Día mundial del teatru
Puntín (o puntazu) homófoba paez ser esta obra, anque nun ye raru na mayoría d´obres de teatru asturianu de vieya creación: desfasaes, machistes, diglósiques, católiques, homófobes, racistes... Pero ye lo únicu qu´hai pel YouTube de teatru n´asturianu y prestábame facer el mio humilde homenax a la xente qu´enfotase en trabayar pol teatru nesti pequeñu país. Xente que cuerre´l peligru d´acabar morriendo de fame (o condergaos a colar pa Madrid) mientres l´alministración asturiana gasta millones nel teatru de La Llaboral pa nun contratar enxamás a denguna compañía del país.
Esbilla
del.icio.us
-el tRasgU d´aRecEs
Home, ye verdá que tovía tien un tufín llonxanu d'esi manfloritu estereotipáu del teatru costumista asturianu, pero dígote de verdá que nun ye -nin de coña- lo pior que tengo visto nesti sen. Al contrario, aceutando'l códigu acartonáu d'esti tipu de teatru, nótase na obra una """normalidá""" (con abondes comines) nel tratamientu humorísticu del tema.
Polo demás, súmome al to homenax a la xente del teatru
VeritasEtSeveritas | 27-03-2008 - 22:58:39 GMT 1 #
Home, si fora un poco más alón nun lu pondría equí y taría poniendo a parir a la TPA por ser una televisión pública y afalar la homofobia (yá llega col so despreciu a la llingua que por llei de creación de la RTPA tien de potenciar). Pero si que ties razón que pa esti tipu de teatru siendo como ye trátalu con normalidá anque seya´l típicu gai afemináu que fai gracia. Yo tengo visto dalgún monólogu nel Intercélticu d´Avilés de los que meten nos recitales de tonada que facía risión hasta d´abusar sexualmente d´una muyer. La verdá qu´hai obres que tendríen que ser prohibíes anguaño, pero vamos, que nes telenoveles llatinoamericanes qu´emiten toles tardes en TPA, TVE, A3 y toles locales repítense los mesmos estereotipos machistes, ultracatólicos, homófobos y polo menos esto ye una parte de la nuesa cultura.
trasgu | 28-03-2008 - 00:37:50 GMT 1 #