Llingües falocéntriques
Sexu fuerte: homes, sexu débil: muyeres; cortesán: servidor del rei, cortesana: prostituta; güelu: ancestru, persona de quien se desciende, güela: muyer vieya; niñada: fechu o dichu impropiu d´un home, muñecu: mozucu afemináu y ensin sustancia.
Estes son entraes recoyíes na cabera edición del diccionariu de la RAE, fecháu en 1992. ¿Dalguna diferencia ente lo referíu al home y a la muyer?, ¿son estos los roles propios d´un home y una muyer en plenu sieglu XXI y nuna sociedá que quier presumir de democrática ya igualitaria?. Como podéis ver tovía hai muncho machismu nel llinguax y paez que les autoridaes academiques nun tan por igualo, asina según un estudiu entituláu “Lo femenín y lo masculín nel Diccionariu de la llingua de la RAE” lo propiu del xéneru femenín tien un tratamientu discriminatoriu y lo masculín ye´l centru sobre´l que xira too. L´estudiu ta espublizáu pol Institutu de la Muyer y pa les autores el diccionariu paez un diálogu d´homes ente sí, onde les muyeres namás que s´asomen como una subespecie dientro d´un universu androcéntricu. Esto queda afitáu n´entraes como “gociar” que pa la RAE ye conocer carnalmente a una muyer, ¿les muyeres nun gocien?, ¿nun se pue gociar con un home?, o sacar a baillar, que ye daqué que un home fai cola muyer, enxamás al revés.
Según l´estudiu analizando namás que´l 5% de les entraes pue vese que les muyeres tan representaes nun 7% de los casos y los homes nun 88%, mientres que´l 7% restante ye una presencia compartida. Nos exemplos namás que´l 11,1% inclúi a les muyeres. Más nidiu quedo esti falocentrismu académicu cuando vamos a mirar les cites d´actividaes profesionales femenines, asina de los 11 grupos los 5 primeros faen una representación de la muyer que fai 30 años yá taba anticuada: monxes (13 cites), mayestres (10), prostitutes (8), dames o reines (7) y sirvientes (5). Tamién pue vese en delles entraes de definiciones profesionales que´l rol de la muyer ye pasivu, asina la presidenta, la ministra, la abogada, l´alcaldesa ya inclús la tabernera son “la muyer de”. Nin dicir yá qu´en toles entraes lo masculín siempre va enantes de lo femenín.
Y esti falocentrismu ye propiu de toles llingües y de toles academies, esperemos que l´asturiana con una muyer como presidenta tenga más sensibilidá por facer una llingua de toos y non una llingua namás que pa homes. A la fin, llingua ye una pallabra femenina.
Esbilla
del.icio.us
18 d´ochobre:
¡¡¡TOOS CON DIXEBRA!!!
las lenguas están llenas de expresiones sexistas, falocéntricas. El castellano lo está, también el catalán, y supongo que pasará lo mismo con el asturiano.
Más ejemplos (válidos tanto en catalán como en castellano):
-se utilizan lo relacionado con el órgano sexual masculino para lo positivo y lo relacionado con el femenino para lo negativo. Por ejemplo: cojonudo (collonut en catalán) para decir que algo está muy bien. Coñazo (conyàs) para decir que está mal, que no nos gusta...
-utilizar el hombre (l'home) como sinónimo de ser humano.
Sobre las muyeres de, en catalán, en algunos casos (no siempre es posible!) se ha diferenciado entre por ejemplo advocadessa (mujer del abogado) de advocada (mujer que ejerce la abogacía).
A parte de los ejemplos, definiciones etc de palabras en teoría "neutras" desde este punto de vista, pero que la RAE (y supongo que otras academias y/o diccionarios) cargan de tópicos, roles y estereotipos sexistas.
una catalana | 29-10-2007 - 18:27:14 GMT 2 #
Pamidea que les llingües les fai la xente, nun ye cosa de l'ALLA el cambialo... hemos ser los falantes (los qu'aínda quedamos los que faigamos por ello...) el problema de fondu ye'l mesmu de siempres: que les academies, y perespecialmente la RAE; son organismos allancaos nel pasáu y que nun evolucionen y caltienen un pensamientu retrógradu a más nun poder... Como exemplu'l fechu de que delles pallabres del asturianu tán presentes ehí nel DRAE, como entraes d'un castellán que -sigun ellos- fálase namái que n'Asturies...
Pero bono, pa min la RAE nun tien denguna llexitimidá nin prestixu dalu...
Lembaxador | 30-10-2007 - 11:37:14 GMT 2 #
Nun sé cómo será´l diccionariu de l´ALLA, pero´l Básicu de Urbano Rodrigues y Pablo Manzano ye un poquitín menos machista y anque ponga siempre primero´l masculín vienen indicaos tolos xeneros, curiosamente taba echando-y un gueyu y dempués de definir cortexar (diciendo que lo faen les persones y non los homes a les muyeres) trae una frase de exemplu que ye "Trixa anda cortexando a Nacho, pero a ésti nun-y fai gracia". Daqué meyor que´l de la RAE ye, en dalgo tenía que tar l´asturianu por delantre del castellán ;)
trasgu | 01-11-2007 - 18:15:36 GMT 2 #
Les academies de la llingua son unes instituciones arcaiques, de tiempos pretéritos, que yá nun cumplen función nenguna y y que teníen que desapaecer, en bona y consecuente lóxica. Toes. L'asturiana tamién, és clar...
Apatxiwã | 02-11-2007 - 04:11:56 GMT 2 #