"There's nought so queer as folk"
Nada ye tan raru (marica) como la xente (dichu popular del norte d´Inglaterra)
Pa conmemorar el día del Arguyu Gai que se cellebra mañana, póngovos los enllaces (YouTube nun permite ponelos equí direutamente) del meyor capítulu d´una de les series más novedoses de los últimos años: Queer as folk, una serie que narra la vida de cinco homes gais y una pareya de llesbianes de Pittsburgh (Pensilvania).
SINOPSIS: Pittsburgh ta a poco de cellebrar eleiciones. El candicatu con más posibilidaes, gracies a la campaña del protagonista de la serie, Brian Kinney (un publicista que namás quier follar y col que toos quieren follar), ye´l republicanu y actual xefe de policia de la ciudá. Ésti basa la so campaña nel ataque a los drechos de los gais y, asina, entama a pesllar tolos bares d´ambiente y enllena l´avenida Liberty (la Chueca de la serie) de policies, too pa que "les families puean volver a pasear tranquiles pela ciudá". Pero los protagonistes de la serie saben que la guerra nun ta perdida y que tovía queda la última batalla.
P.D: Les imáxenes que vienen darreú peun firir la sensibilidá de católicos, cures, monxes, oyente de la COPE, votante populares y demás xente invertida.
Primera parte
Segunda parte
Tercera parte
Cuarta parteQuinta parte
LLORA LES DERROTES QUE SON MUNCHES, PERO CELLEBRA SIEMPRE LES VICTORIES PORQUE SERÁN POQUES
Esbilla
del.icio.us
18 d´ochobre:
¡¡¡TOOS CON DIXEBRA!!!
¿Ye esti el capítulu del anunciu pago por Brian? La frase (¿dizla la madre de michael?) prestóme abondo cuando viera'l capitulu en cuatro. La verda ye que la serie diba algamando un tono culebron qu'enganchaba, y el final yera matadoramente empalagosu pero la verda ye que ta bien fecha y los personaxes tan mui bien...
Jesusito | 29-06-2008 - 01:15:08 GMT 2 #
Sí, ye esi. Esa fras nun la podría dicir otra que la grandiosa má de Michael. Préstame saber que nun soi l´únicu que tuvi demientres un par de meses ensin durmir hasta les trés de la mañana por culpa d´esta serie.
Y el final d´empalagosu nada, tolo contrariu. (Si daquién nun vio la serie y quier vela que nun siga lleendo que voi destripar el final) Al final nun se casaron y Justin coló pa Nueva York, Brian volvió abrir el "Babilon" dempués de l´atentáu y quedó too abiertu. L´atentáu, la pareya de llesbianes emigrando a Cánada por mieu viendo como se taben poniendo les coses nos EEXX... A min dexóme mal sabor de boca
trasgu | 01-07-2008 - 18:22:00 GMT 2 #
Coime, pues entós nun la viera acabar (o quedeme nuna temporada menos) porque l'ultimu capítulu que vi foi'l que diben a vivir a un xaletón del copón y a Justin faciase-y el culu gaseosa. Lo de quedar hasta les tres de la mañana a min nun me quedaba otra, col horariu que tengo ceno a les doce y quedamos viendo la tele hasta qu'acaben les series de la sexta
Jesusito | 02-07-2008 - 00:40:38 GMT 2 #
Perdístete ún o dos capítulos igual. A Justin ufiertaben-y trabayu en Nueva York, la oportunidá de la so vida, pero dicía que non pa tar con Brian y casase, entós ésti obsesionábase con facelu feliz y camudaba de personalidá, volvióse una mestura d´apagadón y romanticón -yá nun yera elli-(llegó a deci-y a Justin qu´en llugar de char otru xq nun quedaben abrazaos y Justin entós dixo que de boda nadená).
trasgu | 02-07-2008 - 01:53:02 GMT 2 #