O povo é quem máis ordena
Fai 34 años a les 00.20 el periodista y poeta Leite de Vasconcelos pinchaba nel so programa de Rádio Renascença esti cantar de José Afonso prohibíu en Portugal pola dictadura de Salazar. El "Grândola Vila Morena" yera la señal qu´esperaba l´exercitu pa entamar coles operaciones que diben dar llugar a la "Revoluçao dos Cravos", la cabera revolución romántica, la revolución más pacífica de la hestoria. Güei y siempre´l pueblu ye quien más ordena.
Esbilla
del.icio.us
-el tRasgU d´aRecEs
Güei fai tamién 70 años de que George Orwell espublizara "Homenax a Catalunya"
TRASGU | 25-04-2008 - 15:13:21 GMT 2 #
Eso ye verdá. La "revolução dos cravos" foi una respuesta ciudadana de primer orden, un exemplu de lo qu'habia que facer hoxe, que parez que tamos toos amurniaos. La pena ye que los principios de la revolución fueren traicionaos polo mundu neolliberal en que vivimos güei y que, magar los sos esfuerzos, nun funcionaren toles midíes pa devolver el poder al pueblu lo que yera de so, como la reforma agraria nel Alentexu.
Comu asturianu en Pertual, préstame enforma, lleer los blogues na mío llingua materna, anque a vegaes siento ganes de llorar, pol desaniciu tan grande qu'hai pa cola nuesa llingua. Equí en Pertual hai dellos periódicos que de siemes en cuandu, como el "Público", qu'ufierten a los sos llectores articulinos en mirandés, lo que ye perprestosu cuando lleo nuna modalidá llingüística que ye daqué de nueso. Tamién siéntome atristayáu pola normalidá qu'hai equí en Pertual y l'anormalidá asturiana.
Oxalá fuese posible una hermandá ente pueblos ibéricos onde caún tuviese reconocíos los sos drechos llingüísticos ya nacionales. Tal vegada sedría otra revolución romántica...
P.D. Préstame muncho'l to blog, que sigo con atención. Una precisión piquiñina: nun ye Leite de Vascongelos, sinon de Vasconcelos. Pienso que ye que nun te diste cuenta.
Iberista | 25-04-2008 - 18:46:35 GMT 2 #
Iberista, una pequena pero importante precisión, la del 25 d'abril nun foi "una respuesta ciudadana de primer orden", foi un GÜELPE D'ESTÁU MILITAR dau por militares que taben hasta los güevos de la guerra colonial n'África. Depués los políticos, y la partitocracia, jodió l'inventu. Los militares pusieron la igua y bien poco que tardaron n'escaecelos.
Casio | 25-04-2008 - 19:36:50 GMT 2 #
Tienes razón, Casio, pero ensin la participación ciudadana nun ye posible'l triunfu de la revolución. Cualquier revolución implica: a)Sofitu popular; b)Inaición popular. Nel casu pertués, el pueblu apoyó la revolución "dos cravos", mientres que n'España les zones u venció'l franquismu, si tuviesen tenío una respuesta popular a la escontra, tal vegada nun triunfaría. No que cinca a los políticos y la partitocracia, toi talamente d'alcuerdu contigo. Too lo estropiaron.
Iberista | 26-04-2008 - 00:49:38 GMT 2 #
http://www.youtube.com/watch?v=OutwvdgcQOM&eurl=
Grândola a ritmu rock
trasgu | 26-04-2008 - 12:23:35 GMT 2 #