Salú ya 12 points
El Liet Internacional nun ye Eurovisión pero se-y paez (y sinón mirái´l traxe, amesto de movida madrilana y traxe rexonal, del ganador de 2004). La prensa "asturiana" nun dixo un res sobre que´l nuesu país vaya participar nel festival y sobre la realidá de que la participación pue ser la mayor visibilización internacional de la nuesa llingua hasta´l momentu (Liet Internacional emítese al traviés de BBC Radio ya internet pa tol mundu, la mayoría de televisiones de les comunidaes participantes tresmiten l´actu -inclús ETB-1 y el segundu canal de TVC- y el cantar ganador ye promocionáu ente les minoríes llingüístiques del continente). Nun sé qué me da que la TPA nun lo va emitir, la TVG nun lu fai y l´añu pasáu quedaron segundos, taría bien qu´entamáramos a unviar e-mails pa pidir la so emisión. Dixebra ye L´Aguañaz y L´Aguañaz ye Ámbitu, productora que trabaya pa la TPA, les coses nun puen tar más cencielles pa facilitar la so tresmisión. Como tovía nun conozo muncho del furrulamientu d´esti festival y la mayor parte de la información qu´hai ta n´idiomes minoritarios nun vos pueo cuntar muncho más. Namás dexaros un par de videos pa que veáis per onde tiren los cantares y esti enllaz onde podéis escuchar dalgunos de los participantes d´ediciones anteriores. A ver cuando Dixebra mos enseña´l cantar col que mos va representar.
NIKO, ganador de 2004
La representante escocesa nel 2004 cantando en gaélicu
Como n´Eurovisión tamién s´estilen los sones discotequeros
El gallegu Nart, segundu clasificáu del añu pasáu
Participante de 2006, tou un exemplu de vestuariu de festival musical européu
P.D: Por ciertu, el cartelu del festival tovía nun inclúi la nuesa bandera.
Esbilla
del.icio.us
18 d´ochobre:
¡¡¡TOOS CON DIXEBRA!!!
L'ultimu recuerdame a David Hasselhoff xddd
Vity | 06-06-2008 - 18:07:12 GMT 2 #
Ye verdá!!!
trasgu | 06-06-2008 - 19:24:34 GMT 2 #
Una campañuca pa pidir la emisión del festival en direutu pola TPA nun taría mal y de pasu espardese que la nuesa nación va tener tanta o más repercusión que los Premios Principe, y lo meyor con !!Dixebrá!!. Falaba na ueb de 300 millones de persones qu'escuchan o ven el Festival paezme que del añu pasau.
aruelu | 08-06-2008 - 01:09:18 GMT 2 #
Hai qu´entamar a llena-yos la redaición d´e-mails. Si fora una televisión pública de verdá, y non una canal vendida a les productores privaes y que lo únicu que tien d epúblicu ye que ta controlada pol gobiernu, mos tendríen que facer casu. Ye la so obligación.
trasgu | 09-06-2008 - 13:33:27 GMT 2 #