El Senáu afganu sofita la condena a muerte de Parvez
A pesiar d´ocupar el país, bombardealos pa lleva-yos los nuesos valores de llibertá y la nuesa democracia occidental Afganistán ta mui lloñe de ser un estáu onde la población pueda vivir cola dignidá que merez cualesquier ser humanu. El Senáu afganu ta acabantes de sofitar la sentencia que condena a muerte a Pervez Kambaksh, estudiante de periodismu de 23 años, cola robla del propiu Sibghatullah Mojaddedi, una de les manes dreches del presidente Karzai (el cual va tener la última pallabra sobre la vida de Parvez).
Según diz Reporteros ensin Fronteres l´artículu pol que foi condenáu Parvez nin siquier critica l´Islam, sinón que fai un análisis de lo que diz el Corán sobre´l papel de les muyeres. Pa la organización Parvez en realidá ye un oxetivu menor de los clérigos afganos, qu´en realidá tendríen como oxetivu rial al so hermanu mayor Ibrahimi, periodista d´investigación nel norte del país que yá recibió delles amenaces por afondar en violaciones de los drechos humanos sobre la población afgana.
Esbilla
del.icio.us
Na metá de los problemes qu'hai nel mundu tien daqué de ver la relixón.
Gracies pol to mensaxe, trasgu, adulces a ver si van camudando les coses, facía falta un gobiernu que-y plantara bien la cara a la ilesia (y a la monarquía, y a la aristocracia...)
Ricardo | 04-02-2008 - 16:03:12 GMT 1 #
A ver si Pepiño Blanco nun miente y el PSOE manda a tomar pol culu a los cures d´una vez per toes. Que razón tienes no que dices, les relixones amás dixebren el mundu, non les llingües o les races como mos quier facer ver muncho sensatu y pensante. Gracies a ti, salú.
trasgu | 05-02-2008 - 21:26:52 GMT 1 #