Dando la cara (dende Euskal Herria)
Dicen los estudiosos d´esti mundín de los blogues que lo meyor que pue facer un blogueru ye tar siempre nel anonimatu pa cubrise les espaldes, pero hai vegaes nes qu´ún ta obligáu a dar la cara (tamién ayuda nun vivir en China o Cuba).
Lo bono de que fixeran el Campus de Leioa no cimeru d´un monte (coses del franquismu, “ehí que faigan tol ruíu que quieran”) ye les vistes qu´hai camín de la Universidá. Tres de min Leioa, el mio segundu llar, y al fondu la marxe esquierda del Nervión; Barakaldo, Portugalete, Santurtzi.... Cuando ye un día de sol pues ver tola bahía del Nervión y el gran puertu de Bilbo colos sos molinos eólicos xirando na bocana de la ría. A vegaes inclús pue vese l´azul del Cantábricu, l´azul de la mar, de la mesma mar.
P.D: Y 300 quilómetros, más o menos, acullá del monte que pue vese al fondu, tais vosotros.
Esbilla
del.icio.us
18 d´ochobre:
¡¡¡TOOS CON DIXEBRA!!!
Nun digas mui altu lo d'Euskal Herria, que dellos van asustase nin...
PD: Con esto de dar la cara, tamos viendonos les cares tolos blogueros hehe.
Vity | 06-06-2008 - 17:42:14 GMT 2 #
Hasta´l PNV ta escontra esi nome, la que montaron en navidá cuando-y camudaron el nome a la seleición de fútbol: d´Euskadi a Euskal herria.
A ver si van acusame los “lliberales” d´apoloxía del terrorismu, qu´estos con tal de meter un post nuevu….
trasgu | 06-06-2008 - 19:31:27 GMT 2 #
Ya que fales usando los topónimos n'Euskera; avienme una entrugina:
Portugalete que ye, ¿Portu, en toponimia autóutona?.
bertu | 06-06-2008 - 23:04:26 GMT 2 #
Vaya estafa lo del trasgu... nin tien oreyes de punta nin gorru bermeyu nin un furacu na mano... Buuu deceición, que mos devuelvan les perres! hahahah :-)
embaxador | 06-06-2008 - 23:41:33 GMT 2 #
Portugalete ye igual en castellán y n´euskara, Portu ye como-y llamen coloquialmente los de la fastera.
Embaxador, tamos nel sieglu XXI, hai que modernizase. Yá ta bien d´estereotipos caducos ;)
trasgu | 07-06-2008 - 11:33:15 GMT 2 #
jo, depués dices que nun yes guapu :-) a min caime la babaya contigo .
yo tamién doi la cara pola oficialidá, creo que yá me colgaron de la web
asturchale | 07-06-2008 - 17:55:27 GMT 2 #
:0)
trasgu | 07-06-2008 - 17:58:55 GMT 2 #
Yo hai tiempu que dí'l nome, pero nun voi tardar en dar la cara tamién (que tampoco nun ye nengún misteriu...). Una cosuca, nesa campaña dicen que pue unviase'l testu "Yo doi la cara pola oficialidá" en cualesquier llingua, cómo nun faes que lo traduzan n'euskera (habrá oficines de la llingua vasca, o daqué asina, non?)? Saludos
Ricardo | 08-06-2008 - 01:26:31 GMT 2 #
Una de les mios compañeres de pisu ye euskaldún, tradúxome ayeri´l testu pero dexelu en casa (agora toi na uni). De tolos xeitos Fueya en Blancu yá lo tien en toles llingües de la Península.
Amás d´unviar e-mails a tolos compañeros de clas (cuando tea un poco menos apuráu), tenía pensáu imprimir fueyos cola direición (doilacara.net) o con daqué en plan "los asturianos damos la cara-doilacara.net). A ver que tal se porten los vascos...
trasgu | 09-06-2008 - 13:30:37 GMT 2 #