por ciertu complexu d´inferioridá del asturianismu siempre queremos miranos y siguir los pasos de Catalunya o Euskadi cuando son realidaes perestremaes. Nun sé, yo gueto pela rede y si topo daqué de Catalunya o Galiza que me paeza interesante y del que nun falen los demás medios va pal blog, igual que d´Aragón, el Sah.ara, Escocia o un pueblu indixena llatinoamericanu.
trasgu | 18-10-2007 - 19:25:29 GMT 2 #
Hola
estoy bastante de acuerdo con este último comentario de Trasgu.
En lo que hace a la política "institucional" podríamos decir que lo asturianista "no vende". En el resto del estado (por ignorancia y desconocimiento!) poca gente considera Asturies como una nación o por lo menos con una "realidad nacional" (o cualquiera de los eufemismos que se utilizan) con intereses y derechos propios. La consecuencia de esto es que los políticos no van a gastar ni medio minuto en defender posiciones asturianista (y menos, por ejemplo, políticos catalanes o bascos, que aunque puedan ser nacionalistas, o más bien autonomistas, no son asturianos!). Por ejemplo, un político de ERC en el Congreso de los Diputados, va a dedicarse a reclamar el traspaso de las competencias del aeropuerto de Barcelona, pq es un tema que vende, del que en Catalunya se está hablando todo el rato y del que sabe que le puede reportar votos. También puede que se pronuncie, tímidamente, en contra la detención de la Mesa Nacional de Batasuna, pq sabe que sus votantes (la mayoría) también estarán en contra de esta detención. Pero qué réditos electorales va a sacar de posicionarse a favor del asturiano? Si en Catalunya creo que la mayoría de gente piensa que en Asturies se habla en castellano!
No sé si me explico, se trata de un tema de interese, de réditos políticos, de votos... y por suerte o por desgracia "la cuestión asturiana" no está mucho en la palestra -si dependiera de mi, ya os dejaba un poco de la cuota de páginas y páginas de periódicos, horas y horas de la COPE y otras tertulias parecidas que se ocupan (mal)hablando de los y las catalanas para que hablaran un poco de vosotras! ;) -.
Y respecto a "la calle", a la gente... por suerte no hay intereses electorales de por medio, pero si hay el mismo desconocimiento. Sé de amigos míos que han estado de vacaciones por Asturies y han vuelto alucinados con las movidas independentistas, de defensa de la lengua, de oir asturiano... Y la mayoría de gente que conozco que ha estado en Asturies y ha podido conocer un poquito su realidad, me han dicho que han vuelto encantados y con ganas de volver y conocer más.
(y ya me callo!)
[por cierto, me sabe mal escribir en castellano en este blog, pero una cosa es leer o escuchar asturiano, y otra muy distinta, escribirlo! si un día pongo un comentario más corto, con la ayuda de la gramática de la ALLA y del diccionario on-line de LNE quizás me atrevo a hacerlo en asturiano.... ya veremos! :P )
una catalana | 19-10-2007 - 12:33:13 GMT 2 #
Gracies pol mensaxe, presta ver qu´una catalana interesase pola llingua y por lleer esti blog. Si quies la prósima vez que dexes un mensaxe pues facelo en catalán, nun hai cosa más guapa que caún fale la llingua de so y podamos entendenos, paezme que nun va xeneral muncho problema de comprensión.
P.D; Lo de la COPE meyor dexalu tar como ta ;) nós yá tenemos l´enemigu en casa y ca día les columnes d´opinión y dalgunes noticies redactaes "d´aquella manera" na prensa "regional".
Un saludu
trasgu | 19-10-2007 - 15:32:10 GMT 2 #
Por favor, no os confundáis: el catalán y el valenciano SON 2 LENGUAS DIFERENTES. Os lo dice un valenciano y valencianista. Podéis documentaros al respecto en www.hortavalencia.com www.valenciafreedom.com www.llenguavalencianasi.com y en otras webs culturales valencianistas.
No emitamos juicios de valor sin antes haberse documentado. Si pensáis que catalán y valenciano son la misma lengua es a causa del imperialismo naZionalista catalanista que ha extendido sus tentáculos económicos y ha falseado la literatura y la historia.
HortaValencia.com | 15-01-2008 - 02:32:43 GMT 2 #
horta, tas chifláu, fai que te lo miren, pero si hasta l'Academia Valenciana de la Llengua te lo diz. faite mirar
asturchale | 15-01-2008 - 13:10:51 GMT 2 #
Prestaríame qu´escribieras nesi valencianu perestremáu del catalán que faléis dalgunos nel País Valenciá (anque paezme que los "valencianistes" como tu dominen meyor l´español). Por ciertu, ¿cómo coño topáis los conservadores-peperos esti blogue?, deveres...
trasgu | 15-01-2008 - 13:43:30 GMT 2 #
oyi Trasgu, que zuna-yos tienes a los peperos hehe. Los valencianistes esos nun son toos del pp eh? hehe
asturchale | 15-01-2008 - 16:00:54 GMT 2 #