Ñaz Aruelu.com, diariu dixital independiente
El proyeutu dixital Aruelu ye un sitiu onde queremos que la xente se xunte pa informar, aldericar, entretenese. Tamién ye baruyu, xaréu, nel sentíu de ser un proyeutu que quier servir pa dignificar la llingua.
Col enfotu n’enanchar la blogosfera asturiano, ñaz aruelu.com frutu del trabayu desinteresáu de dellos blogueros ya independientes y con enfotu en dái nuevos espacios de cobertura a la llingua asturiana.
Utilizar l’asturianu como mediu de comunicación ente la sociedá asturiano, dignificar el so usu y esparder el mensax de que la nuesa llingua esiste y depende de nós, l@s asturian@s, la so supervivencia.
Aruelu.com ye un proyeutu dixital que se proyeuta con una vertiente talamente asturiana y quier espeyar una realidá que nos xune como pueblu que somos, poro, la so llínea editorial tien presente estes consideraciones.
Ye un proyeutu qu’ufierta a tolos colectivos y/o persones que puxen por defender los intereses asturianos el so espaciu, siendo esti ún de los sos porgüeyos.
Esbilla
del.icio.us
18 d´ochobre:
¡¡¡TOOS CON DIXEBRA!!!
Norabona pola iniciativa y muncha suerte col diariu!
VeritasEtSeveritas | 01-08-2008 - 11:11:19 GMT 2 #
www.asturies.com pa IAS
www.infoasturies.net pa AA
www.asturnews.com pal PAS/IU
y www.aruelu.com pa Andecha Nacionaliega.
namás falta que los de FAI faigan otru pa ellos...total: 4 en cada casa y les mesmes noticies....
Yá hai pa toos: | 01-08-2008 - 11:49:51 GMT 2 #
LNE pal PP
La Voz de Asturias y El Comercio pala FSA
Si qu´hai pa toos, lo que pasa qu´unos tienen más qu´otros y llueu hailos que falen ensin saber
trasgu | 01-08-2008 - 12:02:12 GMT 2 #
que razón tiene ls egundu...
En cuenta de facer tantos diarios, vendría bien facer ún grande y seriu como www.vieiros.com, que pongan más de 4 ó 5 noticies al día... (non menos de 30 diaries), eso sí diba ser unb on diariu... (O si los 4 fixeren eso, pos taría bien tener cuatro diarios potentes... pero cuando nun tenemos nin siquier ún...)
embaxador | 01-08-2008 - 13:45:47 GMT 2 #
Un derechu básicu ye la llibertá de prensa. Los ciudadanos tenemos derechu nun solo a escoyer les fontes d'información, sinón a convertimos nuna.
Pol so calter de páxines d'accesu "gratuitu", la prensa n'internet nun furrula con les normes de competencia de la prensa tradicional, sinón dafechamente al revés: cuanto más información y más variedá, meyor. Nuna subrede neuronal como la rede n'astururianu, cuantos más guaños d'emisión y receición d'información, meyor pal funcionamientu y espoxigue de tola rede asturfalante.
La bloguesfera ye un bon exemplu. ¿Pa qué tener trasgos d'areces, llingues a pacer, xanos del caborniu o asturies lliberales? ¿Milenta voces glayando "yo creo", "yo opino", "digo yo que"...? ¿Nun valía más un solu blogue grandón que dixere "nosotros opinamos"?
La rempuesta ye NON, claro. Lo que tien valor ye talamente eso: la bayura en la diversidá, la cantidá y la calidá de les diferentes voces.
VeritasEtSeveritas | 01-08-2008 - 14:35:50 GMT 2 #
Veritas et severitas diz la verdá... bienveníu Aruelu.
Jesusito | 01-08-2008 - 17:53:16 GMT 2 #
Veritas et severitas diz la verdá... bienveníu Aruelu.
Jesusito | 01-08-2008 - 17:53:31 GMT 2 #
Ya lo dicía mio güela... na variedá ta'l gustu. Que grande va ser el día que dexemos d'andar n'engarradielles pa ná.
Xuacu | 02-08-2008 - 01:06:39 GMT 2 #
pues yo francamente, si fixeren un gran periódicu asturianu, gustosu aceutaba que'l mio blogue (Y tolos qu'amentes y más) devinieren nuna seición... De fechu préstame tenelos toos xuntos y ordenaos y nun tener qu'andar saltando d'ún a otru, porque hai xente despistao qu'aínda nun los xubió al canalblogues...
Yo namás digo que si tolos blogues esos tuvieren nun mesmu espaciu, como columnes d'un periódicu dixital podríemos siguir diciendo "yo creo, yo opino" igual de bien y la (poca) xente que nos llee tendríalo too más amañoso.
La pena de les noticies d'esos medios ye que munches veces fusílenles d'otres fontes y pa ver tantos fusilamientos d'una mesma "víctima" hai que ser un poco sádicu... Lo dicho, que'l serviciu que m'ufierta asturies.com ye'l mesmu que m'ufierta aruelu.com... Y por embargu entá naide nun m'ufiertó un serviciu como'l del pais.es, lne.es, elcomerciodigital.com etc, etc... Yo nun digo nada, namás que llamo l'atención que por falta d'entendimientu (pa variar) los asturianos nun tenemos esi serviciu cuando sí hai xente y empreses abondes dispuestes a trabayar nun periódicu dixital.
embaxador | 04-08-2008 - 02:14:44 GMT 2 #
You dou la norabona pal equipu d'Aruelu.com, que la cousa vaiga p'alantre, ya tou a medio camín d'Embaxador ya VeritasEtSeveritas: Munchos diarios, ya que sían potentes ya serios.
Pa min la cousa anda, nesi sen, na bona direición. Repito, norabona
Diestru | 04-08-2008 - 20:17:16 GMT 2 #