Marhaban, anta laa tozªegoni abdan
(Bienllegáu, nun me molestes n´absolutu)
Taba l´otru día dando vueltes pela estación d´autobuses d´Uviéu enantes de garrar l´ALSA pa Bilbo (pero esto nun importa que namás ye una lleenda) cuando pudi ver como nuna de les coles pa garrar un autobús había una mozina d´unos venti años, vistida con vaqueros y con un velu verde claru na cabeza. Dos sitios más p´atrás otres dos muyeres, una d´unos trenta años y otra que yá pasaba los sesenta, tamién llevaben un velu gris, como tola so ropa, que namás dexaba ver el so rostru. Mientres, unes sayes muncho más p´abaxu de la rodiella permitíen ver unos tobiellos tapaos por medies. Yeren dos monxes.
La mocina llevaba´l velu como un símbolu de la so identidá, pero tamién como daqué consideráu estéticu dientro de la so cultura. Nun sé, a vegaes imaxino que mos prohibiesen por llei llevar triskeles, imaxino qué pasaría coles monxes que dan clases en munchísimos colexos si prohibimos el velu na muyer, qué pasaría coles muyeres que por folixa o por trabayu se ponen n´Asturies, y en otros munchos llugares d´Occidente, el traxe tradicional del so país. ¡Coño!, ye verdá qu´equí hasta fai poco les muyeres tamién diben con velu, bono pañu. ¿O ye que namás vamos prohibi-yos llevar el velu a les muyeres árabes?, ¿acusamos a Ana Cano d´islamista radical por pidir dende´l so cargu públicu que les muyeres vaigan cola cabeza tapada p´amosar el so compromisu cola cultura del país?.
Esbilla
del.icio.us
18 d´ochobre:
¡¡¡TOOS CON DIXEBRA!!!
Pa unes coses yes tan anti-relixosu y pa otres tan poco... Cuido yo que'l velu ye pa la musulmana un símbolu relixosu, a lo menos eso esplicáronme n'"Hestoria del Poder" esti añu. Llueu, si vas per marruecos habríes de ver que-y pasa a una muyer que nun lleva velu, yo nun sé que-y pasa, porque toes lu llevaben. En bien de países árabes, nun llevalu ye delitu o crime, y equipárase a coses peores. Creyo que ye n'Arabia Saudí, paezme. Los islámicos consideren que nes muyeres amosar el pelo ye igual qu'amosar los xenitales y considérenlo impúdico y anti-coránico.
A min tola vida, prohibiéronme llevar gorra en clase les maestres y maestros... y yo aceutélo como norma social. Supongo qu'una muyer habría d'aceutalo tamién... ¿O ye que'l velu val más que la gorra?
embaxador | 31-05-2008 - 02:29:53 GMT 2 #
ITS LOVELYYYYYYYYYYYYYYYYYYY
gerri | 31-05-2008 - 14:53:33 GMT 2 #
Tamién ye una cuestión d´identidá y cuantes más lleis faigamos nós, los superiores occidentales, pa que se quiten el velu más van ponelu como simbolu identitariu. ¿Nun ye lo mesmo, salvando les distancies, obligar a usar el velu que prohibilo?. Y nun ye lo mesmu musulmán/islámicu qu´islamista radical. Non por ser católicu yes del Foro de la Familia.
Na mio universidá ye normal ver a una moza con velu, ¿una universitaria ye una muyer sometida?, ¿ye una persona ensin vida propia destinada a sirvir al home?. Namás podemos prohibir el velu si facemos como Francia y l´estáu llaicu ye ún de los pegoyos de la República, tamién el francés como única llingua. Entós que los ministros nun tengan la Biblia pa xurar, que los Reis y prole se casen polos civil, que cuando haiga una catástrofe “nacional” (exemplu 11-M, Yak-42) los funerales d´Estáu seyan civiles, cuando muerra esti Papa que nin Reis nin gobiernu aparezan pel Vaticanu...
Con esti post quería amosar que nun somos tan diferentes. De veres, prohibimos el velu, ¿qué pasa con Ana Cano?, si lo prohibimos nun podría llevalu´l día de les lletres (nadie pensó en que na tradición asturiana les muyeres tamién van cola cabeza tapada). A min nun me molesten, a quien hai qu´atacar nun son a elles, en tal casu hai que dir a la raíz del problema y atacar a los que remanen les relixones. Nos llibros sagraos del islám hai dalgunos testos onde fala de que´l home tien que respetar la muyer, pero esos nun los “interpreten”. Nel catolicismu hai testamentos onde se diz que Xesús taba cola Magdalena y teníen fíos y too, pero la ilesia nun los acepta. Les relixones son toes iguales de fates, d´intolerantes, de machistes... por eso nun me quiero parecer a elles y entamar a dici-y a la xente como tien que dir. Si prohibimos va producise la reacción contraria: van ver atacada la so identidá como muyer musulmana y van poner el velu les que nun lu lleven.
trasgu | 31-05-2008 - 15:09:59 GMT 2 #