Yo soi de los dos, ¿pasa dalgo?
Esta semeya saquela fai más d´un añu en Madrid, nun chigre que taba nuna cai que diba dar a la Puerta del Sol (6,5 euros pola gracia, pero negeme a escanciala a lo madrilanu qu´ún tien los sos principios). Póngola agora porque resume mui bien el mio sentimientu futboleru: nun me presta´l fútbol(*), pero h.odióme que´l Uviéu nun xubiera y prestóme que lo ficiera´l Sporting (negru vime ayeri pa topar una radio que lo tresmitiera, la Real monopolizaba les ondes d´Euskal Herria y foi daqué imposible). Parafraseando aquel míticu cantar: "dende Oriente hasta Occidente, dende´l mar a la quintana, toles voces nuna ¡Puxa´l fútbol asturianu!. (Diba poner puxa´l Sporting pero arriésgome a que los d´Uviéu nun vuelvan pasar pequí).
P.D: De los otros "llogros" del fútbol ástur prefiero nun falar.
(*) hasta que dalgún equipu del país asturianice´l so nome y, entós, me faiga hincha.
Esbilla
del.icio.us
18 d´ochobre:
¡¡¡TOOS CON DIXEBRA!!!
Esti añu, nos premios Andrés Solar qu'entrega la Xunta Pola, el Pegollu foi pal equipu fútbol L'Entregu, precisamente por ponelu n'asturianu, caltenelu, y polo que contaben mas d'una vega tuvieron de llamar a los "medios" pa que lu escribieren ensin castellanizalu.
Yo casi de xuru voi faceme sociu, y yo de fútbol menos que ná, pero como dicin perhi , too seya pola causa.(tampoco son perres)
xuacu | 16-06-2008 - 20:20:48 GMT 2 #
l'añu que vien creo que-y van dar el premiu a una pescadería qu'hai debaxo mio casa: tien el nome n'asturianu, llámase "pescadería puertu tazones" y amás ponen el nome de les parroches n'asturianu, y non solo eso, les ñocles,los bogavantes, el tiñosu, too.. y aguantando eh, que ta lleno cazurros esti barriu y resiten! ¡Premiu Andrés Solar yá!
Agora en serio, a ver si atinen un poco meyor estos premios, que l'añu pasáu foi a buscalu'l presidente del equipu y falaba en castellán de valladolid, quedó al xunta en bragues
asturchale | 17-06-2008 - 01:20:11 GMT 2 #
Toi contigo, trasgu, yo, siendo xixonés, soi de tolos equipos asturianos y una pena foi lo del Real Uviéu. Ah, una cosina, "bogavante" n'asturianu, que yo sepa, dizse bugre ;)
Ricardo | 17-06-2008 - 09:14:57 GMT 2 #