Un grupu de promotores estudia la creación d’un periódicu diariu n’asturianu
Según informen na páxina “L’Asturies Lliberal” nos próximos díes un grupu promotores va aconceyar nun hotel de Mieres pa estudiar la creación d'un diariu en llingua asturiana. Según fontes averaes al proyectu, un grupu de promotores, formáu por empresarios, xestores culturales y profesionales de medios de comunicación, van aconceyar a primeros de mayu “pa entamar l'estudiu d'una iniciativa editorial que quier, ente más otres coses, facer posible l'apaición d'un nuevu periódicu diariu d'ámbitu asturianu, cola novedá de que s'editaría en llingua asturiana”.
Según informa l’Asturies Lliberal, “una de les opciones que s'analizarán contempla la participación d'una importante empresa editora de calter estatal”, cola que se tuvieren dellos alcuentros nes últimes selmanes. El grupu entamador, informa la páxina “apuesta por un mediu allugáu na centralidá política, asturianista y abiertu a toles sensibilidaes presentes na sociedá asturiana, que valga de calce p'amosar tolos enfotos que nazcan na nuestra comunidá autónoma”. Nel mesmu aconceyamientu esbillaránse tamién les diverses víes de trabayu na edición dixital y na producción audiovisual.
El proyectu sumaríase de facese realidá a l’actual ufierta de conteníos informativos n’asturianu, nes que s’incluyen páxines como Asturnews.com o la revista dixital lliteraira “Lliteratu”.
d´Asturnews.com
___________________________________________________________________________
Pa un asturianu (y español) como min que suaña con poder facer periodismu en bable préstame muncho esta noticia. Cuando dexe estes tierres ensin llibertá por mor del nacionalismu nomaes les Vascongaes que más quixera que poder informar na nuesa fala melguera sobre les noticies del mundu y d´esta pequeña rexón trubiecu d´España. Yá yera hora d´un mediu escrito en bable batúa alloñáu de toa ideoloxía antiespañola, siempre dando voz a esos que se quieren apropiar de la llingua y prefieren que nun haiga oficialidá a que la traiga la xente de bona fe. Como va prestar lleer n´asturianu titulares como estos; Declárase la oficialidá gracies al votu del PP, Rajoy gana les eleiciones, Estudiar relixón católica yá ye obligatoriu hasta na universidá, El Papa excomulga a Zapatero, La OMS vuelve meter la homosexualidá ente les enfermedaes mentales, L´exercitu américanu va controlar l´estrechu pa sofitar la llucha escontra la inmigración...
P.D; A partires de güei cambeos na llinia editorial d´esti blogue por mor d´asegurame un futuru viendo les últimes noticies.
Esbilla
del.icio.us
yá m'asustares hahaha....pero bono, viniendo de la xente de l'Asturies lliberal y diciendo que van ser de "centro" (toos conocemos esa supuesta centralidá) poco más pue esperar ún de la llinia editorial...
Vity | 28-04-2008 - 15:07:36 GMT 2 #
Amás, viendo esta mena de comentarios... "Todo lo que sea fruto de la iniciativa privada y con espíritu empresarial es positivo. Creo que toda aportación a la modernidad de nuestra región es positiva. Todas las comunidades bilingües tienen sus propios diarios en el idioma autóctono. Asturias no tiene por qué ser menos. Proyectos de este tipo que no recurran al consabido recurso de la subvención política son muy importantes para nuestra cultura. Si el proyecto se consolida contará con el apoyo diario de muchos asturianos que apreciamos a nuestra lengua regional."
Vity | 28-04-2008 - 15:10:44 GMT 2 #
A min la noticia préstame pola vida, pero hasta que nun vaya´l quíoscu y tenga nes manes un diariu n´asturianu nun lu voi creer. ¿Qué empresariu de dreche$ va apostar por un espublizar un diariu n´asturianu cuando la sociedá ta ensin alfabetizar nesa llingua?.
En Galiza nun hai dengún diariu en llingua propia, en Catalunya un diariu hestóricu como `Avui´ tuvo que ponese en venta por que xeneraba pérdides, n´Euskal Herria `Berria´ nun espubliza editorial porque´l mercáu euskaldún ye tan curtiu que nun-yos vendría bien (¿el perfil d´un llector n´asturianu asitiase na `centralidá política´?, si de verdá ye la centralidá política y va abrise a toles voces del asturianismu chapo, pero viendo d´onde sal la nueva y conociendo a los de `centru´ ).
Esto necesitaría una fuerte inversión d´una alministración pública qu´apurra una bona montonera de perres pa poner en marcha´l mediu, como pasó n´Euskadi o como pasa agora en Galés con el primer diariu na so llingua, ¿va sofitar el Principáu un diariu n´asturianu de `centru´?. En Galiza fai pocos años un garapiellu d´empresarios intentaron crear un diariu d´ideoloxía galleguista -`Novas da Galiza´- y a la fin nun llograron perres abondo.
