el trAsgU d´aRecEs

Esti pasáu martes morrió n´Uviéu a los 80 años d´edá ´l llionés José Millán Urdiales Campos, caderalgu de la Universidá d´Uviéu y miembru de la RAE. Urdiales yera filólogu y estudiosu de les fales ástures de la so tierra, sobremanera de la Ribera del Esla, una de les zones llingüísticamente menos estudiaes de tol dominiu de la cual la so obra “El habla de Villacidayo” ye un referente. Esti estudiu foi presentáu na Facultá de Filoloxía de Madrid el 19 xineru de 1963 y espublizáu trés años dempués nel Anexu XIII del so Boletín. Les cenices del llionés foron güei espardíes pel cementeriu del so llugar natal de Villanófar (Gradefes).