Consumu cultural n´asturianu
Llacediosa ye la situación de la llectura n´asturiana si atendemos pa los datos qu´ufierta la Conseyería de Cultura nel últimu númberu de 2007 de la revista “Biblioasturias”. Asina, mientres que los diez primeros llibros más lleídos en castellán nes biblioteques del país asítiense ente les 106 (“Líbranos del bien” de Donna Leon) y les 66 llectures (“El corazón helado” d´Almudena Grandes), nel casu de lliteratura n´asturianu los préstamos tán ente los 14 y los 5.
1. Imago/ Dolfo Camilo Díaz. KRK, 2007. 14
2. El pisu d´enriba/ Xulio Arbesú. KRK, 2007. 11
3. Potestas/ Xulio Arbesú. VTP, 2003. 8
4. En busca de Xovellanos/ Ismael García Arias. Trabe, 2006. 7
5. Cuentos chinos/ José Luis Rendueles. Trabe, 2001. 6
6. Ente semeyances/ Pablo Rodríguez Medina. Trabe, 2001. 6
7. Los falapios del xigante/ Miguel Solís Santos. Editora del Norte, 2005. 6
8. Catedral/ Pablo Texón. Ámbitu, 2006. 5
9. Onde pisen poques güelles/ Cristina Muñiz Martín. Trabe, 2006. 5
10. Los araxales de la vida/ Xulio Viejo. Trabe, 2001. 5
Fai falta visibilizar la lliteratura de nueso nes biblioteques y dignificala (la seición “Asturias”, mecigaya onde entren gastronomía, rutes, les actes de la “I Asamblea Regional del Bable” y l´últimu de Xuan Bello). La Conseyería tien muncho que dicir en cuantes a promoción y difusión –nun ye too sovenciones pa espublizar y ta llueu- y ye nidiu que la lliteratura que s´escribi n´asturianu precisa güei d´un fuerte impulsu de les alministraciones, si dicen qu´anguaño lleese poco si miramos les cifres del consumu editorial n´asturianu los datos son dafechu una llacedia. Sicasí esto nun pasa cola música, nun hai un compromisu de l´alministración y de los medios públicos pero los datos de préstamu son perbonos cuntando cola poca promoción d´estos productos. Asina mientres los diez discos más escuchaos en castellán tan ente los 51 (“Limón y sal” de Julieta Venegas) y los 37 (“Cinema do mar” de Carlos Núñez) los qu´utilicen l´asturianu como mediu d´espresión asítiense ente los 80 y los 25.
1. Música na maleta/ Tejedor. 80 (Sicasí esti discu ta tamién na seición n´español nel númberu 9 con 37 préstamos ¿¿??)
2. N´acción/ Dixebra. 61
3. Palabres de muyer/ Joaquín Pixán. 40
4. Ensin novedá/ Dixebra. 38
5. Revolución celta/ Fardaxu. 31
6. Güeria/ La col.la propinde. 27
7. Un tiempu meyor/ Llan de Cubel. 26
8. Mineros/ Nuberu. 25
9. Torner/ Anabel Santiago, Ástura, Alberto Varillas. 25
10. L´otru llau de la mar/ Llan de Cubel. 25
Esbilla
del.icio.us
Esos datos son de tol añu 2007 o namás del últimu mes o trimestre?? Si ye de tol añu sí que m'abulten pocos llibros sacaos n'asturianu y a parte, una cosina, yo saqué dalgún llibru n'asturianu l'añu pasáu d'una biblioteca de Xixón que nun ta nesa llista.
Pero bono, en cuantes a lo que comentes de la llaceriosa situación na que s'alcuentra Asturies dafechu d'acuerdu. Saludos.
Ricardo | 21-01-2008 - 22:31:49 GMT 1 #
Paezme que del 2007, pero agora faesme durar... Yo tamién saque llibros qu´ehí que nun tan (igual ye que nun lleguen a los 5 préstamos). Yo por exemplu saque fai poco la historia de la lliteratura de l´ALLA y nun tenía dengún préstamu dende 2006.
Un saludu
trasgu | 22-01-2008 - 19:14:45 GMT 1 #