L´asturianu ta tan h.odio que lo de menos ye la llinia editorial, sería bono anque fora como `La Razón´, qu´en primeru yá me punxeron como exemplu de manipulación una portada d´esti periódicu onde podía lleese “un marroquí de origen vasco implicado en el 11
trasgu | 28-04-2008 - 17:14:04 GMT 2 #
De momento ya aconceyen pa estudiar en serio l'asuntu.
Llueu sabemos que ya contautaron con una empresa d'ámbitu estatal.
Les informaciones del blogue siempre acaben confirmaes. Lo del caltenimientu por Gotor del compromisu llingüísticu de fai cuatro años. Nin la Xunta lo sabía. Y confirmóse doblemente aumentao.
Nel PP hai empresarios que son de dereches. ¿Normal non?. El vicepresidente del Círculu Lliberal ye tamién un empresariu, en concretu del testil. Nel PP hai dirixentes que son asturianistes: Humberto Gonzali, presidente del Círculu, Felechosa qu'antes de conceyal yá yera empresariu, etc...
Si saquen a pelu un diariu nun tardarán en pidir sovención como faen otros. La diferencia ye que pol volume de tirada ya importancia social llevaríen la gran tayada de les perres públiques que se deen pal tema.
Si participa una empresa de fuera igual acaben sacando'l diariu como la versión n'asturianu d'otru diariu actual. ¿Pue ser? En pocos meses tendríemos que velo ¿non?
Lo que sabemos ye que lo más semeyao que tenemos ye una semanariu que nun lu lleen nin los alfabetizaos n'asturianu y que ta quedando ensin soscritores, aparte ser malu malu.
Tocantes a lo que decís de nun creer que pudiera abrise a toles voces del asturiasmu, faigo una reflesión en voz alta. La noticia del aconceyamientu publícase nel blogue del Círculu Lliberal. El so Presidente ye Humberto Gonzali. Nun ye d'estrañar entós que Gonzali participe n'algún grau nel proyeutu. ¿La so trayeutoria dame confianza nel so talante abiertu? ¿Hai algo que pruebe que siendo de "centru" ye tamién capaz de dar cancha a xente d'otres ideloxíes, distintes y hasta mui allueñaes de la suya? Pues sí, L'ARRIBADA. Esi congresu ye inventu suyu y tien na xunta direutiva a xente de tolos espacios del asturianismu, incluyendo nomes de nacionalistes históricos (http://arribada.nireblog.com/post/2008/04/12/nueva-directiva-de-lasociacion-cultural-larribada). Yo soi optimista porque más allá de les idees polítiques de cada cuala/u tamos ante un proyeutu perimportante. Si consiguen sacalu diba ser unu de los fechos más relevantes na hestoria del asturianismu. Si nun lo vemos entós tamos perdíos nosotros y ta perdida Asturies.
Maria | 28-04-2008 - 22:43:01 GMT 2 #
Coño, Humberto, ¿cambiasti de sexu, ho?
Xil Gueru | 28-04-2008 - 23:54:33 GMT 2 #
Coño, Xil Gueru, ¿yes bobu o faiste?
Si esta cazurrada de respuesta ye tolo que podéis dar entiendo que l'Humberto de verdá y otros asturianistes con décades de trabayu vos mandaren a tomar pol culo.
Maria | 29-04-2008 - 00:25:30 GMT 2 #
¿Quién coño ye l'anormal esti de Xil Gueru?
Diego | 29-04-2008 - 10:30:04 GMT 2 #
A ver hoooo, que tanto sabeis que nun sabeis ná.
EN GALIZA si haiperiodicos en gallegu y nun ye qu'haiga 1 sinon 2 , un selmanariu y un diariu.
NOVAS DA GALIZA si esiste, ye un selmanariu con edición dixital diaria qu'edita: Promocións Culturais Galegas S.A. Ye de calter nacionaliegu d'izquierda. Comentar que en 2007 la XUnta (PSOE-BNG) nun-yos dio nin un chapu en subvenciones.
GALICIA HOXE ye'l diariu, l'unicu en gallegu, editáu pol grupu Correo los del Correo Gallego.
Paezme raro qu'unu qu'estudia peridismu y que pa enriba paez que s'ineresa poles llingües minorizaes nun te al tantu y nin siquiera use el google. Equi vos dexo lo datos pa que lo sepais.
