SÍ a la diversidá familiar
MANIFIESTU “REDE POLA DIVERSIDÁ FAMILIAR”
Los firmantes d´esti manifiestu concebimos la rede como una fonte d´información y entretenimientu, pero tamién d´activismu y participación social. Dende la disparidá ideolóxica, relixosa, racial y sexual mos xune´l nuesu compromisu cola igualdá y la diversidá. Poro, perafitemos el nuesu compromisu col respetu y la tolerancia haza los estremaos modelos familiares. Los tiempos camudaron y el modelu tradicional de familia convive anguaño con otros tipos, como les families monoparentales u homoparentales. Camentamos qu´esta diversidá enriquez abondo la nuesa sociedá y, con murnia, vemos día tres día como dalgunes estayes conservadores y retrógrades, encabezaes poles xerarquíes eclesiástiques, nagüen por imponer un modelu escluyente de familia tradicional. Por tou ello espresamos:
1) La nuesa mayor REFUGA a les actitues d´esclusión y discriminación que dalgunos sectores conservadores, encabezaos pola ilesia católica, amuesen haza los estremaos modelos familiares que conviven güei na nuesa sociedá. Camentamos que tres de la so enfatica defensa de la familia “tradicional” escuenden la intransixencia y l´odiu a la diferencia. Defendemos la diversidá como un rasguenriquecedor, tamién nel ámbetu familiar, y, poro, esiximos respetu y tolerancia pa toos y caún de los modelos de familia esistentes.
2) La nuesa firme DEFENSA de la igualdá y la diversidá, y poro, del drechu de too ciudadán, ensin importar la so orientación sexual, a amar, contrayer matrimoniu y construyir la so familia llibremente. Anguaño na nuesa sociedá esisten estremaos tipos de modelos familiares y toos deben de gociar del mesmu respetu y consideración colos mesmos drechos y obligaciones.
3) A lo caberu llamamos a la MOVILIZACIÓN social pa siguir alantre na igualdá y construyir una sociedá más llibre, igualitaria y diversa. Namái cola participación y la visibilidá será posible frenar les actitues discriminatories, intolerantes ya intransixentes que siguin esistiendo y condergando la diferencia.
TOLES FAMILIES IMPORTEN
SÍ A LA DIVERSIDÁ FAMILIAR
P.D; Si quies firmar el manifiestu o sumar el to blogue a la rede pola diversidá familiar entra en diversidadfamiliar.blogspot.com
Esbilla
del.icio.us
18 d´ochobre:
¡¡¡TOOS CON DIXEBRA!!!
Foro ecuménico de encuentro para cristian@s de cualquier orientación sexual, unid@s contra la homofobia:
http://groups.msn.com/cristianosgays
PAZ Y BIEN
Daniel | 04-01-2008 - 21:39:26 GMT 2 #
Cuéstame entender que na sociedá d´anguaño la xente siga creyendo nes relixones, seya cual seya danme noxu, pero qu´haiga gais católicos ye daqué que nun m´entra na tiesta (igual coles muyeres que tamién foron y son marxinaes dientro de la ilesia). Pero bono, polo menos presta saber que nun toos los católicos son unos fundamentalistes (n´oriente inmólanse y n´occidente paséanse pela Castellana xunto a Rajoy y Rouco Varela)
EL MUNDU SERÁ MUNCHO MEYOR CUANDO COLES TRIPES DEL ÚLTIMU REI AFORQUEMOS AL ÚLTIMU PAPA
trasgu | 05-01-2008 - 01:17:19 GMT 2 #
tu yes gai? digo porque igual si lo fueres podíes entender a los gais católicos y sobre too a los cristianos, la diferencia ye grande . un besu
asturchale | 05-01-2008 - 17:17:24 GMT 2 #
Caún ye llibre de creyer no que quiera, ye respetable, pero paezme qu´una sociedá avanzada tien que dir haza´l llaicismu. Les relixones falen d´amor y solidaridá y namás que ye mieu ya intolerancia (na mayoría de los casos, polo menos los que remanen les relixones). Nun sé si soi a desplicame, ¿pue haber un xudíu qu´adore a Hitler? ¿Un negru del Ku-kux-klan?. Home, por haber hai hasta gais nel PP y asturianistes na FSA, hai xente pa too.
