el trAsgU d´aRecEs

El palaciegu y secretariu de l´ALLA Roberto González-Quevedo va poner un cursu de pal.luezu, variedá del asturianu occidental falada en L.laciana y redolada, na Casa de Cultura de Vil.lablinu los díes 27 y 28 d´ochobre. Los cursos tan empobinaos pola Asociación de Amigos de Sierra Pambley y van ser gratuitos pa los socios, los que nun seyan socios podrán apuntase por 10 euros llamando al 987 47 19 84. L´horariu del cursu ye de 11.00 a 14.00 y de 17.00 a 19.00 el sábadu 27 y de 11.00 a 13.00 el domingu 28.

González-Quevedo tamién va tar na llibrería Artemis de la capital llionesa (C/ Villa Benavente, 17) el prósimu día 24 a les 20.30 pa presentar “Poesías ya cuentos na nuesa tsingua”, llibru escritu a comuña cola so madre Eva González. El llibru ye´l primeru que s´escribió na variedá occidental del idioma y quier servir d´homenax a la recientemente fallecida matriarca de les lletres asturllioneses. Amás tamién va presentase la últimu obra del escritor de palaciegu: “El Sil que baxaba de la nieve”.

El pal.luezu ye una de les variedaes del asturllionés occidental y la variedá del idioma meyor conservada en territoriu llionés. Nel “Estudiu Sociollingüísticu del Norte de Lleón” de l´ALLA´l 18,5% de los encuestaos refiérese a la fala propia d´eses tierres como astur-lleonés, mientres que'l 15,7% quier falar más de castellán y el 15,5% de "pal.luezu" términu esti que namás cinca a la faza l.lacianiega y la so redolada. Otru 15,5% identifícala col términu "bable", el 8,7% fala de "l.lacianiegu" y el 5% de "asturianu. De los 400 encuestaos nos 17 conceyos que llinden con Asturies el 66% declárase llionés, anque´l 38% camienta que´l futuru de Llión como comunidá pasa por na xuntura con Asturies, siguida pola posibilidá de Llión solu (28%) y, a más distancia, por Llión con Castiella (21,5%).