5 años de la mayor movilización global
Güei fai 5 años que´l mundu salió masivamente a la cai pa esixir el non a la invasión d´Iraq. Nel Estáu español foron les manifestaciones más numberosos con más d´un millón de persones en Barcelona y Madrid, lo mesmo en Londrés, Roma o Nueva York. N´Asturies el 20% del país manifestóse n´Uviéu lo que produxo´l colapsu de los trenes y que muncha xente tuviera que quedar en casa.
Yo tuvi d´aquella na de Madrid por mor d´una visita a la feria ARCO y namás pueo definilo como impresionante: cais y cais enllenes de xente, onde mirares xente, el metru colapsáu pola negativa del conceyu a aumentar el serviciu... Alcuérdome de dir nel metru y sentir a ún paisanu vieyu como-y dicía a otru que la última mani na que tuviera fora la mani pola democracia tres el golpe d´estáu del 23-F, pero qu´a esta nun podía faltar.
Al final los dictadores enmazcaretaos de demócrates invadieron un país pa roba-yos el petroleu y dexalos nel caos total, pero´l mundu enteru salió a la cai, el mundu enteru pidió paz, ¿daquién pue dicir que nun mereció la pena?
Esbilla
del.icio.us
coime, y esa pancarta de quien yera?
Vity | 17-02-2008 - 14:47:36 GMT 1 #
Yo tuve na manifestación que se fizo n'Uviéu daquella. Foi impresionante tamién, la cai taba desbordada, tuvieron que facese delles manifestaciones alternatives peles cais paraleles porque la xente nun cabía de tanta que yera. Y bono, en cuantes a lo que dices que mereció la pena, sí creo que mereció la pena, porque yera por obligaición moral lo que teníemos que facer, pero creo que sirvió de más bien poco. Lo mesmo soi mui pesimista. Saludos
Ricardo | 17-02-2008 - 22:01:13 GMT 1 #
Valió pa lo que valió.Nun cambió nada, nun evitó nenguna muerte, nun impidió que la gasolina xubiera hasta onde-yos paeciera... Bueno sí... valió pa que dende entós, el Gobiernu español dixera que la so presencia na guerra yera namás qu'humanitaria. Pero nun siendo por cómo xestionaron les hores posteriores al 11-M, aneciando en que foi ETA, nin siquier hubiera perdío el PP les elecciones d'aquella.
Jesusito | 19-02-2008 - 12:14:50 GMT 1 #