¿Ye trabayu una esbilla al día?
Mira que pasen noticies nel mundu y los medios de comunicación dando siempre les mesmes. Por suerte tenemos ferramientes como Esbilla.net onde los usuarios son los que deciden qué noticies van formar parte de l´actualidá del día y son los llectores los encargaos de da-y importancia a les mesmes al travíes d´una votación. En Galiza tamién tienen el so esbilla. Ellí llámase chuza y cada día hai varies páxines de noticies nueves pa esbillar. Lóxicu porque son “chuzadas” la mayoría de noticies de los diarios eleutrónicos gallegos. Equí non, da igual que´l Conseyu de la Mocedá sofite la oficialidá o que´l CAO presente la so propuesta d´articulu cuatro, nadie lo esbilla. ¿Tanto trabayu ye que cada persona que llee esbilla ponga una noticia?, cualesquiera d´Asturies.com, Asturnews, Lesnoticies.com o Europa Press, esa noticia de la edición local de LNE que pienses que la xente tien que saber, esi articulín que lleisti nun blogue y prestóte o esa babayada que visti pela rede y fízote gracia. ¿Pa daqué que tenemos por qué vamos dexalo morrer?
Esbilla
del.icio.us
18 d´ochobre:
¡¡¡TOOS CON DIXEBRA!!!
Tampocu ye trabayu un articulín al día na Uiquipedia, pero'l compromisu de la xente ye'l que ye.
Vity | 08-07-2008 - 16:03:29 GMT 2 #
a mí paezme que al final siempres tamos los mesmos.
menos nos foros d'asturies.com que taba too dios (y asina salió...), no demás, seyan blogues, esbilles, foros o cualesquier cosa na rede n'asturianu, siempres apaecemos los mesmos...
TrayasgayA | 08-07-2008 - 17:35:26 GMT 2 #
Toi d'alcuerdu con qu'Esbilla.net tenía de ser una ferramienta muncho más conocía entre la xente asturfalante n'internet. De momentu, doime por aludíu al lleer l'artículu y rexístrome pa esbillar daqué dacuando. Anque vos paeza que non, el ritmu d'una esbilla al día ye mui altu pa la xente que sólo entra n'internet un ratín al día depués de trabayar.
Sicasí ensin el sofitu definitivu d'un gran mediu informativu (Asturies.com, Asturnews, Les Noticies, ...) paezme difícil que cuaye. Diba ser mui bono pa les sos visites y, amás, tiénenlo fácil de facer: sólo tienen qu'implementar plug-in como'l de los blogues nireblog, pero...
VeritasEtSeveritas | 08-07-2008 - 18:23:06 GMT 2 #
Nel mio casu, suelo esbillar noticies que m'abulten un tanto fuera del stablishment periodísticu, ye dicir, coses que, o bien nun salen nes primeres noticies de los principales diarios d'Asturies nin tolo grandones que debieren o bien que salen arrequexaes (a ver si naide-yos echa'l güeyu) nos medios asturianos (alcuérdome d'aquelles noticies sobre la represión a los sindicalistes Carnero y Morala que salíen na seición "Economía" d'un diariu que meyor nun mentar) o páxines web non asturianes. Hai coses que nun esbillo non porque nun seyan interesantes, sinón porque atalanto que yá son dafechu conocíes por salir en tolos medios. Sicasí, anque ye cierto lo que diz el compañeru (hai pocu tiempu llibre o ganes depués d'un día de trabayu pa esbillar), intentaré facer un esfuerciu.
Ricardo | 08-07-2008 - 18:33:42 GMT 2 #
Pues a min los foros d'Asturies.com prestabenme pola vida, quedé güérfanu :(
ún | 09-07-2008 - 10:56:29 GMT 2 #