60 años del estáu d´Israel
Güei fai 60 años la ONU creó l´Estáu israelín, l´únicu estáu xudéu del mundu. Yera l´entamu d´una nación artificial xebrada en milenta grupos étnicos llegaos de toles partes del mundu y con cultures y xeitos de ser perestremaos. Entós el poder dióse cuenta que la única manera d´unir a tolos israelinos yera col odiu haza un enemigu común: los palestinos. El problema ye que´l "enemigu" yera quien taba nesa tierra enantes de naide.
Esbilla
del.icio.us
18 d´ochobre:
¡¡¡TOOS CON DIXEBRA!!!
los palestinos y palestinas conocen esta fecha como "La Naqba" que quiere decir "la catástrofe".
Dejo enlace de la wikipedia (en inglés): http://en.wikipedia.org/wiki/Nakba_Day
una catalana | 08-05-2008 - 20:07:31 GMT 2 #
La presencia ye de muncho primero de qu'aportaren los árabes (qu'eso ye lo que son los Palestinos, porque Palestina yera'l nome d'una provincia romana), ta bien documentao na Biblia y notres publicaciones más creyibles. Amás, el pueblu xudíu ye un pueblu, nun ye namái qu'una comunidá relixosa (De fechu l'estáu d'Israel ye llaicu). Ye un estáu aconfesional-llaicu, royu España, onde hai llibertá de relixón y la xudía namái que tien preferencia de cara a l'establecimientu de xente nesi país y la nacionalidá (pa tolo demás son iguales dafechu).
Nun me paez que'l cuentu seya como tu dices... Nun me paez que fore "L'estáu d'israel el que quixo pagar colos árabes la so falta d'unidá"... Hai que remembrar que xustu'l día depués de la declaración d'independencia declaráron-y la guerra tolos países árabes (violando'l drechu internacional, por ciertu, qu'Israel nun violó).
Si tu llegues como un xudíu represaliáu d'Europa a un país que te da'l Reinu Xuníu (que foron ellos los qu'iguaron aquello) y el mesmu día de la independencia tienes los tanques d'Exipto, Siria y Xordania per ende nun sofitaríes un militarismu xabaz? Nun ye imperialismu l'aquello d'israel, ye cuestión de superviviencia.
l\'embaxador | 11-05-2008 - 15:52:38 GMT 2 #
Home, ye nidiu que dos nun peleen si ún nun quier pero nun sé... Partiendo de la bas que ye una guerra de tanques escontra piedres. Lo que ye nidiu ye que´l pueblu Palestín ye´l gran perdedor, foi perdiendo territoriu y ca día vemos na prensa les “coses” que faen sobre la población árabe.
La Biblia fala de la tierra d´Israel y el nacionalismu xudéu nómase "sionista" pol monte Síon (orixe) que ta averáu a Xerusalén. Pero nos primeros tiempos del sionismu (que surdió n´Europa nos 80-90 del SXIX) la primer idea d´una nación pa los xudeos asitíabala n´Arxentina porque yera onde más xente había que prauticaba esta relixón. Dempués pensaron que la nación xudía tenía de tar onde foron espulsaos per primer vez polos romanos y entamaron a mercar tierres en Palestina, la primer ola d´emigración foi en 1882.
Nun soi espertu nel tema pero según tengo entendíu ye un estáu que controla la relixón de ca ciudadán y los musulmanes son ciudadanos de segunda clas. Colo de que por ser xudéu hai preferencia a la hora de nacionalizase yá diz muncho de cómo ye l´estáu.
Lo de que son un pueblu... yo diría que son una cultura, hai cultura negra, cultura femenina, cultura canábica, cultura gai... paezme qu´estos “movimientos” entós tamién tendríen drechu a la emancipación nacional. Hasta esiste´l nacionalismu queer que diz que si los xudeos tienen drechu a facer la so nación pa poder desendolcar la so cultura los gais tamién pa poder vivir llibres de toa homofobia.
El Reinu Xuníu paezme que poco pintó (anque la primera proposición "formal" d´estáu xudeu foi d´un diputáu británicu), yera l´encargáu de controlar esa parte del desaniciáu Imperiu Otomanu y más bien fizo como España col Sah.ara.
L´estáu d´Israel foi creáu pola ONU tres la "corriente de simpatía" haza los xudíos tres l´holocaustu. Cuando la ONU creó l´estáu dixebró´l territoriu en dos partes; el 57% del territoriu pa 1/3 de la población: los xudeos. Dempués entamaron les (desiguales) guerres árabe-israelianes hasta que Palestina foi ocupada dafechu. Una de les grandes negociaciones ente los dos frentes ye que los palestinos que colaron por mor de les guerres puean tornar a les sos cases, Israel nun lo acepta. El mesmu Israel que tamién invadió´l Llíbanu.
trasgu | 11-05-2008 - 23:21:01 GMT 2 #
Les invasiones eses que tu dices, les anexones... Yo entiéndoles, faense tres de ganar una guerra escontra un estáu que violó'l drechu internacional: Alsacia ye francesa polo mesmo, yera alemana, Alemaña violó'l drechu y por conquista quedáronse con ello (que sí, que ye discutible, pero nun ye propio namái que d'Israel).
Fales de cultura canábica o femenina o negra... Home, Israel tien una llingua (l'hebréu) que ye oficial xunto col árabe (mira qué mal los traten que tienen l'idioma oficial, cosa que nós non y nun ponemos bombes). Si m'apures son más nación qu'Asturies y too, son más vieyos, tienen más hestoria que nós que somos una nación medieval... Y amás tienen llingua más vieya que la de nueso y bien de coses propies de los xudíos. Vamos duldar que'l xudaismu-sionismu nun conforme una nación cuéstame creyelo... Una nación, fasta 1948 ensin tierres, pero nación a fin de cuentes.
Evidentemente, los israelíes nun son santos, pero hai que los entender, que ye una reaición a lo que pasa. Hailos que taben dispuestos a aceutar l'alcuerdu de división esi que fixeron alrodiu d'una d'eses guerres, pero H.ammás nun pasa per ehí. El fechu de que seya una organización terrorista la que gane les eleiciones en Palestina diz muncho.
La invasión del Llíbanu ye comprensible, tamién, porque Hezbolá taba furrulando como un estáu paralelu y llanzándo-yos misiles (non too son piedres) dende tierres llibaneses, el problema ye que'l gobiernu del Llíbanu nun tenía la capacidá de controlalos... Y eso ta viéndose agora na guerra civil o especie de guerra civil que tienen entamada nel Llíbanu.
embaxador | 14-05-2008 - 01:11:43 GMT 2 #
Tamién tienen una llingua los xitanos y una cultura propia y por esa regla tendrírn el mesmu drechu a facer una nación. Ye un asuntu mui enguedeyáu. L´Autoridá Nacional Palestina en manes de la OLP d´Arafat aceptó fai tiempu la esistencia del estáu d´Israel (ellos aceptaron l´autonomía palestina), los que nun lu acepten son H.amas, que por ciertu que H.amas medrara en votos en decrimentu de la OLP foi consecuencia de cierta falta de "llimpieza" nuna alministración en manes de la OLP que nun taba encadarmada y una lóxica radicalización de la población árabe escontra l´enemigu que los atacaba.
Ye nidiu que los palestinos nun son santos, pero paezme que la so llucha ye muncho más lexítima.
trasgu | 14-05-2008 - 17:48:35 GMT 2 #