Pallabres más, pallabres menos, tas tocándome los güevos...
¿Nun me digáis que vosotros nun ficisteis lo de poner el vuesu nome nel Google a ver que sal?. Yo taba refalfiáu delantre del ordenador y nun se me ocurrió otra cosa que facer. La sorpresa foi grande cuando atopé una ponencia presentada en 2006 nel III congresu “Lengua y Sociedad” por un tal Raúl Sánchez Prieto, profesor de la Universidá de Salamanca, onde compara´l procesu d´estandarización del frisiu del norte y el del “llïonés”. Pues esti Raúl Sánchez garra como una de les sos fuentes un artículu que yo espublizara n´Infoasturies sobre la situación de la llingua en tol dominiu. Esto que nun entamu nun pue namás que prestar (anque diz muncho del nivel de la ponencia si garren como fuente un artículu d´un renomáu filólogu como yo...), pero cuando te pones a lleer la ponencia y ves que namás qu´echen escontra l´ALLA y afalaguen a asociaciones como Conceyu Xoven y El Fueyu yá nun presta tanto. Y lo que más cafia ye que manipulen les tos pallabres y digan qu´un reconoz que la normativa de l´ALLA ye una midida de carauter políticu que fraña la unidá del dominiu onde ún simplemente diz que hai sectores llionesistes que camienten asina.
Dexovos equí l´artículu orixinal y la “ponencia”.
Esbilla
del.icio.us
18 d´ochobre:
¡¡¡TOOS CON DIXEBRA!!!
Mui interesante'l to artículu espublizáu nel so momentu n'infoasturies y sí que ye cierto qu'esi ponente del que fales, fizo un usu mui partidista y dafechu descontestualizáu de lo que tu dices.
Per otra parte, nun sabía yo nada del frisiu y, anque namás seya pola empatía colo semeyante, prestóme saber de llingües tamién pequeñines como la nuestra pero entá vives per Europa. Saludos.
Ricardo | 10-02-2008 - 17:09:44 GMT 1 #
¡Ai, Trasgu!, topeste col filólogu oficial de Conceyu Xoven y las suas asociaciones del "frente cultural".
Este señor, de Salamanca, foi´l que retrucóu insultando a Ana Cano y a l´ALLA hai unos meses, cuando lo del pufu de
las clases de llionés. Pa entender por onde van los tiros ten en cuenta que ye l´hermanu de lider de Conceyu Xoven
en Salamanca, Nando Sanchez (Prieto) ¿Entiendes agora´l informe?.
na-lluna | 11-02-2008 - 09:29:30 GMT 1 #
Bono, polo menos en Conceyu Xoven tienen dalgún filólogu que yá ye más de lo que cuntaba. Por ciertu, nel País Llionés sabéis daqué más de les clases de llionés que dempués quedaron en cultura llionesa??? lo últimu q supe ye q namás qu´había un centru onde ufiertalu. Equí n´Asturies nun supimos más nada y eso que yo tengo´l vezu de lleer prensa llionesa na rede.
Por ciertu Ricardo los datos del consumu editorial y musical n´asturianu nun son añales sinón trimestrales.
Gracies a los dos por pasavos pequí.
trasgu | 11-02-2008 - 12:40:03 GMT 1 #
Quedóu en fumu. Clases de cultura llionesa (+ llingua, supuestamente) a nueve nenos d´una escuela de la ciudá de Llión. Velende la notcia
http://www.elfueyu.net/archivos/12y15_2007_LC.jpg
na-lluna | 11-02-2008 - 13:18:33 GMT 1 #
O seya que 9 guah.es estudiando cultura llionesa (q non Llingua) na capital del país (dafechu castellanizada) y dengún nes zones onde tovía la fala sigui viva ye un ésitu, mientres que l´enseñu del asturianu (20.000 persones en tol país) ye un fracasu (según dixeron estos llïounesistes).
Tampoco vi que dengún mediu de Llión se ficiera ecu del estudiu sociollingüísticu, quiciabes se faló daqué nel foru de Conceyu Xoven pero como tengo restrinxíu l´accesu.
trasgu | 11-02-2008 - 15:28:23 GMT 1 #
Ye la forma de ver la realidá que tien el sr. Pardo y collaboradores.
Respective al ecu de la noticia, de momentu La Crónica de León si que la recoyíu (este diariu nun tien hemeroteca, pero eiquí deixo un enllaz onde se recueye):
http://www.proidentidadleonesa.org/index.php?id_entrada=738
El Diario de León vai dar en breve información al estudiu.
Por ciertu los resúmenes periodísticos sobre l´estudiu distorsionan un poucu la información, por exemplu nel trabayu nun se chama asturianu a la llingua en Llión, siempre se trata al idioma con perífrasis cumo "la fala tradicional", de xuru que pa nun distorsionar los resultaos de la encuesta.
na-lluna | 11-02-2008 - 17:25:13 GMT 1 #
Nun esperes muncho del periodismu asturianu en cuantes a cuestiones llingüístiques, falen ensin conocer la realidá llingüística del país sobre´l qu´informen (como pa más facelu bien de la mesma realidá pero n´otru país).
Pero polo que veo los llioneses nun queden p´atrás:
Así lo afirma y así lo escribe un reciente estudio de la Universidad de Oviedo que muchos de los lectores deberían entender perfectamente si la investigación es real pues, según él, el 10% de los leoneses hablamos el asturiano.
Estudiu sociollingüísticu de Lleón. Identidá, conciencia d´usu y actitúes llingüístiques de la población lleonesa' ('Estudio sociolingüístico de León. Identidad, conciencia de uso y actitudes lingüísticas de la población leonesa', traducido para el otro 90%).
OPINIÓN/INFORMACIÓN
PARCIAL/IMPARCIAL
trasgu | 11-02-2008 - 18:39:28 GMT 1 #
Buenu ye que La Crónica de León ye la filial llionesa d´El Mundo, al meyor esto contestualiza más la DESinformación. You creo que´l "periodista" nun lleo l´estudiu inicial (que, insisto nun diz por nengún llau que´l 10% de los llioneses falan asturianu), de manu l´estudiu NUN YE DE LA UNIVERSIDÁ D´UVIÉU. ¡¡Viva la deontoloxía profesional!!, dar una información sin remanar la fuente de la noticia. Y esa frase maxistral de que "el 10% de los leoneses hablamos asturiano", denota que quien la escribe nun sabe escribir castellanu bien, o nun sabe trescribir lo que piensa, o nun sabe nociones básicas de gramática a nun ser, claro, que seya falante d´asturianu, que nun creo.
na-lluna | 11-02-2008 - 18:55:45 GMT 1 #
Pel momentu n´Asturies namás qu´informó La Voz de Asturias (colos mesmos erros que los llioneses; falen asturianu -anque al tratase d´un periódicu asturianu ye lóxicu q lu nomen asina- y un estudiu de la universidá d´Uviéu. El restu nun dixeron un res, nin l´únicu selmanariu nin los dos diarios dixitales n´asturianu.
La "información" de La Crónica paez más opinión qu´información, por riba con muncha mala llechi.
trasgu | 12-02-2008 - 10:44:45 GMT 1 #
Eicha una güeyada a esta noticia:
http://www.diariodeleon.es/inicio/noticia.jsp?CAT=113&TEXTO=6563784
na-lluna | 13-02-2008 - 09:07:39 GMT 1 #
Gracies por apurrime la noticia, a ver si la cosa sal bien. Anque prestaríame saber lo q dicen neses clases sobre´l dominiu llingüísticu, sobre Asturies...
trasgu | 13-02-2008 - 11:17:40 GMT 1 #