trasgu | 05-01-2008 - 19:12:55 GMT 2 #
yo nun creo qu'una sociedá avanzada tenga de dir hacia'l llaicismu, tien que dir hacia l'absoluta llibertá de la xente pa creee o nun creer. lo que tien de dir hacia'l llaicismu ye l'estáu, les instituciones, pero nun veo nada de malo en que dalguién quiera ser cristianu. equí prestaríame dixebrar otra vegada ente católicos y cristianos. el cristianismu ta llimpiu de tola magaya moralista de la ilesia católica. ¿entiende'l trasgu? jeje perdona la coña ;-)
asturchale | 05-01-2008 - 22:59:13 GMT 2 #
Nun digo que se prohiban les relixones por llei (anque nun m´importaría), ta claro que tien qu´haber llibertá y más anguaño onde na sociedá convivimos con otres cultures y creencies veníes de tol mundu, que nun voi ser yo quien-y diga a la xente lo que tien que facer qu´eso ye lo que faen los cures y lo que toi criticando. Pero ye verdá que col avance de la sociedá ca día les ilesies tán más vacíes (cuatro vieyes y el cura), por exemplu estos díes venía nel periódicu que n´Avilés les bodes civiles superaron l´añu pasáu a les relixoses. Lo del Estáu por descuntáu, a min cuasi me cafia tanto (salvando la grandísima distancia) el Rouco Varela como´l Pepe Blanco diciendo que ye católicu en rueda de prensa (y eso qu´elli nun ye del gobiernu propiamente falando), que´l PSOE nun-y eche güevos y mande a tomar pol culu a la ilesia que si esto ye Estáu llaicu a ver por qué coyones apaez esa casiella na declaración o que los ministros sigan xurando na Zarzuela delantre de la Constitución y una cruz con Xesús (y el Xuanca y floreru al llau). Si ye Estáu llaicu pues nun hai denguna relixón (como cuando morrió´l Papa y el gobiernu francés nun foi a los funerales por que yera un estáu llaicu), la católica será la mayoritaria y la tradicional (puen tratase les tradiciones relixoses como un fechu cultural), pero l´Estáu tien que respetar que ye un gobiernu pa toos (católicos, ateos, musulmanes o budistes). Y por supuesto que por ser cristianu nun yes un castrón (yo toi bautizáu y comulgáu, dalgún día apostataré).
P.D; ¿Qué quies saber si "entiendo" pa ver si tienes posibilidaes?
trasgu | 06-01-2008 - 17:34:06 GMT 2 #
ye cierto que la ilesia pierde seguidores. yo nun lo soi, pero si tengo un fondu sentimientu de pertenecer a un cultura cristiana y pueo considerame almirador de los valores de Xesús. Yo nun sé si yera fíu de Dios o non, pero les coses que dixo fueron buenes siempres, traxeron bondá al mundiu, lo que pasa que la Ilesia manipulólo too. Pero'l mensaxe de Xesús ye amase unos a otros, dase a los demás.. el nun dixo nada de mises nin de casase virxe nin la nada d'eso. Xesús taría güei colos enfermos de sida, los gais, los vieyos abandonaos, los xóvenes ensin oportunidaes. hehe madre, paezo un testigu de Xehová o daqué asina. El casu ye que m'identifico muncho col mensaxe de Xesús y 0 cola Ilesia, tamién me plantegué apostatar, pero siguiría llamándome cristianu.
Per otru llau, yo nun veo mal que los políticos digan si son católicos si quieren. Y veo mal que Francia nun mande a naide al funeral d'un xefe d'estáu, porque'l Papa nun ye namás un llíder relixosu. El PSOE nun manda a tomar pel culu a la ilesia ye porque dientro del PSOE hai munchu católicu y perderíen millones de votos, eso ta claro.
PD. ta siempre bien saber si se tienen posibilidaes con un rapaz cola cabeza tan bien amueblada y un blog tan prestosu :-)
asturchale | 07-01-2008 - 10:44:22 GMT 2 #
Ta claro que la nuesa cultura tien una herencia cristiana, pero esa herencia na sociedá d´anguaño tien qu´entendese como un fechu cultural. Lo de Xesús, nun sé, a min paezme que taba arrexuntáu cola María Madalena (qu´exercía la profesión más vieya del mundu) y polo que dicía ta claro que yera un hippy que nun lu dexarien entrar nuna ilesia, amás d´un anticapitalista como cuando echó a los mercaderes del templu.