A parte, nun veo a que narices criticais que seyan unos lliberales los que quieran facer un diariu que yo sepa Inaciu Iglesias nun ye lo que se diz marxista jejejej y ye'l qdueñu e Les Noticies que nun pue ser más llambeculos del gobiernu de la FSA, el selmanariu LesNoticies mete mieu al panicu na so llinia editorial y de xuru que lo que faigan nuevo pormalo que sea será meyor que Les Noticies y más oxetivos (dientro de la suxetivida que caltien cualesquier mediu)
Que faigan daque serio a versi salimos de la mediocridá de Les Noticies ( ue dexe de marcar cuantayá)
Yo | 29-04-2008 - 15:05:49 GMT 2 #
"Galicia Hoxe" hasta fai pocos años yera "O Correo Galego", ye dicir que nun ye un diariu en gallegu sinón la edición nesta llingua (más cutre) d´otru diariu en castellán, xustamente un diariu abondo conservador y averáu al PP, polo qu´en tiempos de Fraga nun-y costaba nada que-yos dieran sovención pa espublizar una edición en gallegu. "A Nosa Terra" ye un selmanariu y si Les Noticies ye mediocre esti que paez el boletín del BNG nun sé que será...
"Novas da Galiza" diba ser un diariu y quedo pa prau por falta de perres.
¿Necesítense los mesmos trabayadores pa un diariu que pa una versión n´asturianu?. "La Voz de Galicia" paña sovención por tener la edición dixital la posibilidá de lleer el periódicu en gallegu, pero namás que ye una torna automática con erros gramaticales y que torna hasta los nomes y apellíos.
Y ensin google.
trasgu | 29-04-2008 - 16:14:03 GMT 2 #
Hasta fai pocos años nun lo se. Peo anguañu Galicia-Hoxe ye distinto que el coreo galego pues compararles portaes de los ultmos dies equi http://www.galicia-hoxe.com/indexServicios.php?idMenu=115&idWeb=1 tamién pues mirar les sos édiciones dixitales. Tmpoco voi ser yo el que discuta el llema de Galicia Hoxe "Unico DIARIO en galego".
Ta claro: Galicia Hoxe ye un diariu en gallegu. Que naciere como la vrsión galega del otru, paezme fasta normal, nun quita pa negar que seya un diariu.
Novas da Galiza, ¿panfletu del BNG? Namás hai que dase cuenta q'escrben en galego reitegracionista pa ver que nun va pereí la cosa. En 2007 BNG y PSOE nun-yos dieron un duru en subvenciones. INtentaron facelu diariu d'entau? Nun lo se.
Lo de los trabayadores nun lo se, camiento que non.Iual po eso ests tan miano de facer una versión d'otru...necesiten unos cuantos traductores y non necesiten periodistes ¿Nun ye asina?
Yo | 29-04-2008 - 17:06:37 GMT 2 #
Yo falo d´A Nosa Terra non de Novas da Galiza, que me paez que nun tien nada que ver el dixital d´anguaño col que quixeron facer en papel.
"Iual po eso ests tan ¿¿miano?? de facer una versión d'otru..." Digo yo que será meyor un diariu independiente que xenere más puestos de trabayu qu´una edición qu´en 2010 con pasar el tornador que va sacar la conseyería yá ta, ¿non?.
Y ye "único XORNAL en galego", h.oder, mira que nin miralo nel google...
trasgu | 29-04-2008 - 18:51:35 GMT 2 #
xD
Vity | 30-04-2008 - 13:17:21 GMT 2 #
A ver elemento abre la portada esta y, si sabes lleer, llee lo d'UNICO DIARIO EN GALEGO
http://www.elcorreogallego.es/servicios/portadasenpdf/ocor30_04.pdf
Si quies pa ti nun ye un DIARIU en gallegu y pues siguir pensando qu'en galiza nun lu hai, si te fai feliz. Mira tu que pa falar hai que saber y fuisti tu el que punxiste qu-en Galiza nun habia un diariu en galego y ehi lu tienes.
Falaste de NOVAS da Galiza al entamu "En Galiza fai pocos años un garapiellu d´empresarios intentaron crear un diariu d´ideoloxía galleguista -`Novas da Galiza´- y a la fin nun llograron perres abondo". Y yo retruquete que si esistia y que ye un selmanariu.
LLueu ye verdá que me confundi y cuando falaste de A Nosa Terra nel segundu post nun me di cuenta y suigui falando de Novas da Galiza. Entos tamos en 2 selmanarios y un diariu en gallegu, casi ná.
A lo que dibemos que SI hai un diariu en galego,acuei?
Vity nun se de que se rie, si de ti por nun decatate del diariu en galego o de min por iluminate col mio control del google y del sentiu común.
Yo | 30-04-2008 - 20:58:53 GMT 2 #
¿Falamos del nuevu diariu n'asturianu o falamos de los gallegos? ¡Que perda d'enerxía!
Antón | 01-05-2008 - 11:52:10 GMT 2 #