Xustamente como dices pa min el Papa nun ye namás qu´un xefe d´Estáu. El probema preséntase cuando ye un Estáu artíficial (un de los más ricos del mundu), pa la xente cristiano ye muncho más qu´eso, los medios de comunicación de tol mundu tan sollertes a toles babayaes que se-y ocurra dicir y van da-y tola publicidá posible a les sos pallabres. Cuando´l xefe d´esi Estáu quier ser el vixilante de la "moralidá occidental" mal vamos.
Los políticos tan nel so drechu a dicir lo que quieran, por desgracía ye lo que faen y asina tan, pero pa min personalmente ye una falta de respetu (curiosa -y pa min murnia- esta noticia sobre la opinión de los brasileños sobre les "preferencies" del so presidente). Ye que como te dicía yo coles relixones nun pueo, neso soi un radical, danme noxu y paezme que de nun haber habido enxamás denguna´l mundu taría muncho meyor. Diré al infiernu, que-y vamos facer.
P.D; Allégrame que te preste (el blogue).
trasgu | 07-01-2008 - 18:18:59 GMT 2 #
La herencia cristiana ye cultural, pero ye tamién moral. Güei la muyer vive n'igualdá gracies a la herencia cristiana, los gais somos respetaos gracies a la herencia cristiana. Has date cuenta que nos países ensin esta herencia nun pasa, lo cristiano ye siempres piadoso (sé que sueno a monxa, :-D ) dende esi sentimientu pue avanzase a otros y asina pasa. hai millones de grupos de gais cristianos organizaos nel mundiu y non precisamente pa tratase hehe, sinón pa lluchar por cambios na Ilesia. dende llueu eso nun pasa nel mundiu musulmán nin n'otres relixones, por eso veo que tenemos de protexer esa cultura, dende la llibertá y l'Estáu llaicu. Porque equí toles protestes van pa la Ilesia católica, porque fala muncho y mal, ye verdá. pero nel día a día, nel Estáu español, los que tán jodiendo a munches persones, pelo baxo, son los imanes y toos esos islámicos radicales, y non tan radicales.
Les preferencies del pueblu pueden gustanos o non, pero son les que son y en democracia manden, (más que me duel a min la llingua al dicilo... hehe).
Les relixones, creo que t'enquivoques nel conceptu, nun fueron males pal mundiu, lo malo fueren les ilesies, que nun son más que centros de poder, como gobiernos, dictadures, etc.. osea, acumulaciones de poder y creadores de guerra.
´PD. préstame'l blog y el blogueru hehehe, anque nun sé cómo yes, tendré que dir a cortexar a una xunta de blogueros d'eses, que paez que nun queden rapazos con idees clares colos que poder discutir :-P. qué te paez la propuesta léxica ¿atalantes? hehe, pa un futuru cartafueyu normativu nun taría mal hehe
asturchale | 07-01-2008 - 23:42:32 GMT 2 #
Nun toi nada d´alcuerdu contigo, la muyer y los gais van ganando drechos pol progresu de la sociedá, pol desendolcu y el progresu. Y el progresu de la sociedá tien que dir al empar del progresu de la mentalidá de les persones, la igualdá, el respetu, la tolerancia. Por exemplu cola industralización los obreros entamaron a pidir los sos drechos, cola llegada de les sociedaes democrátiques les muyeres entamaron a esixir el votu... Igual los valores de paz (nun mataras, nun robaras...) yeren tresmitíos nes ilesies (tamién nun cometer actos impuros y la virxinida y pureza, el sofrimientu silente d´una MUYER como la ma de Xesús) pero tamién hubo inquisición, les cruzaes, les guerres relixoses. Piensa qu´enantes del cristianismu, en Roma, la homosexualidá yera lo más normal del mundu, ¿por qué de ser normal pasó a ser daqué qu´había qu´esconder?, ¿daqué que llegó a ser consideráu como un desvió de la personalidá?.
La sociedá occidental-cristiana ye más tolerante porque ta más desendolcada, hai más progresu, nun xq seya cristiana. Mira en Llatinoamérica, tan menos desendolcaos, hai más cristianismu y la muyer ta muncho más lloñe de la igualdá qu´equí, lo mesmo colos gais. Tamién los integristes islámicos, en Paquistan inmólanse y esperen polos 100 virxenes que los van recibir nel cielu mientres qu´en Madrid dexen la bomba nel tren y marchen corriendo. Según tengo entendíu el Koran nun diz que les muyeres lleven burka, ye la interpretación de los integristes que son los que faen ruíu nes relixones (ehí taba´l pasáu sábadu Rouco Varela en direutu per TeleMadrid y Popular TV). Los musulmanes nun son menos tolerantes coles muyeres o son homófobos pola so relixón, ye porque son sociedaes más probes, con más retrasu, colo cual los que remanen les relixones faen el so agostu y tresmiten les sos idees d´intolerancia, relixón+baxo nivel cultural=integrismu, intolerancia.
Yo nun tengo nada contra aquel que creé o práutica una relixón (estos últimos yá danme un poco más de repelús), la mio ma va toles selmanes a misa y tolos años xube a Cuadonga (diz ella que menos mal que yá reza por min que si non...). Nun me quda otra que convivir col cristianismu, pero nun me presten les relixones y ye too gracies a los cures y les sos babayaes d´intolerancia ya imposición. Y quítome´l sombreru por los munchos misioneros qu´hai n´Africa, pola Madre Teresa de Calcuta que tuvo siempre al llau de los probes... pero que nun me venga a dicir el Papa Roma dende´l so Palaciu qu´usar condón ye pecáu, que l´albortu ye un asesinatu o que la familia tien que ser igual agora que fai 2.000 años.
P.D; Tu direutu al granu. Desengáñate que yo soi mui feu. Lo d´atalantes nun sé, ¿nun sería meyor “pescancies”?, habrá que proponer a l´ALLA un Cartafueyu Normátivu Gai (de xuru que muncho más útil que lo de “cai ensin sida” o “torgao fumar”).
trasgu | 08-01-2008 - 02:52:29 GMT 2 #
Buf, demasiao denso pa les hores a les que llegué güei a casa hehe.
PD. Tan feu nun serás que te resistes tanto :-), eso ye que tas yá pilláu. Habrá que ponese a pol Cartafueyu esi, ¿tu dibes usalu munchu? (yá nun sé como preguntalo) hehe molaríame falar contigo de tu a tu, de relixón, caro ta haha. Otres propuestes. Pa cuartu escuru> faza solombriega , pa bar d'ambiente > chigre manfloritu. por exemplu XEGA, tenía de pasar a llamase XMA xente manflorito astur, evidentemente. cruising, a ver... calcala-albentestante. pa les propuestes de llocución que ponen nos cartafueyos "lo que surja" > lo qu'asoceda darréu. pa ¿quies rollu? > ¿nagües por enguedeyu?... y asina podría siguir tola nueche, pero voi pa la cama.
besinos
asturchale | 09-01-2008 - 03:59:28 GMT 2 #
Téngote namoráu, llegues a casa a les 4 de la mañana y póneste a mirar el mio blogue, eso ye amor :D
Lo de manfloritu na mio vida lo oyera, miré nel diccionariu de l´ALLA (que yá ta en llinia) y paezme que ye más despectivu qu´otra cosa, vamos el maricón castellán n´asturianu. Les tos propuestes normatives de xuru que-y diben prestar muncho a l´Academia, nun s´estremen muncho de lo de fastera curiada, asemeyadora...
P.D; D´espublizase de xuru que dalguna consulta faría, intento escribir siempre d´acordies cola normativa, lo mesmo que cuando escribo en castellán.
trasgu | 10-01-2008 - 16:52:51 GMT 2 #
yá ves trasgu, yá te digo, ye que nun hai rapazos tán llistos perhí yn cuando topes ún pues trates d'amarralu.
el manfloritu suena muncho meyor :-) suena más al marica cariñosu :-)
PD, ye increyible como pases del tema y consigues cambiar de tema cada vegada, jeje. asina qué fadríes consultes eh?, y pa usu oral o escritu? pa usu propiu o lliterariu?
creo que yá nun tas n'Asturies polo que dices nel blog, una pena, yo que quería tomar daqué
asturchale | 11-01-2008 - 01:14:14 GMT 2 #